2 Ditiragalo 12:1-16

12  Mme ga diragala gore, fela fa bogosi jwa ga Rehoboame bo setse bo tlhomamisitswe+ ka thata le fa a ne a setse a nonofile, a tlogela molao wa ga Jehofa,+ ene mmogo le Iseraele+ yotlhe.  Mme ga diragala mo ngwageng wa botlhano wa ga Kgosi Rehoboame+ gore Shishake+ kgosi ya Egepeto a tsogologele Jerusalema, (gonne ba ne ba ile ba itshwara ka go tlhoka boikanyegi mo go Jehofa,)+  ka dikara+ di le makgolo a le lesome le bobedi le bapalami ba dipitse ba le dikete di le masome a le marataro; mme batho ba ba neng ba dule le ene kwa Egepeto ba ne ba se na palo+—Balibia,+ Basukime le Baethiopia.+  Mme a thopa metse e e sireletsegileng ya Juda+ mme la bofelo a tla go fitlha mo Jerusalema.+  Jaanong moporofeti Shemaia+ a tla mo go Rehoboame le dikgosana tsa Juda tse di neng di phuthegetse kwa Jerusalema ka ntlha ya ga Shishake, mme a ba raya a re: “Jehofa o buile jaana, ‘Lona lo ntlogetse,+ mme le nna ke lo tlogeletse+ seatla sa ga Shishake.’”  Foo dikgosana tsa Iseraele le kgosi ba ikokobetsa+ mme ba re: “Jehofa o tshiamo.”+  Mme e rile Jehofa a bona+ gore ba ne ba ikokobeditse, lefoko la ga Jehofa la tla kwa go Shemaia,+ le re: “Ba ikokobeditse.+ Ga nkitla ke ba senya, mme mo lobakanyaneng fela ke tla ba falotsa, mme tšararego ya me ga e kitla e tshologela mo godimo ga Jerusalema ka seatla sa ga Shishake.+  Mme ba tla nna batlhanka ba gagwe,+ gore ba tle ba itse pharologanyo fa gare ga tirelo+ ya me le tirelo ya magosi a mafatshe.”+  Ka jalo Shishake+ kgosi ya Egepeto a tsogologela Jerusalema mme a tsaya matlotlo a ntlo ya ga Jehofa+ le matlotlo a ntlo ya kgosi.+ A tsaya sengwe le sengwe; ka jalo a tsaya dithebe tsa gouta tse Solomone a neng a di dirile.+ 10  Ka gone Kgosi Rehoboame a dira dithebe tsa kgotlho mo boemong jwa tsone, a di baya mo taolong ya balaodi ba batabogi,+ badisa+ ba kgoro ya ntlo ya kgosi.+ 11  Mme go ne go tle go diragale gore nako le nako fa kgosi e tla mo ntlong ya ga Jehofa, batabogi ba di tseye, ba bo ba di busetsa kwa ntlwaneng ya molebeledi ya batabogi.+ 12  Mme ka gonne a ne a ikokobetsa, bogale jwa ga Jehofa bo ne jwa boa mo go ene,+ mme a se ka a akanya ka go ba senya gotlhelele.+ Mme, mo godimo ga moo, go ne go na le dilo tse di molemo mo Juda.+ 13  Mme Kgosi Rehoboame a tswelela a dira gore boemo jwa gagwe bo nonofe mo Jerusalema a ba a nna a busa; gonne Rehoboame+ o ne a na le dingwaga di le masome a manè le bongwe fa a ne a simolola go busa, mme a busa dingwaga di le lesome le bosupa mo Jerusalema, motse+ o Jehofa a neng a o tlhophile mo ditsong tsotlhe tsa Iseraele gore a beye leina la gagwe mo go one.+ Mme leina la ga mmaagwe e ne e le Naama+ mosadi wa Moamona.+ 14  Mme o ne a dira se se bosula,+ gonne o ne a sa tlhomamisa pelo ya gagwe ka thata gore e batle Jehofa.+ 15  Fa e le ditiragalo tsa ga Rehoboame, tsa ntlha le tsa bofelo,+ a ga di a kwalwa mo mafokong a ga moporofeti Shemaia+ le Ido+ yo e leng mmoni wa diponatshegelo ka go kwadisiwa kafa losikeng? Mme ka dinako tsotlhe go ne go na le dintwa fa gare ga ga Rehoboame+ le Jeroboame.+ 16  La bofelo Rehoboame a lala le borraagwemogologolwane+ mme a fitlhwa mo Motseng wa ga Dafide;+ mme Abija+ morwawe a simolola go busa mo boemong jwa gagwe.

Dintlha Tse di Kwa Tlase