2 Ditiragalo 21:1-20

21  La bofelo Jehoshafate a lala le borraagwemogologolwane+ mme a fitlhwa le borraagwemogologolwane+ mo Motseng wa ga Dafide; mme Jehorame+ morwawe a simolola go busa mo boemong jwa gagwe.  O ne a na le bomorwarraagwe, bomorwa Jehoshafate, Asaria le Jehiele le Sekarea le Asaria le Mikaele le Shefatia, botlhe bano e le bomorwa Jehoshafate kgosi ya Iseraele.  Ka gone rraabone a ba naya dimpho+ di le dintsi tsa selefera le tsa gouta le tsa dilo tse di di gaisang tsotlhe mmogo le metse e e sireletsegileng ya Juda;+ mme bogosi jone a bo naya Jehorame,+ gonne e ne e le leitibolo.+  E rile Jehorame a nanoga gore a okamele bogosi jwa ga rraagwe a dira gore boemo jwa gagwe bo nonofe, ka jalo a bolaya bomorwarraagwe+ botlhe ka tšhaka le bangwe ba dikgosana tsa Iseraele.  Jehorame o ne a na le dingwaga di le masome a mararo le bobedi fa a simolola go busa, mme a busa+ dingwaga di le robedi mo Jerusalema.  Mme a tsamaya mo tseleng ya dikgosi tsa Iseraele,+ fela jaaka ba ntlo ya ga Ahabe ba ne ba dirile; gonne morwadia Ahabe e ne a le mosadi+ wa gagwe, mme a tswelela go dira se se bosula mo matlhong+ a ga Jehofa.  Mme Jehofa o ne a sa batle go senya+ ntlo ya ga Dafide, ka ntlha ya kgolagano+ e a neng a e dirile le Dafide, le fela jaaka a ne a rile o tla naya ene+ le bomorwawe lobone ka metlha.+  Mo metlheng ya gagwe Edoma+ o ne a tlhanoga mo seatleng sa Juda+ mme a dira gore kgosi e ba buse.+  Ka gone Jehorame mmogo le balaodi ba gagwe ba feta mmogo le dikara tsotlhe di na le ene. Mme ga diragala gore a nanoge bosigo a kgemethe Baedoma ba ba neng ba mo dikologile le balaodi ba dikara. 10  Mme Edoma a tswelela a tlhanoga mo seatleng sa Juda go fitlha mo letsatsing leno. Ka yone nako eo Libena+ a simolola go tlhanoga mo seatleng sa gagwe, ka gonne o ne a tlogetse Jehofa Modimo wa borraagwemogologolwane.+ 11  Le ene ka boene o ne a dirile mafelo a a kwa godimo+ mo dithabeng tsa Juda, go dira gore banni ba Jerusalema ba akafale,+ le gore a leleke+ Juda. 12  Kgabagare ga tla lekwalo+ kwa go ene le tswa kwa go moporofeti Elija,+ le re: “Jehofa Modimo wa ga Dafide rragomogologolwane o buile jaana, ‘Ka ntlha ya gore ga o a tsamaya mo ditseleng tsa ga Jehoshafate+ rrago kgotsa mo ditseleng tsa ga Asa+ kgosi ya Juda, 13  mme o tsamaya mo ditseleng tsa dikgosi tsa Iseraele+ o bo o dira gore Juda le banni ba Jerusalema ba akafale+ fela jaaka ntlo ya ga Ahabe e dirile gore go akafalwe,+ tota le bomorwarrago, ba ntlo ya ga rrago, ba ba neng ba le botoka mo go wena, o ba bolaile;+ 14  bona! Jehofa o itaya+ batho+ ba gago thata le bomorwao+ le basadi ba gago le dithoto tsotlhe tsa gago. 15  Mme o tla nna le malwetse+ a le mantsi, le bolwetse jwa mala a gago, go fitlha mala a gago a tswa ka ntlha ya bolwetse letsatsi le letsatsi.’”+ 16  Ka jalo Jehofa a dira gore moya+ wa Bafilisitia+ le Baaraba+ ba ba neng ba le fa thoko ga Baethiopia+ o tsogologele Jehorame. 17  Ka jalo ba tla mo Juda mme ba e bula ka thata ba bo ba isa dithoto tsotlhe tse di neng di fitlhelwa mo ntlong+ ya kgosi botshwarwa mmogo le bomorwawe le basadi+ ba gagwe, o ne a sa tlogelelwa morwa ope fa e se Jehoahase,+ morwawe yo mmotlana mo go botlhe. 18  Morago ga seno sotlhe Jehofa a mo leretse sebetso mo maleng ka bolwetse jo bo neng bo se na phodiso.+ 19  Mme ga diragala gore mo malatsing a a tlang, le e leng ka nako ya fa lobaka lwa dingwaga di le pedi lo sena go fela, mala+ a gagwe a tswa fa a ntse a lwala, mme kgabagare a swela mo malwetseng a gagwe a a maswe; mme batho ba gagwe ba se ka ba mo direla phiso jaaka phiso+ ya borraagwemogologolwane. 20  O ne a na le dingwaga di le masome a mararo le bobedi fa a ne a simolola go busa, mme a busa mo Jerusalema dingwaga di le robedi. La bofelo a tsamaya a sa elediwe.+ Ka jalo ba mo fitlha mo Motseng wa ga Dafide,+ e seng mo mafelong a dikgosi a go fitlhela.+

Dintlha Tse di Kwa Tlase