2 Samuele 21:1-22

21  Jaanong go ne ga nna leuba+ mo metlheng ya ga Dafide dingwaga di le tharo, ngwaga le ngwaga; mme Dafide a lopa kgakololo mo sefatlhegong sa ga Jehofa. Foo Jehofa a re: “Go na le molato wa madi mo go Saulo le mo ntlong ya gagwe, ka gonne o bolaile+ Bagibeone.”  Ka jalo kgosi ya bitsa Bagibeone+ mme ya bua le bone. (Mme Bagibeone e ne e se ba bomorwa Iseraele, mme e le ba ba ba setseng ba Baamore;+ mme bomorwa Iseraele ba ne ba ba ikanetse,+ mme Saulo a senka go ba kgemetha+ ka ntlha ya go fufegela ga gagwe+ bomorwa Iseraele le Juda.)  Mme Dafide a raya Bagibeone a re: “Ke tla dirang ka lona, le gone ke tla dira tetlanyo+ ka eng, gore lo tle lo segofatse boswa+ jwa ga Jehofa?”  Ka jalo Bagibeone ba mo raya ba re: “Ga se kgang ya selefera kgotsa gouta+ mo go rona malebana le Saulo le ba ntlo ya gagwe, le gone ga se ga rona go bolaya motho mo Iseraele.” Foo a re: “Le fa e le eng se lo se buang ke tla se lo direla.”  Foo ba raya kgosi ba re: “Monna yo o re fedisitseng+ le yo o logileng leano+ la go re nyeletsa gore re se ka ra tswelela re nna mo karolong epe ya naga ya Iseraele,  mma re newe banna ba le supa ba bomorwawe;+ mme re tla ba beela Jehofa mo pontsheng+ kwa Gibea+ wa ga Saulo, yo o tlhophilweng wa ga Jehofa.”+ Ka jalo kgosi ya re: “Nna ka bonna ke tla ba ntsha.”  Le fa go ntse jalo, kgosi ya tlhomogela Mefiboshethe+ pelo morwa Jonathane morwa Saulo ka ntlha ya ikano+ ya ga Jehofa e e neng e le fa gare ga bone, fa gare ga ga Dafide le Jonathane morwa Saulo.  Ka gone kgosi ya tsaya bana ba babedi ba basimane ba ga Risepa+ morwadia Aia ba a neng a ba tsholela Saulo, Aremoni le Mefiboshethe, le bana ba batlhano ba basimane ba ga Mikale+ morwadia Saulo ba a neng a ba tsholela Aderiele+ morwa Barisilai wa Momehola.  Go tswa foo a ba tsenya mo seatleng sa Bagibeone mme ba ba baya mo pontsheng mo thabeng fa pele ga ga Jehofa,+ mo ba le supa ba neng ba wa mmogo; mme ba ne ba bolawa mo malatsing a ntlha a thobo, kwa tshimologong ya thobo ya barele.+ 10  Le fa go ntse jalo, Risepa morwadia Aia+ a tsaya letsela la kgetsi+ a le ikalela mo godimo ga lefika go tswa kwa tshimologong ya thobo go fitlha metsi a tshologela mo go bone go tswa kwa magodimong;+ mme a se ka a letlelela dinonyane+ tsa magodimo go nna mo godimo ga bone motshegare kgotsa diphologolo tsa naga+ bosigo. 11  La bofelo go ne ga begelwa+ Dafide se Risepa morwadia Aia, mogadingwana wa ga Saulo a neng a se dirile. 12  Ka jalo Dafide a ya go tsaya marapo a ga Saulo+ le marapo a ga Jonathane morwawe kwa go beng ba naga ba Jabeshe-gileade,+ ba ba neng ba ba utswile mo patlelong ya Bethe-shane,+ kwa Bafilisitia ba neng ba ba kaleditse+ teng mo letsatsing le Bafilisitia ba neng ba tlhabile Saulo ka lone kwa Gileboa.+ 13  Mme a tlosa koo marapo a ga Saulo le marapo a ga Jonathane morwawe; mo godimo ga moo, ba ne ba phutha marapo a banna ba ba beilweng mo pontsheng.+ 14  Go tswa foo ba fitlha marapo a ga Saulo le a ga Jonathane morwawe mo lefatsheng la Benjamine kwa Seela+ mo lefelong la go fitlhela la ga Kishe+ rraagwe, gore ba dire sengwe le sengwe se kgosi e neng e se laetse. Ka jalo Modimo a dumela go rapelesega kaga lefatshe morago ga moo.+ 15  Mme Bafilisitia+ ba lwa gape le Iseraele. Ka jalo Dafide le batlhanka ba gagwe ba na le ene ba ya mme ba tlhabana le Bafilisitia; mme Dafide a lapa. 16  Mme Ishibi-benobe, yo o neng a le mo gare ga ba ba tsaletsweng Barefaime,+ yo lerumo+ la gagwe le neng le le bokete jwa dishekele di le makgolo a le mararo tsa kgotlho yo o neng a gatlhile tšhaka e ntšha, a akanya go tlhaba Dafide. 17  Abishai+ morwa Seruia a akofa a tla go mo thusa+ mme a tlhaba Mofilisitia a ba a mmolaya. Ka nako eo banna ba ga Dafide ba mo ikanela ba re: “O se ka wa tlhola o tswa le rona go ya tlhabanong,+ gore o se ka wa tima+ lobone+ lwa Iseraele!” 18  Mme ga diragala gore morago ga seno ntwa e tsoge gape le Bafilisitia kwa Gobe. Ke gone Sibekai+ wa Mohusha+ a neng a tlhaba Safe, yo o neng a le mo gare ga ba ba tsetsweng ke Barefaime.+ 19  Mme ntwa ya tsoga gape le Bafilisitia kwa Gobe, mme Elehanane+ morwa Jaare-oregime wa Mobethelehema a tlhaba Goliathe wa Mogathe, yo lore lwa lerumo la gagwe lo neng lo ntse jaaka mosipuri wa balogi.+ 20  Mme ntwa ya tsoga gape kwa Gathe,+ fa go ne go na le monna wa bogolo jo bo boitshegang, a na le menwana e le merataro mo seatleng sengwe le sengwe le menwana ya dinao e le merataro mo lonaong longwe le longwe, e le masome a mabedi le bonè ka palo; mme le ene o ne a tsholetswe Barefaime. + 21  Mme a nna a kgoba+ Iseraele. La bofelo Jonathane+ morwa Shimei,+ morwarraagwe Dafide, a mo tlhaba. 22  Bano ba banè ba ne ba tsholetswe Barefaime kwa Gathe;+ mme ba wa ka seatla sa ga Dafide le ka seatla sa batlhanka ba gagwe.+

Dintlha Tse di Kwa Tlase