2 Ditiragalo 5:1-14

5  La bofelo tiro yotlhe e Solomone a neng a tshwanela go e dira ya ntlo ya ga Jehofa ya bo e weditswe,+ mme Solomone a simolola go tsenya dilo tse di neng di itshepisitswe ke Dafide rraagwe;+ a tsenya selefera le gouta le dilwana tsotlhe mo matlotlong a ntlo ya Modimo wa boammaaruri.+  Ke ka nako eo Solomone a neng a phuthela banna ba bagolwane ba Iseraele+ le ditlhogo tsotlhe tsa ditso,+ dikgosana tsa matlo a borre+ tsa bomorwa Iseraele, kwa Jerusalema, gore a tlhatlose+ letlole+ la kgolagano ya ga Jehofa mo Motseng wa ga Dafide,+ ke go re, Siona.+  Ka jalo banna botlhe ba Iseraele ba phuthegela kwa kgosing kwa moletlong, wa kgwedi ya bosupa.+  Ka jalo banna botlhe ba bagolwane ba Iseraele ba tla,+ mme Balefi ba simolola go sikara Letlole.+  Ba tlisa Letlole+ le mogope wa bokopanelo+ le dilwana+ tsotlhe tse di boitshepo tse di neng di le mo mogopeng. Baperesiti e bong Balefi ba di tlisa.+  Mme Kgosi Solomone le phuthego yotlhe ya Baiseraele ba ba neng ba boloka nako ya bone e ba e beelaneng le ene fa pele ga Letlole ba ne ba ntsha dinku setlhabelo+ le dikgomo tse di neng di ka se balwe kgotsa ga bolelwa palo ya tsone ka ntlha ya bontsi jwa tsone.  Foo baperesiti ba tlisa letlole la kgolagano ya ga Jehofa mo lefelong la lone, mo phaposing e e kwa tengteng+ ya ntlo, mo teng ga Boitshepo Jwa Maitshepo,+ kafa tlase ga diphuka tsa ditšheruba.+  Ka jalo ditšheruba di ne di nna di tsharololetse diphuka tsa tsone mo godimo ga lefelo la Letlole, mo e leng gore ditšheruba di ne di bipile Letlole le dikota+ tsa lone go tswa kwa godimo.+  Mme dikota di ne di le ditelele, mo e leng gore dintlha tsa dikota di ne di bonala kwa Boitshepong fa pele ga phaposi e e kwa tengteng, mme di ne di sa bonale kwa ntle, mme di sa ntse di le koo go fitlha mo letsatsing leno.+ 10  Go ne go se na sepe mo Letloleng fa e se dikwalelo+ tse pedi tse Moshe a neng a di neile kwa Horebe,+ fa Jehofa a ne a dira kgolagano+ le bomorwa Iseraele fa ba ne ba tswa kwa Egepeto.+ 11  Mme ga diragala gore fa baperesiti ba tswa mo lefelong le le boitshepo (gonne fa e le baperesiti botlhe ba ba neng ba le teng, ba ne ba iitshepisitse+—go ne go sa tlhokege gore ba boloke makgamu);+ 12  mme Balefi+ ba e neng e le baopedi ba bone botlhe, e bong, ba ga Asafe,+ ba ga Hemane,+ ba ga Jeduthune+ le ba bomorwaabone le ba bomorwarraabone ba ba neng ba apere letsela le le boleta ba tshotse disemebala+ le diletswa tsa megala+ le diharepa,+ ba ne ba eme ka fa botlhaba jwa sebeso mmogo le baperesiti ba palo ya bone e neng e fitlha go ba ba lekgolo le masome a mabedi ba letsa diterompeta;+ 13  mme ga diragala gore fela fa ba ba letsang diterompeta le baopedi ba ne ba le seoposengwe+ mo go direng gore go utlwale modumo o le mongwe fela mo go bakeng le mo go lebogeng Jehofa, e bile e rile fela fa ba tlhatlosa modumo ka diterompeta le ka disemebala le ka diletswa tsa pina+ le ka go baka+ Jehofa, “gonne o molemo,+ gonne bopelonomi jwa gagwe jwa lorato+ ke jwa bosakhutleng,” ntlo ka boyone ya tlala leru,+ yone ntlo ya ga Jehofa,+ 14  mme baperesiti ba ne ba sa kgone go ema gore ba direle ka ntlha ya leru;+ gonne kgalalelo+ ya ga Jehofa e ne e tletse mo ntlong ya Modimo wa boammaaruri.

Dintlha Tse di Kwa Tlase