2 Dikgosi 8:1-29

8  Mme Elisha o ne a buile le mosadi yo a neng a rudisitse+ morwawe, a re: “Nanoga o tsamaye, wena le ba ntlo ya gago, o age o le moeng gongwe le gongwe kwa o ka agang o le moeng+ teng; gonne Jehofa o biditse leuba,+ mme mo godimo ga moo, le tla tla mo lefatsheng ka dingwaga di le supa.”+  Ka jalo mosadi a nanoga a dira go ya ka lefoko la monna wa Modimo wa boammaaruri mme a tsamaya,+ ene le ba ntlo ya gagwe,+ a ya mme a aga e le moeng kwa lefatsheng la Bafilisitia+ dingwaga di supa.  Mme ga diragala kwa bokhutlong jwa dingwaga tse supa gore mosadi yono a boe kwa lefatsheng la Bafilisitia le go ya go lelela ntlo ya gagwe le tshimo ya gagwe kwa kgosing.+  Jaanong kgosi e ne e bua le Gehasi+ motlhokomedi wa monna wa Modimo wa boammaaruri e re: “Tsweetswee mpolelela dilo tsotlhe tse dikgolo tse Elisha a di dirileng.”+  Mme ga diragala gore fa a ne a bolelela kgosi kafa a neng a rudisitse moswi ka teng,+ bona, mosadi yo a neng a rudisitse morwawe o ne a lelela ntlo ya gagwe le tshimo ya gagwe+ mo kgosing. Foo Gehasi a re: “Morena wa me+ kgosi, mosadi yoo ke ene yo, mme yono ke morwawe yo Elisha a mo rudisitseng.”  Foo kgosi ya botsa mosadi, mme a mmolelela kgang.+ Go tswa foo kgosi ya mo naya modiredi wa ntlo+ ya kgosi, e re: “Busa sotlhe sa gagwe le dikungwa tsotlhe tsa tshimo go tloga ka letsatsi le a tlogetseng lefatshe ka lone go fitlha jaanong.”+  Mme Elisha a tla mo Damaseko;+ mme Bene-hadade+ kgosi ya Siria o ne a bobola. Ka jalo o ne a begelwa, go twe: “Monna wa Modimo wa boammaaruri+ o fitlhile fano.”  Foo kgosi ya raya Hasaele+ ya re: “Tsaya mpho+ mo seatleng sa gago mme o tsamaye o ye go kgatlhantsha monna wa Modimo wa boammaaruri, mme o botse+ Jehofa ka ene, o re, ‘A ke tla rula mo pobolong eno?’”  Ka jalo Hasaele a ya go mo kgatlhantsha mme a tsaya mpho mo seatleng sa gagwe, le selo sa mofuta mongwe le mongwe se se molemo sa Damaseko, morwalo wa dikamela di le masome a manè, mme a tla a ema fa pele ga gagwe a re: “Morwao,+ Bene-hadade, kgosi ya Siria, o nthometse kwa go wena, a re, ‘A ke tla rula mo pobolong eno?’” 10  Go tswa foo Elisha a mo raya a re: “Tsamaya, o mo reye o re, ‘Ruri o tla rula,’ mme Jehofa o mpontshitse+ gore ruri o tla swa.”+ 11  A tsepega matlho mme a a tlhoma gore a bo a tlhabiwe ke ditlhong. Go tswa foo, monna wa Modimo wa boammaaruri a lela.+ 12  Foo Hasaele a re: “Ke ka ntlha yang fa morena wa me a lela?” Foo a re: “Ka gonne ke itse sentle kafa o tla utlwisang bomorwa Iseraele botlhoko+ ka gone. Mafelo a bone a a sireletsegileng o tla a tshuba ka molelo, le banna ba bone ba ba tlhophilweng ka kelotlhoko o tla ba bolaya ka tšhaka, le bana ba bone o tla ba phatlakanya,+ le basadi ba bone ba ba imileng o tla ba gagolaka.”+ 13  Foo Hasaele a re: “Motlhanka wa gago ke eng, yo e leng ntša fela,+ gore a ka dira selo seno se segolo?” Mme Elisha a re: “Jehofa o go mpontshitse o le kgosi ya Siria.”