2 Ditiragalo 32:1-33

32  Morago ga dilo tseno le tsela e e ikanyegang+ eno Senakeribe+ kgosi ya Asiria+ a tla mme a tlhasela Juda a bo a thibelela kgatlhanong le metse e e sireletsegileng,+ mme a nna a akanya go e dira ya gagwe ka go e tlhasela.  E rile Hesekia a bona gore Senakeribe o ne a tlile sefatlhego+ sa gagwe e le sa motho a ikemiseditse go lwa le Jerusalema,  foo ene le dikgosana+ tsa gagwe le banna ba gagwe ba ba thata ba dira tshwetso ya gore ba thibe metsi a metswedi e e neng e le kwa ntle ga motse;+ mme ba mo thusa.  Ka jalo ga phuthwa batho ba le bantsi, me ba thiba metswedi yotlhe le melatswana e e phothoselang+ e e fetang e rwaleletse fa gare ga lefatshe leo, ba re: “Ke ka ntlha yang fa dikgosi tsa Asiria di tshwanetse go tla mme tsa fitlhela metsi a mantsi thata?”  Mo godimo ga moo, a nna pelokgale mme a aga lobota+ lotlhe lo lo thubegileng a ba a tsholetsa ditora+ mo godimo ga lone, le lobota+ lo longwe ka kwa ntle, a ba a baakanya Thota+ ya Motse wa ga Dafide, le go dira dibetsa+ tse dintsi tse di konopiwang le dithebe.+  Mme a tlhoma balaodi+ ba sesole gore ba okamele batho le go ba phuthela kwa go ene kwa patlelong+ ya kgoro ya motse a ba a bua le pelo+ ya bone, a re:  “Nnang pelokgale lo nonofe.+ Lo se ka lwa boifa+ le fa e le go tshoga+ ka ntlha ya kgosi ya Asiria+ le ka ntlha ya boidiidi jotlhe jo bo nang le ene;+ gonne ba ba nang le rona ba bantsi go feta ba ba nang le ene.  O na le lebogo la nama,+ mme rona re na le Jehofa Modimo wa rona go re thusa+ le go tlhabana ditlhabano tsa rona.”+ Mme batho ba simolola go itshegeletsa ka mafoko a ga Hesekia kgosi ya Juda.+  Senakeribe+ kgosi ya Asiria o ne a romela batlhanka ba gagwe kwa Jerusalema morago ga seno, fa a ne a le kwa Lakishe+ a na le thata yotlhe ya gagwe e kgolo,+ kwa go Hesekia kgosi ya Juda le kwa Bajudieng botlhe ba ba neng ba le kwa Jerusalema, a re: 10  “Senakeribe kgosi ya Asiria o buile jaana,+ ‘O ikantse eng fa o ntse ka tidimalo o dikanyeditswe mo Jerusalema?+ 11  A Hesekia+ ga a lo gogele+ gore a lo neelele loso ka leuba le ka lenyora, a re: “Jehofa Modimo wa rona o tla re golola mo seatleng sa kgosi ya Asiria”?+ 12  A Hesekia ga se ene a neng a tlosa mafelo a gagwe a a kwa godimo+ le dibeso+ tsa gagwe a ba a raya Juda le Jerusalema a re: “Lo ikobe+ fa pele ga sebeso+ se le sengwe lo bo lo kuise mosi wa setlhabelo+ mo go sone”? 13  A ga lo itse se nna le borremogologolwane re neng ra se dira ditšhaba tsotlhe tsa mafatshe?+ A medimo+ ya ditšhaba ya mafatshe e ne ya kgona go golola lefatshe la bone mo seatleng sa me? 14  E ne e le ofe wa medimo yotlhe ya ditšhaba tseno tse borremogologolwane ba neng ba di senya o o neng wa itshupa o kgona go gogola batho ba one mo seatleng sa me, mo Modimo wa lona a tla kgonang go lo golola mo seatleng+ sa me? 15  Jaanong lo se ka lwa letla Hesekia a lo tsietsa+ kgotsa a lo gogela+ ka tsela eno e bile lo se ka lwa dumela mo go ene, gonne ga go na modimo wa setšhaba sepe kgotsa bogosi o o neng wa kgona go golola batho ba one mo seatleng sa me le mo seatleng sa borremogologolwane. A bo Modimo wa lona a se kitla a kgona jang ne go lo golola mo seatleng+ sa me!’” 16  Mme batlhanka ba gagwe ba nna ba buela pele fela kgatlhanong le Jehofa Modimo+ wa boammaaruri le Hesekia motlhanka wa gagwe. 