2 Ditiragalo 8:1-18

8  Mme ga diragala kwa bokhutlong jwa dingwaga di le masome a mabedi,+ tse mo go tsone Solomone a neng a agile ntlo ya ga Jehofa+ le ntlo ya gagwe,+  gore metse e Hirame+ a neng a e neile Solomone—Solomone a e aga sesha a bo a dira gore bomorwa Iseraele ba nne mo go yone.  Mo godimo ga moo, Solomone a ya kwa Hamathe-soba mme a e fenya.  Morago ga moo a aga Tadamore sesha mo nageng le metse yotlhe ya bobolokelo+ e a neng a e agile kwa Hamathe.+  Mme a aga Bethe-horona+ o o kwa Godimo le Bethe-horona+ o o kwa Tlase, metse e e sireletsegileng e e nang le dipota,+ dikgoro le mophakalego,+  le Baalathe+ le metse yotlhe ya bobolokelo e e neng ya nna ya ga Solomone le metse+ yotlhe ya dikara le metse ya bapalami ba dipitse+ le sengwe le sengwe se se eletsegang sa ga Solomone+ se a neng a eleditse go se aga mo Jerusalema le mo Lebanona+ le mo lefatsheng lotlhe le a neng a le laola.  Fa e le batho botlhe ba ba neng ba setse ba Bahite+ le Baamore+ le Baperise+ le Bahife+ le Bajebuse,+ ba ba neng ba se karolo ya Iseraele,+  ba ba tswang mo go bomorwaabone ba ba neng ba tlogetswe kwa morago ga bone mo lefatsheng, ba bomorwa Iseraele ba neng ba sa ba fedisa,+ Solomone a nna a tlhopha+ batho gore ba dire tiro e e boima ya botlhanka go tla go fitlha mo letsatsing leno.+  Mme go ne go se na bomorwa Iseraele bape ba Solomone a neng a ba dira batlhanka ba tiro+ ya gagwe; gonne e ne e le batlhabani+ le balaodi ba bathusi ba badiredibagolo ba gagwe ba masole le balaodi ba bakgweetsi ba gagwe ba dikara+ le ba bapalami ba gagwe ba dipitse.+ 10  Bano e ne e le balaodi ba bathusi+ ba e neng e le ba ga Kgosi Solomone, ba le makgolo a mabedi le masome a matlhano, balebedi ba batho.+ 11  Mme Solomone a ntsha morwadia+ Faro mo Motseng wa ga Dafide+ a mo isa kwa ntlong e a neng a e mo agetse,+ gonne o ne a re: “Le mororo e le mosadi wa me, ga a tshwanela go nna mo ntlong ya ga Dafide kgosi ya Iseraele, gonne mafelo a letlole la ga Jehofa le tlileng mo go one ke selo se se boitshepo.”+ 12  Foo Solomone a isetsa Jehofa ditlhabelo tse di fisiwang+ mo sebesong+ sa ga Jehofa se a neng a se agile fa pele ga mathudi,+ 13  fela jaaka e ne e le mokgwa wa letsatsi le letsatsi+ go dira ditshupelo tsa bosabata+ le tsa bongwedi+ ba basha le tsa meletlo+ e e tlhomilweng ya gararo ka ngwaga+ go ya ka taelo ya ga Moshe, kwa moletlong wa dikuku tse di sa bedisiwang+ le kwa moletlong wa dibeke+ le kwa moletlong wa diobo.+ 14  Mo godimo ga moo, a tlhoma makgamu+ a baperesiti gore a okamele ditirelo tsa bone go ya ka molao wa ga Dafide rraagwe,+ le Balefi+ mo maemong a bone a tiro, gore ba bake+ le go direla+ fa pele ga baperesiti jaaka mokgwa wa letsatsi le letsatsi,+ le balebedi ba dikgoro ka makgamu a bone a a farologaneng a dikgoro+ tse di farologaneng, gonne eo e ne e le taelo ya ga Dafide monna wa Modimo wa boammaaruri. 15  Mme ba se ka ba fapoga taelo ya kgosi e e neng e ya kwa baperesiting le Balefi ka ga kgang epe le ditlamelo.+ 16  Ka jalo tiro ya ga Solomone e ne e baakantswe+ yotlhe go simolola ka letsatsi la go thaiwa ga motheo wa ntlo ya ga Jehofa go fitlha e wediwa.+ Ntlo ya ga Jehofa ya wediwa jalo.+ 17  Foo Solomone a ya kwa Esione-gebere+ le kwa Elothe+ mo losing lwa lewatle mo lefatsheng la Edoma.+ 18  Mme ka metlha Hirame+ a nna a romela kwa go ene ka batlhanka ba gagwe dikepe le batlhanka ba ba nang le kitso ka lewatle,+ mme ba ne ba tla le batlhanka ba ga Solomone kwa Ofire+ mme ba tsaya ditalenta di le makgolo a le manè le masome a matlhano+ tsa gouta+ teng ba bo ba di tlisa kwa go Kgosi Solomone.+

Dintlha Tse di Kwa Tlase