2 Samuele 11:1-27

11  Mme ga diragala gore fa ngwaga o simologa,+ ka nako ya fa dikgosi di betsega,+ Dafide a romela Joabe le batlhanka ba gagwe ba na le ene le Iseraele yotlhe, gore ba senye+ bomorwa Amona le go dikanyetsa Raba,+ fa Dafide a ne a nna kwa Jerusalema.  Mme ga diragala ka nako ya maitseboa gore Dafide a nanoge mo bolaong jwa gagwe a tsamayatsamaye mo godimo ga borulelo+ jwa ntlo ya kgosi; mme fa a le mo godimo ga borulelo jwa ntlo a bona+ mosadi a tlhapa, mme mosadi yoo o ne a le montle.+  Foo Dafide a roma mme a tlhotlhomisa kaga mosadi+ yoo mme mongwe a re: “A yono ga se Bathe-sheba+ morwadia Eliame+ mosadi wa ga Uria+ wa Mohite?”+  Morago ga moo Dafide a roma barongwa gore a tle a mo tseye.+ Ka jalo mosadi a tsena kwa go ene+ mme Dafide a lala le ene,+ fa a ne a iitshepisa mo boitshekologong jwa gagwe.+ Moragonyana a boela kwa ntlong ya gagwe.  Mme mosadi a ima. Ka gone a roma mme a bolelela Dafide a re: “Ke imile.”  Foo Dafide a roma kwa go Joabe a re: “Romela Uria wa Mohite kwa go nna.” Ka jalo Joabe a romela Uria kwa go Dafide.  E rile Uria a tla kwa go ene, Dafide a simolola go botsa gore Joabe o ne a tswelela jang le gore batho ba ne ba tswelela jang le gore ntwa e ne e tswelela jang.  La bofelo Dafide a raya Uria a re: “Ya kwa ntlong ya gago mme o tlhape dinao.”+ Ka jalo Uria a tswa mo ntlong ya kgosi, mme mpho ya kgosi ya bopelontle ya mo sala morago.  Le fa go ntse jalo, Uria a lala fa botsenong jwa ntlo ya kgosi le batlhanka ba bangwe botlhe ba morena wa gagwe, mme a se ka a ya kwa ntlong ya gagwe. 10  Ka jalo ba bolelela Dafide, ba re: “Uria o ne a se ka a ya kwa ntlong ya gagwe.” Foo Dafide a raya Uria a re: “O tswa mo loetong gakere? Ke ka ntlha yang fa o sa ya kwa ntlong ya gago?” 11  Foo Uria a raya Dafide a re: “Letlole+ le Iseraele le Juda ba nna mo diobong, mme Joabe morena wa me le batlhanka ba morena+ wa me ba thibeletse mo nageng, mme nna—a ke tla tsena mo ntlong ya me ke je ke nwe ke bo ke lale le mosadi wa me?+ Jaaka o tshedile le jaaka moya wa gago o tshedile,+ ga nkitla ke dira selo seno!” 12  Foo Dafide a raya Uria a re: “Nna fano le gompieno, mme ka moso ke tla go tsamaisa.” Ka jalo Uria a tswelela a nna kwa Jerusalema mo letsatsing leo le mo letsatsing le le latelang. 13  Mo godimo ga moo, Dafide a mmitsa gore a je fa pele ga gagwe a bo a nwe. Ka jalo a mo tagisa.+ Le fa go ntse jalo, a tswa maitseboa a ya go robala mo bolaong jwa gagwe le batlhanka ba morena wa gagwe, mme a se ka a ya kwa ntlong ya gagwe. 14  Mme ga diragala mo mosong gore Dafide a kwalele Joabe lekwalo+ mme a le romela ka seatla sa ga Uria. 15  Ka jalo a kwala mo lekwalong, a re:+ “Bayang Uria kwa pele ga ditlhaselo tsa tlhabano tse di boima go feta tsotlhe,+ mme lona lo boe kafa morago ga gagwe, mme a tlhabiwe a swe.”+ 16  Mme ga diragala gore fa Joabe a ntse a lebeletse motse a baya Uria mo lefelong le a neng a itse gore le na le banna ba ba diganka.+ 17  E rile banna ba motse ba tswa ba ya go tlhabana le Joabe, foo bangwe ba batho, batlhanka ba ga Dafide, ba wa mme Uria wa Mohite le ene a swa.+ 18  Jaanong Joabe a roma gore a begele Dafide dikgang tsotlhe tsa ntwa. 19  Mme a laela morongwa, a re: “Fela fa o fetsa go bua le kgosi ka dikgang tsotlhe tsa ntwa, 20  foo go diragale gore fa tšararego ya kgosi e tsoga mme e go raya e re, ‘Ke eng fa lo ne lo atamela motse thata jaana go tlhabana le one? A lo ne lo sa itse gore ba ne ba tla hula ba le kwa godimo ga lobota? 21  Ke mang yo o bolaileng Abimeleke+ morwa Jerubeshethe?+ A e ne e se mosadi yo o neng a latlhela+ lelwala la fa godimo a le kwa godimo ga lobota mo a neng a swela kwa Thebese?+ Ke ka ntlha yang fa lo ne lo atamela lobota thata jaana?’ gape o re, ‘Motlhanka wa gago Uria wa Mohite le ene o sule.’”+ 22  Ka jalo morongwa a tsamaya mme a tla go bolelela Dafide sotlhe se Joabe a neng a se mo romile. 23  Mme morongwa a a raya Dafide a re: “Banna bao ba ne ba re feta, mo ba neng ba tla go re tlhasela kwa nageng; mme ra nna ra ba konatelela go fitlha fela kwa botsenong jwa kgoro. 24  Mme ba ba hulang ba nna ba hula batlhanka ba gago ba le kwa godimo ga lobota,+ mo bangwe ba batlhanka ba kgosi ba neng ba swa; mme motlhanka wa gago Uria wa Mohite le ene o sule.”+ 25  Foo Dafide a raya morongwa a re: “O tla raya Joabe o re, ‘A kgang eno e se ka ya lebega e le bosula mo matlhong a gago, gonne tšhaka e ja+ mongwe e bo e je yo mongwe. Gagamatsa tlhabano ya gago mo motseng mme o o digele fa fatshe.’+ Mme o mo kgothatse.” 26  Mosadi wa ga Uria a utlwa gore Uria monna wa gagwe o ne a sule, mme a simolola go lelela+ mong wa gagwe.+ 27  Fa lobaka lwa nako lwa go hutsafala+ lo sena go feta, ka yone nako eo Dafide a roma mme a mo isa gae kwa ntlong ya gagwe, mme a nna mosadi wa gagwe.+ Fa nako e ntse e tsamaya a mo tsholela morwa, mme selo se Dafide a neng a se dirile sa lebega se le bosula+ mo matlhong a ga Jehofa.+

Dintlha Tse di Kwa Tlase