2 Ditiragalo 10:1-19

10  Mme Rehoboame+ a ya kwa Shekema,+ gonne Iseraele yotlhe e ne e tlile kwa Shekema go mo dira kgosi.  Mme ga diragala gore fela fa Jeroboame+ morwa Nebate a utlwa seo fa a ne a sa ntse a le kwa Egepeto,+ (ka gonne o ne a tshabile ka ntlha ya ga kgosi Solomone,) Jeroboame a boa ka yone nako eo go tswa kwa Egepeto.+  Ka jalo ba roma ba mmitsa, mme Jeroboame le Iseraele yotlhe ba tla ba bua le Rehoboame, ba re:+  “Rrago ene, o ne a thatafatsa jokwe+ ya rona; jaanong wena dira gore tirelo e e thata ya ga rrago le jokwe+ e e boima e a neng a e baya mo go rona e nne motlhofo, mme re tla go direla.”+  Foo a ba raya a re: “Mma go fete malatsi a le mararo. Morago ga moo lo boele kwa go nna.” Ka jalo batho ba tsamaya.  Mme Kgosi Rehoboame a simolola go gakololana+ le banna ba bagolwane ba ba neng ba ntse ba direla Solomone rraagwe ka metlha fa a ne a sa ntse a tshela, a re: “Lo gakolola gore setšhaba seno se arabiwe jang?”+  Ka jalo ba bua le ene, ba re: “Fa e le gore o tla itshupa o le molemo mo setšhabeng seno e bile o se itumedisa le go bua mafoko a a molemo le sone,+ le sone e tla nna batlhanka ba gago ka metlha.”+  Le fa go ntse jalo, a tlogela kgakololo+ ya banna ba bagolwane e ba neng ba mo gakolotse ka yone, mme a simolola go gakololana le makawana a a neng a godile le ene,+ a e neng e le one a mo direlang.+  Mme a a raya a re: “Lo gakolola+ gore re arabe jang setšhaba seno se se buileng le nna, se re, ‘Tlhofofatsa jokwe e rrago a e beileng mo go rona’?”+ 10  Makau a a neng a godile le ene a bua le ene, a re: “O bue jaana le batho bano ba ba buileng le wena, ba re, ‘Rrago ene, o dirile jokwe ya rona boima, mme wena, re e tlhofofaletse’; o ba reye o re,+ ‘Monwana wa me o monnye ruri o tla nna mokima go feta dinōka tsa ga rre.+ 11  Mme jaanong rre ene o ne a lo pega jokwe e e boima, mme nna, ke tla oketsa jokwe+ ya lona. Rre ene, o ne a lo kgwathisa ka dime, mme nna, ke tla lo kgwathisa ka dime tse di nang le mafuto.’”+ 12  Mme Jeroboame le batho botlhe ba tla mo go Rehoboame mo letsatsing la boraro, fela jaaka kgosi e ne e buile, e re: “Lo boeleng mo go nna mo letsatsing la boraro.”+ 13  Mme kgosi ya simolola go ba araba ka bogale.+ Ka jalo Kgosi Rehoboame a tlogela kgakololo+ ya banna ba bagolwane,+ 14  mme a tswelela go bua le bone go ya ka kgakololo ya makau,+ a re: “Ke tla dira gore jokwe ya lona e nne boima thata, e bile nna, ke tla e oketsa. Rre ene, o ne a lo kgwathisa ka dime, mme nna, ke tla lo kgwathisa ka dime tse di nang le mafuto.”+ 15  Mme kgosi ya se ka ya reetsa batho; gonne dilo di ne tsa direga di tswa kwa Modimong+ wa boammaaruri gore Jehofa a tle a diragatse lefoko+ la gagwe le a neng a le buile le Jeroboame morwa Nebate+ ka Ahija+ wa Moshilo.+ 16  Fa e le Iseraele yotlhe, ka go bo kgosi e ne ya se ka ya ba reetsa, batho jaanong ba fetola kgosi, ba re: “Re na le kabelo efe mo go Dafide?+ Gape ga go na boswa bope mo go morwa Jese.+ Mongwe le mongwe a ye kwa medimong+ ya gagwe wena Iseraele! Jaanong, iponele ntlo ya gago, wena Dafide.”+ Foo Iseraele yotlhe ya ya kwa megopeng ya yone. 17  Fa e le bomorwa Iseraele ba ba neng ba nna mo metseng ya Juda bone, Rehoboame a tswelela go ba busa.+ 18  Morago ga moo Kgosi Rehoboame a roma Hadorame,+ yo o neng a okametse ba ba neng ba pateleditswe go tsenela tiro e e boima, mme bomorwa Iseraele ba mo kgobotletsa ka maje,+ mme a swa. Kgosi Rehoboame ka boene a kgona go palama kara ya gagwe a tshabela kwa Jerusalema.+ 19  Baiseraele ba nna ba tlhanogela+ ntlo ya ga Dafide go tla go fitlha mo letsatsing leno.

Dintlha Tse di Kwa Tlase