2 Ditiragalo 27:1-9

27  Jothame+ o ne a na le dingwaga di le masome a mabedi le botlhano fa a simolola go busa, mme a busa mo Jerusalema dingwaga di le lesome le borataro. Leina la ga mmaagwe e ne e le Jerushahe+ morwadia Sadoke.  Mme a nna a dira se se siameng mo matlhong+ a ga Jehofa, go ya ka sotlhe se Usia rraagwe a neng a se dirile.+ Fela o ne a se ka a italetsa mo tempeleng ya ga Jehofa.+ Le fa go ntse jalo, batho ba ne ba sa ntse ba dira bosula.+  Ene ka boene o ne a aga kgoro e e kwa godimo+ ya ntlo ya ga Jehofa, mme a dira tiro e kgolo fela thata ya go aga mo loboteng lwa Ofele.+  A aga metse+ mo kgaolong e e dithaba ya Juda,+ a ba a aga mafelo a a sireletsegileng+ le ditora+ mo dikgweng.+  A tlhabana le kgosi ya bomorwa Amona+ mme kgabagare a itshupa a nonofile go ba feta, mo e leng gore mo ngwageng oo, bomorwa Amona ba ne ba mo naya ditalenta di le lekgolo tsa selefera le korong+ ya dilekanyo di le dikete di le lesome tsa koro+ le di le dikete di le lesome tsa barele.+ Seno ke se bomorwa Amona ba neng ba se mo duela, le mo ngwageng wa bobedi le wa boraro.+  Ka jalo Jothame a nna a inonotsha, gonne o ne a baakanya ditsela tsa gagwe fa pele ga ga Jehofa Modimo+ wa gagwe.  Fa e le ditiragalo tse dingwe tsotlhe tsa ga Jothame+ le dintwa tsotlhe tsa gagwe le ditsela tsa gagwe, di kwadilwe mo Bukeng+ ya Dikgosi tsa Iseraele le tsa Juda.  O ne a na le dingwaga di le masome a mabedi le botlhano fa a simolola go busa, mme a busa dingwaga di le lesome le borataro mo Jerusalema.+  La bofelo Jothame a lala le borraagwemogologolwane,+ mme ba mo fitlha mo Motseng wa ga Dafide.+ Mme Ahase+ morwawe a simolola go busa mo boemong jwa gagwe.

Dintlha Tse di Kwa Tlase