+ 14  Morago ga moo a tswa mo go Elisha mme a tla mo go morena wa gagwe, yo jaanong a neng a mo raya a re: “Elisha o go reile a reng?” Foo a re: “O ntheile a re, ‘Ruri o tla rula.’”+ 15  Mme ga diragala mo letsatsing le le latelang gore a tseye letsela le le apesang a le ine mo metsing a bo a le tsharololela mo sefatlhegong sa gagwe,+ mme a swa.+ Hasaele+ a simolola go busa mo boemong jwa gagwe. 16  Mme mo ngwageng wa botlhano wa ga Jehorame+ morwa Ahabe kgosi ya Iseraele, fa Jehoshafate e ne e le kgosi ya Juda, Jehorame+ morwa Jehoshafate kgosi ya Juda a nna kgosi. 17  O ne a na le dingwaga di le masome a mararo le bobedi fa a ne a nna kgosi, mme a busa dingwaga di le borobabobedi mo Jerusalema.+ 18  Mme a tsamaya mo tseleng ya dikgosi tsa Iseraele,+ fela jaaka ba ntlo ya ga Ahabe ba ne ba dirile;+ gonne morwadia Ahabe o ne a nna mosadi wa gagwe,+ mme a nna a dira se se bosula mo matlhong a ga Jehofa. 19  Mme Jehofa o ne a sa batle go senya Juda+ ka ntlha ya ga Dafide motlhanka wa gagwe,+ fela jaaka a ne a mo solofeditse go mo naya lobone+ le go lo naya bomorwawe ka metlha. 20  Mo metlheng ya gagwe Edoma+ o ne a tlhanoga mo seatleng sa Juda mme a dira gore kgosi+ e ba buse. 21  Ka gone Jehorame a kgabaganyetsa kwa Saire, le dikara tsotlhe di na le ene. Mme ga diragala gore ene a nanoge bosigo mme a ye go kgemetha Baedoma ba ba neng ba mo dikologile le balaodi ba dikara; mme batho ba tshabela kwa megopeng ya bone. 22  Mme Edoma a tswelela a tlhanoga mo seatleng sa Juda go fitlha mo letsatsing leno. Libena+ o ne a simolola go tlhanoga ka yone nako eo. 23  Mme ditiragalo tse dingwe tsotlhe tsa ga Jehorame le sotlhe se a se dirileng, a ga di a kwalwa mo bukeng+ ya ditiragalo tsa metlha ya dikgosi tsa Juda? 24  La bofelo Jehorame a lala le borraagwemogologolwane+ mme a fitlhwa le borraagwemogologolwane mo Motseng wa ga Dafide.+ Mme Ahasia+ morwawe a simolola go busa mo boemong jwa gagwe. 25  Mo ngwageng wa bolesome le bobedi wa ga Jehorame morwa Ahabe kgosi ya Iseraele, Ahasia morwa Jehorame kgosi ya Juda a nna kgosi.+ 26  Ahasia o ne a na le dingwaga di le masome a mabedi le bobedi fa a ne a simolola go busa, mme a busa ngwaga o le mongwe mo Jerusalema.+ Mme leina la ga mmaagwe e ne e le Athalia+ morwadia ngwana wa ga Omeri+ kgosi ya Iseraele. 27  Mme a tsamaya mo tseleng ya ntlo ya ga Ahabe+ mme a nna a dira se se bosula mo matlhong a ga Jehofa,+ jaaka ntlo ya ga Ahabe, gonne e ne e le wa losika lwa ntlo ya ga Ahabe ka lenyalo.+ 28  Ka jalo a tsamaya le Jehorame morwa Ahabe kwa ntweng kgatlhanong le Hasaele+ kgosi ya Siria kwa Ramothe-gileade,+ mme Basiria ba tlhaba+ Jehorame. 29  Ka jalo kgosi Jehorame+ a boela kwa Jesereele+ go ya go fodisiwa dintho tse Basiria ba neng ba di mo ntsha kwa Rama fa a ne a tlhabana le Hasaele kgosi ya Siria. Fa e le Ahasia+ morwa Jehorame kgosi ya Juda ene, a fologa a ya go bona Jehorame morwa Ahabe kwa Jesereele, gonne o ne a bobola.

Dintlha Tse di Kwa Tlase