2 Ditiragalo 14:1-15

14  La bofelo Abija a lala le borraagwemogologolwane,+ mme ba mo fitlha mo Motseng wa ga Dafide;+ mme Asa+ morwawe a simolola go busa mo boemong jwa gagwe. Mo metlheng ya gagwe lefatshe le ne le se na matshwenyego+ dingwaga di le lesome.  Mme Asa a dira se se molemo le se se siameng mo matlhong a ga Jehofa Modimo wa gagwe.  Ka jalo a tlosa dibeso+ tsa seeng le mafelo a a kwa godimo+ a ba a thuba dipilara tse di boitshepo+ a ba a rema dikota tse di boitshepo.+  Mo godimo ga moo, a raya Juda a re a batle+ Jehofa Modimo wa borraabonemogologolwane le go dira molao+ le taelo.+  Ka jalo a tlosa mafelo a a kwa godimo le ditlhomo tsa maswalo+ mo metseng yotlhe ya Juda; mme bogosi jwa tswelela bo se na matshwenyego+ fa pele ga gagwe.  Mme a aga metse e e sireletsegileng mo Juda,+ gonne lefatshe le ne le se na matshwenyego; mme go ne go se na ntwa epe e e mo tsogologelang mo dingwageng tseno, gonne Jehofa o ne a mo naya boikhutso.+  Ka jalo a raya Juda a re: “A re ageng metse eno re bo re dire dipota+ go dikologa le ditora,+ dikgoro tse di maphata mabedi le mephakalego.+ Lefatshe le sa ntse le le mo taolong ya rona, ka gonne re batlile Jehofa Modimo+ wa rona. Re batlile, mme o re naya boikhutso mo tikologong yotlhe.”+ Mme ba aga ba bo ba atlega.+  Mme Asa a nna le mophato wa sesole o o tsholang thebe+ e kgolo le lerumo,+ ba le dikete di le makgolo a le mararo ba ba tswang mo Juda.+ Mme ba ba tsholang thejana e bile ba oba bora+ ba ba tswang mo Benjamine ba ne ba le dikete di le makgolo a le mabedi le masome a le robedi.+ Botlhe bano e ne e le banna ba ba pelokgale ba ba thata.  Moragonyana Sera wa Moethiopia+ a ba tsogologela ka mophato wa sesole wa banna+ ba le milione le dikara di le makgolo a le mararo, mme a fitlha kwa Mareshahe.+ 10  Foo Asa a mo tsogologela mme ba tlhomagana kafa thulaganyong ya tlhabano mo mokgatšheng wa Sefatha kwa Mareshahe. 11  Mme Asa a simolola go goela kwa go Jehofa Modimo+ wa gagwe a re: “Ao tlhe Jehofa, malebana le go thusa, ga go re sepe mo go wena gore a e ka ne go na le ba le bantsi kgotsa ba ba se nang maatla.+ Re thuse, tlhe Jehofa Modimo wa rona, gonne re ikaegile+ ka wena, mme re tsogologetse boidiidi jono ka leina+ la gago. Wena Jehofa, o Modimo+ wa rona. O se ka wa letla gore motho yo o nang le go swa a nne le maatla kgatlhanong le wena.”+ 12  Foo Jehofa a fenya+ Baethiopia fa pele ga ga Asa le fa pele ga Juda, mme Baethiopia ba tshaba. 13  Mme Asa le batho ba ba neng ba na le ene ba nna ba ba latelela go fitlha kwa Gerare,+ mme ba Baethiopia ba nna ba wa go fitlha go se na ope wa bone yo o tshelang; gonne ba ne ba thubaganngwa fa pele ga ga Jehofa+ le fa pele ga mophato+ wa gagwe. Morago ga moo ba tsamaya ka thopo+ e ntsi fela thata. 14  Mo godimo ga moo, ba kgemetha metse yotlhe e e dikologileng Gerare, gonne go boifa+ Jehofa go ne go le mo go bone; mme ba gapa metse yotlhe, gonne go ne go na le mo gontsi go go thopa mo go yone.+ 15  Ba ne ba bo ba kgemetha le megope+ e e nang le diruiwa mo ba neng ba isa matsomane a le mantsi thata botshwarwa+ le dikamela,+ morago ga moo ba boela Jerusalema.

Dintlha Tse di Kwa Tlase