2 Ditiragalo 3:1-17

3  La bofelo Solomone a simolola go aga ntlo ya ga Jehofa+ kwa Jerusalema mo Thabeng ya Moria,+ kwa [Jehofa] a neng a bonalela Dafide rraagwe+ gone, mo lefelong le Dafide a neng a le baakantse mo seboaneng sa ga Orenane+ wa Mojebuse.  Ka jalo a simolola go aga mo kgweding ya bobedi mo letsatsing la bobedi, mo ngwageng wa bonè wa puso ya gagwe.+  Mme Solomone a thaya dilo tseno jaaka motheo wa go aga ntlo ya Modimo wa boammaaruri, boleele jwa dikubita ka selekanyo sa pele e le dikubita di le masome a marataro, mme boatlhamo e le dikubita di le masome a mabedi.+  Mme mathudi+ a a neng a le fa pele ga boleele a ne a le dikubita di le masome a mabedi fa pele ga boatlhamo jwa ntlo, bogodimo jwa one e le lekgolo le masome a mabedi; mme a e manega gouta e e itshekileng kafa teng.  Mme a bipa ntlo+ e kgolo ka logong lwa mofira, morago ga moo a e bipa ka gouta+ e e molemo, a e tsenya ditshwantsho tsa ditlhare tsa mokolane+ le dikeetane.+  Mo godimo ga moo, a manega ntlo leje le le tlhokegang gore e nne ntle;+ mme gouta+ e ne e le gouta e e tswang kwa nageng ya gouta.  Mme a bipa ntlo, ditlhomeso, direpodi le dipota tsa yone le dikgoro tsa yone ka gouta;+ mme a gaba ditšheruba mo dipoteng.+  Mme a dira ntlo ya Boitshepo jwa Maitshepo,+ boleele jwa yone fa bo bapisiwa le boatlhamo jwa ntlo e le dikubita di le masome a mabedi, boatlhamo jwa yone e le dikubita di le masome a mabedi;+ morago ga moo a e bipa ka gouta e e molemo ya ditalenta di le makgolo a le marataro.  Selekanyo sa bokete jwa dimapo+ e ne e le dishekele tsa gouta di le masome a matlhano; mme a bipa matlwana a a kwa borulelong ka gouta. 10  Morago ga moo a dira ditshwantsho tsa ditšheruba+ tse pedi mo ntlong ya Boitshepo jwa Maitshepo a bo a di manega gouta.+ 11  Fa e le diphuka tsa ditšheruba+ tsone, boleele jwa tsone e ne e le dikubita di le masome a mabedi, lefuka le le lengwe la dikubita di le tlhano le fitlha kwa loboteng lwa ntlo, mme lefuka le lengwe la dikubita di le tlhano le fitlha kwa lefukeng la tšheruba+ e nngwe. 12  Mme lefuka la tšheruba e nngwe la dikubita di le tlhano le ne le fitlha kwa loboteng lwa ntlo, le lefuka le lengwe la dikubita di le tlhano le ne le kgomile lefuka la tšheruba+ e nngwe. 13  Diphuka tsa ditšheruba tseno di ne di tsharolotswe dikubita di le masome a mabedi; mme di ne di eme ka dinao difatlhego tsa tsone di lebile kafa teng. 14  Mo godimo ga moo, a dira sesiro+ sa tlhale e e bobududu+ le boboa jo bo fetoletsweng mo mmaleng o o bobududu jo bo mokgona jo bohibitswana le bohibidu jo bo mokgona le letsela le le boleta, mme a se kgabisa ka ditšheruba.+ 15  Foo a dira dipilara tse pedi+ fa pele ga ntlo, di le boleele jwa dikubita di le masome a mararo le botlhano, mme tlhogo+ ya pilara e e neng e le mo godimo ga nngwe le nngwe e ne e le dikubita di le tlhano. 16  Mo godimo ga moo, a dira dikeetane+ tse di tshwanang le sebaga sa mo molaleng mme a di baya mo godimo ga dipilara, a bo a dira digaranata di le lekgolo+ a bo a di tsenya mo dikeetaneng. 17  Mme a tlhoma dipilara fa pele ga tempele, e nngwe kafa mojeng mme e nngwe kafa molemeng, morago ga moo a raya e e kafa mojeng leina a re Jakine mme leina la e e kafa molemeng Boase.+

Dintlha Tse di Kwa Tlase