2 Ditiragalo 15:1-19

15  Mme moya+ wa Modimo wa nna mo go Asaria morwa Odede.+  Ka jalo a tswela kwa go Asa mme a mo raya a re: “Nkutlwa, wena Asa le Juda yotlhe le Benjamine! Jehofa o na le lona fa fela lo na le ene;+ mme fa lo mmatla,+ o tla dira gore lo mmone, mme fa lo mo tlogela o tla lo tlogela.+  Mme Iseraele+ o ne a se na Modimo wa boammaaruri malatsi a le mantsi e bile a se na moperesiti yo o rutang+ gape a se na Molao.  Mme e rile ba boela kwa go Jehofa Modimo wa Iseraele+ ba le mo matshwenyegong+ a bone ba mmatla, foo a dira gore ba mmone.+  Mme mo metlheng eo go ne go se na kagiso mo go yo o tswang kgotsa mo go yo o tsenang,+ ka gonne go ne go na le dikhuduego di le dintsi mo banning botlhe ba mafatshe.+  Mme ba ne ba thubaganngwa, setšhaba kgatlhanong le setšhaba+ le motse kgatlhanong le motse, ka gonne Modimo ka boene o ne a ba boloka ba le mo khuduegong ka matshwenyego+ a mofuta mongwe le mongwe.  Mme lona, nnang pelokgale+ mme lo se ka lwa letla diatla tsa lona tsa repa,+ ka gonne tiro ya lona e na le maduo.”+  E rile fela Asa a utlwa mafoko ano le boporofeti jwa ga moporofeti Odede,+ a nna pelokgale mme a dira gore dilo tse di makgapha+ di nyelele mo lefatsheng lotlhe la Juda le Benjamine le mo metseng e a neng a e thopile mo kgaolong e e dithaba ya Eferaime,+ le go ntšhafatsa sebeso sa ga Jehofa se se neng se le fa pele ga mathudi a ga Jehofa.+  Mme a simolola go phutha Juda yotlhe le Benjamine+ mmogo le baagi ba baeng+ ba ba nang le bone go tswa kwa Eferaime le Manase le Simeone, gonne ba ne ba ngwegetse kwa go ene ba le bantsi go tswa kwa Iseraele fa ba ne ba bona gore Jehofa Modimo wa gagwe o ne a na le ene.+ 10  Ka jalo ba ne ba phuthega mmogo kwa Jerusalema mo kgweding ya boraro ya ngwaga wa bolesome le botlhano wa puso ya ga Asa. 11  Foo ba ntshetsa Jehofa setlhabelo mo letsatsing leo go tswa mo thopong e ba neng ba tlile ka yone, dikgomo di le makgolo a le supa le dinku di le dikete di le supa. 12  Go feta moo, ba tsena mo kgolaganong+ ya go batla Jehofa Modimo wa borraabonemogologolwane ka pelo yotlhe ya bone le ka moya+ otlhe wa bone; 13  gore ope yo o se kitlang a batla Jehofa Modimo wa Iseraele a bolawe,+ e ka ne a le monnye kgotsa a le mogolo,+ e ka ne e le monna kgotsa mosadi.+ 14  Ka jalo ba ikanela+ Jehofa ka lentswe le le kwa godimo le ka mokgosi wa boipelo le ka diterompeta le ka dinaka. 15  Mme Juda yotlhe ya ipelela+ selo se se ikanetsweng; gonne ba ne ba ikanne ka pelo yotlhe ya bone ba bo ba mmatla ka boipelo jo bo tletseng, mo a neng a dira gore ba mmone;+ mme Jehofa a tswelela go ba naya boikhutso mo tikologong yotlhe.+ 16  Tota le e leng Maaka+ mmaagwemogolo, kgosi Asa ka boene+ a mo tlosa mo bohumagading,+ ka gonne o ne a diretse kota e e boitshepo+ modingwana o o tshosang; morago ga moo Asa a rema modingwana+ wa gagwe o o tshosang a o sila a bo a o fisa+ kwa mokgatšheng o o phothoselang wa Kiderona.+ 17  Mme mafelo a a kwa godimo+ one a ne a se ka a nyelela mo Iseraele.+ Fela pelo ya ga Asa e ne ya itshupa e feletse malatsi otlhe a gagwe.+ 18  Mme a tlisa dilo tse rraagwe a di dirileng boitshepo le dilo+ tse di dirilweng boitshepo ke ene mo ntlong ya Modimo wa boammaaruri, selefera le gouta le dilwana.+ 19  Fa e le ntwa yone, e ne ya se ka ya nna teng go fitlha mo ngwageng wa bomasome a mararo le botlhano wa puso ya ga Asa.+

Dintlha Tse di Kwa Tlase