2 Ditiragalo 22:1-12

22  Foo banni ba Jerusalema ba dira Ahasia+ morwawe yo mmotlana mo go botlhe kgosi mo boemong jwa gagwe, (gonne setlhopha sa dirukutlhi se se neng se tlile kwa bothibelelong le Baaraba+ se ne se bolaile botlhe ba bagolwane,)+ mme Ahasia morwa Jehorame a simolola go busa e le kgosi ya Juda.  Ahasia o ne a na le dingwaga di le masome a mabedi le bobedi fa a simolola go busa,+ mme a busa ngwaga o le mongwe mo Jerusalema. Leina la ga mmaagwe e ne e le Athalia+ morwadia ngwana wa ga Omeri.+  Le ene ka boene o ne a tsamaya mo ditseleng tsa ntlo ya ga Ahabe,+ gonne mmaagwe+ ka boene o ne a nna mogakolodi wa gagwe mo go direng ka boikepo.  Mme a nna a dira se se bosula mo matlhong a ga Jehofa, fela jaaka ntlo ya ga Ahabe, gonne bone ka bobone ba ne ba nna bagakolodi+ ba gagwe morago ga loso lwa ga rraagwe, gore ba mo senye.  Gape o ne a tsamaya+ mo kgakololong ya bone, mo a neng a tsamaya le Jehorame+ morwa Ahabe kgosi ya Iseraele go ya ntweng kgatlhanong le Hasaele+ kgosi ya Siria kwa Ramothe-gileade,+ e kwa go yone bahudi ba neng ba tlhaba Jehorame.+  Ka gone a boela kwa Jesereele+ go ya go fodisa dintho tse ba neng ba di mo ntshitse kwa Rama+ fa a ne a tlhabana le Hasaele kgosi ya Siria. Fa e le Asaria+ morwa Jehorame+ kgosi ya Juda ene, a fologa a ya go bona Jehorame+ morwa Ahabe kwa Jesereele, gonne o ne a bobola.+  Mme go wa+ ga ga Ahasia go ne ga direga go tswa kwa Modimong+ ka go tla ga gagwe kwa go Jehorame; e rile a tla, a tswa+ le Jehorame ba ya kwa go Jehu+ morwa ngwana wa ga Nimeshi,+ yo Jehofa a neng a mo tloditse+ gore a fedise ntlo ya ga Ahabe.+  Mme ga diragala gore fela fa Jehu a sena go tsena mo kganetsanong le ntlo ya ga Ahabe,+ a bona dikgosana tsa Juda le barwa ba bomorwarraagwe Ahasia,+ badiredi ba ga Ahasia, mme a ba bolaya.+  Morago ga moo a ya go batla Ahasia, la bofelo ba mo tshwara,+ fa a ne a iphitlhile kwa Samarea,+ mme ba mo tlisa kwa go Jehu. Foo ba mmolaya ba bo ba mo fitlha,+ gonne ba ne ba re: “Ke morwa ngwana wa ga Jehoshafate,+ yo o neng a batla Jehofa ka pelo yotlhe ya gagwe.”+ Mme go ne go se na ope wa ntlo ya ga Ahasia yo o neng a tla nna le maatla mo bogosing. 10  Fa e le Athalia+ mmaagwe Ahasia ene, a bona gore morwawe o ne a sule. Ka jalo a nanoga a senya losika lotlhe lwa segosi lwa ntlo ya Juda.+ 11  Le fa go ntse jalo, Jehoshabeathe+ morwadia kgosi a tsaya Jehoashe+ morwa Ahasia mme a mo utswa mo go bomorwa kgosi ba ba neng ba tlile go bolawa, a mo tsenya ene le mosadi yo a mo tlhokomelang mo phaposing e e kwa teng ya dikanamelo. Mme Jehoshabeathe morwadia Kgosi Jehorame,+ mosadi wa ga moperesiti Jehoiada,+ (gonne e ne e le kgaitsadia Ahasia,) a nna a mo fitlhile ka ntlha ya ga Athalia, mme a se ka a mmolaya.+ 12  Mme a nna le bone kwa ntlong ya Modimo wa boammaaruri ba fitlhilwe dingwaga di le thataro,+ fa Athalia a ne a busa lefatshe+ leo e le kgosigadi.+

Dintlha Tse di Kwa Tlase