2 Ditiragalo 17:1-19

17  Mme Jehoshafate+ morwawe a simolola go busa mo boemong jwa gagwe le go dira boemo jwa gagwe go nna jo bo nonofileng mo Iseraele.  Mme a baya mephato ya sesole mo metseng yotlhe e e sireletsegileng ya Juda le go baya ditlhopha tsa masole tse di sireletsang mo lefatsheng la Juda le mo metseng ya Eferaime e Asa rraagwe a neng a e thopile.+  Mme Jehofa a nna le Jehoshafate,+ ka gonne o ne a tsamaya mo ditseleng tsa pele tsa ga Dafide rraagwemogologolwane+ mme a se ka a batla Bobaale.+  Gonne o ne a batla+ Modimo wa ga rraagwe e bile a tsamaya+ mo taelong ya gagwe, mme e seng go ya kafa Iseraele e dirang ka gone.+  Mme Jehofa a boloka bogosi bo tlhomamisitswe thata mo seatleng+ sa gagwe; mme Juda yotlhe ya tswelela e naya Jehoshafate dineo,+ mme a nna le dikhumo le kgalalelo e ntsi.+  Mme pelo ya gagwe ya nna pelokgale mo ditseleng+ tsa ga Jehofa, a ba a tlosa le mafelo a a kwa godimo+ le dikota tse di boitshepo+ mo Juda.  Mme mo ngwageng wa boraro wa go busa ga gagwe a roma gore go bidiwe dikgosana tsa gagwe, e bong, Bene-haile le Obadia le Sekarea le Nethanele le Mikaia, gore ba rute mo metseng ya Juda,  ba na le Balefi, Shemaia le Nethania le Sebadia le Asahele le Shemiramothe le Jehonathane le Adonija le Tobija le Toba-donija e bong Balefi, ba na le Elishama le Jehorame e bong baperesiti.+  Mme ba simolola go ruta+ mo Juda, mme ba ne ba na le buka ya molao wa ga Jehofa;+ ba nna ba tsamayatsamaya mo metseng yotlhe ya Juda ba ruta mo gare ga batho. 10  Mme go boifa+ Jehofa ga nna mo magosing otlhe a mafatshe a a neng a le mo tikologong yotlhe ya Juda, mme ba se ka ba tlhabana le Jehoshafate.+ 11  Mme ba ne ba tlisetsa Jehoshafate dineo+ le madi e le sehuba+ go tswa kwa Bafilisitieng. Baaraba+ le bone ba ne ba mo tlisetsa matsomane, diphelefu di le dikete di le supa le makgolo a le supa le diphoko di le dikete di le supa le makgolo a le supa.+ 12  Mme Jehoshafate a tswelela a gatela pele e bile a gola a nna mogolo+ thata; a aga mafelo a a sireletsegileng+ le metse ya bobolokelo+ mo Juda. 13  Mme go ne go na le ditiro di le dintsi tse a neng a di kgatlhegela tse e neng ya nna tsa gagwe mo metseng ya Juda; le batlhabani,+ banna ba ba pelokgale ba ba thata,+ ba ne ba le kwa Jerusalema. 14  Mme tseno e ne e le ditiro tsa bone ka ntlo ya borraabonemogologolwane: Ya Juda balaodi ba dikete, molaodi Adane, mme ba ba neng ba na le ene e ne e le banna ba ba pelokgale, ba ba thata+ ba le dikete di le makgolo a le mararo. 15  Mme mo taolong ya gagwe go ne go na le molaodi Jehohanane, mme a na le ba le dikete di le makgolo a mabedi le masome a le robedi. 16  Mme mo taolong ya gagwe go ne go na le Amasia morwa Sikeri moithaopi+ wa ga Jehofa, mme a na le banna ba ba pelokgale ba ba thata ba le dikete di le makgolo a mabedi. 17  Mme go tswa mo go Benjamine+ go ne go na le monna yo o pelokgale yo o thata e bong Eliada, mme a na le banna ba le dikete di le makgolo a mabedi ba tlhomeletse ka bora le thebe.+ 18  Mme mo taolong ya gagwe go ne go na le Jehosabade, a na le banna ba le dikete di le lekgolo le masome a le robedi ba tlhomeletse go ya sesoleng. 19  Bano ke bone ba ba neng ba direla kgosi kwantle ga ba kgosi e neng ya ba baya mo metseng e e sireletsegileng+ go ralala Juda yotlhe.

Dintlha Tse di Kwa Tlase