17  O ne a ba a kwala makwalo+ a kgoba Jehofa Modimo wa Iseraele+ e bile a bua kgatlhanong le ene, a re: “Jaaka medimo+ ya ditšhaba tsa mafatshe e e neng ya se ka ya golola batho ba yone mo seatleng+ sa me, fela jalo Modimo wa ga Hesekia ga a kitla a golola batho ba gagwe mo seatleng sa me.” 18  Mme ba+ nna ba goela ka lentswe le le kwa godimo+ ka puo ya Sejuda+ kwa bathong ba Jerusalema ba ba neng ba le mo godimo ga lobota, go dira gore ba tshoge+ le go ba fudua, gore ba tle ba thope motse. 19  Mme ba nna ba bua kgatlhanong+ le Modimo wa Jerusalema+ ka tsela e e tshwanang le e ba buang kgatlhanong le medimo ya ditšhaba tsa lefatshe ka yone, e e dirilweng ka diatla tsa motho.+ 20  Mme kgosi Hesekia+ le Isaia+ morwa Amosi,+ e bong moporofeti,+ ba nna ba rapela ka ga selo seno+ e bile ba goela kwa magodimong ba kopa thuso.+ 21  Mme Jehofa a romela moengele+ mme a nyeletsa monna mongwe le mongwe yo o pelokgale yo o thata+ le moeteledipele le molaodi mo bothibelelong jwa kgosi ya Asiria,+ mo a neng a boela morago kwa lefatsheng la gagwe ka sefatlhego se se tlhabilweng ke ditlhong. Moragonyana a tsena mo ntlong ya modimo wa gagwe mme gone koo, bangwe ba ba neng ba dule mo teng ga gagwe ba mo rema ka tšhaka.+ 22  Jehofa a boloka Hesekia le banni ba Jerusalema jalo mo seatleng sa ga Senakeribe kgosi ya Asiria+ le mo seatleng sa ba bangwe botlhe mme a ba naya boikhutso mo tikologong yotlhe.+ 23  Mme go ne go na le ba le bantsi ba ba neng ba tlisetsa Jehofa dimpho+ kwa Jerusalema le dilo tse di di gaisang tsotlhe kwa go Hesekia kgosi ya Juda,+ mme a godisiwa+ mo matlhong a ditšhaba tsotlhe morago ga moo. 24  Mo metlheng eo Hesekia a bobola mo a neng a tloga a swa,+ mme a simolola go rapela+ Jehofa. Ka jalo A bua le ene,+ mme A mo naya kgakgamatso.+ 25  Mme go ya ka molemo o a neng a o direlwa Hesekia a se ka a boa,+ gonne pelo ya gagwe e ne ya nna mabela+ mme a shakgalelwa+ ene le Juda le Jerusalema. 26  Le fa go ntse jalo, Hesekia a ikokobetsa+ mo go nneng mabela ga pelo ya gagwe, ene le banni ba Jerusalema, mme tšhakgalo ya ga Jehofa ya se ka ya tla mo go bone mo metlheng ya ga Hesekia.+ 27  Mme Hesekia a nna le dikhumo le kgalalelo e kgolo thata;+ a itirela matlo a polokelo a selefera le gouta+ le a majana a a tlhokegang+ le a leokwane la balema+ le a dithebe+ le a dilwana tsotlhe tse di eletsegang;+ 28  le mafelo a polokelo+ a kungo ya dijo tsa ditlhaka le beine e ntšha+ le leokwane, le masakana+ a diphologolo tsotlhe tsa mefuta e e farologaneng le masakana a metlhape. 29  A ipapalela metse, le diruiwa tsa letsomane+ le tsa motlhape+ o montsi; gonne Modimo o ne a mo naya dithoto+ di le dintsi thata. 30  Mme Hesekia ke ene a neng a thiba+ motswedi o o kwa godimo wa metsi+ a Gihone+ mme a a kaela ka tlhamalalo gore a ye kwa bophirima kwa Motseng wa ga Dafide,+ mme Hesekia a itshupa a atlega mo tirong nngwe le nngwe ya gagwe.+ 31  Mme ga diragala gore ka babueledi ba dikgosana tsa Babelona+ tse di neng di romilwe kwa go ene+ go tla go mmotsa ka kgakgamatso+ e e neng e le teng mo lefatsheng leo, Modimo wa boammaaruri a mo tlogela+ gore a mo leke,+ gore o itse sengwe le sengwe se se mo pelong+ ya gagwe. 32  Fa e le ditiragalo+ tse dingwe tsotlhe tsa ga Hesekia le ditiro tsa gagwe tsa bopelonomi jwa lorato,+ di kwadilwe mo ponatshegelong ya ga moporofeti Isaia, morwa Amosi,+ mo Bukeng+ ya Dikgosi tsa Juda le Iseraele. 33  La bofelo Hesekia a lala le borraagwemogologolwane,+ mme ba mo fitlha mo botlhatlogong jo bo yang kwa mafelong a go fitlhela a bomorwa Dafide;+ mme Juda yotlhe le banni ba Jerusalema ba mo naya tlotlo mo losong+ lwa gagwe. Mme Manase+ morwawe a simolola go busa mo boemong jwa gagwe.

Dintlha Tse di Kwa Tlase