2 Dikgosi 20:1-21

20  Mo metlheng eo Hesekia a bobola mo a neng a tloga a swa.+ Ka jalo Isaia+ morwa moporofeti Amosi a tsena kwa go ene mme a mo raya a re: “Jehofa o buile jaana, ‘Naya ba ntlo ya gago ditaelo,+ gonne wena ruri o tla swa mme ga o na go tshela.’”+  Foo a retololela sefatlhego sa gagwe kwa loboteng+ mme a simolola go rapela Jehofa,+ a re:  “Ke a go rapela, tlhe Jehofa, tsweetswee gakologelwa+ kafa ke tsamaileng+ ka teng fa pele ga gago ka boammaaruri+ le ka pelo e e feletseng,+ gape ke dirile se se molemo mo matlhong a gago.”+ Mme Hesekia a simolola go lela fela thata.+  Mme ga diragala gore Isaia a bo a ise a ye kwa lolwapeng lo lo fa gare fa lefoko la ga Jehofa le ne le tla kwa go ene,+ le re:  “Boela morago, mme o reye Hesekia moeteledipele+ wa batho ba me o re, ‘Jehofa Modimo+ wa ga Dafide rragomogologolwane o buile jaana: “Ke utlwile+ thapelo+ ya gago. Ke bone dikeledi+ tsa gago. Bona, ke a go+ fodisa.+ Mo letsatsing la boraro o tla tlhatlogela kwa ntlong ya ga Jehofa.+  Mme ruri ke tla oketsa malatsi a gago ka dingwaga di le lesome le botlhano, mme ke tla golola wena le motse ono mo seatleng sa kgosi ya Asiria, mme ke tla femela+ motse ono ka ntlha ya me le ka ntlha ya ga Dafide motlhanka wa me.”’”+  Mme Isaia a tswelela a re: “Lona banna, tsayang kuku ya difeige tse di kgobilweng+ tse di omisitsweng.” Ka jalo ba e tsaya ba e baya mo godimo ga tlhagala,+ morago ga moo a fola.+  Fa go sa ntse go ntse jalo, Hesekia a raya Isaia a re: “Sesupo ke eng+ sa gore Jehofa o tla mphodisa le gore ruri ke tla tlhatloga mo letsatsing la boraro ke ya kwa ntlong ya ga Jehofa?”  Foo Isaia a re: “Seno ke sesupo sa gago+ go tswa kwa go Jehofa sa gore Jehofa o tla diragatsa lefoko le a le buileng: A moriti o tla ya kwa pele ditepisi di le lesome tsa mapalamelelo kgotsa o ye kwa morago ditepisi di le lesome?” 10  Go tswa foo Hesekia a re: “Go motlhofo gore moriti o name ditepisi di le lesome, mme e seng gore moriti o boele kwa morago ditepisi di le lesome.”+ 11  Foo moporofeti Isaia a simolola go tlhaeletsa kwa go Jehofa; mme a dira gore moriti o o neng o ile kwa tlase o boele morago ka bonya ka bonya mo ditepising, ke gore, mo ditepising tsa mapalamelelo a ga Ahase, ditepisi di le lesome go ya kwa morago.+ 12  Ka nako eo Berodake-baladane+ morwa Baladane kgosi ya Babelona+ a romela makwalo+ le mpho kwa go Hesekia; gonne o ne a utlwile gore Hesekia o ne a ntse a bobola. 13  Mme Hesekia a ba reetsa le go ba bontsha ntlo yotlhe ya gagwe ya matlotlo,+ selefera le gouta+ le leokwane la balema+ le leokwane le le molemo le dibetsa tsa gagwe le sotlhe se se neng se fitlhelwa mo matlotlong a gagwe. Go ne go se na sepe se Hesekia a sa se ba bontshang mo ntlong ya gagwe le mo pusong yotlhe ya gagwe.+ 14  Morago ga moo moporofeti Isaia a tsena kwa go Kgosi Hesekia a mo raya a re:+ “Banna bano ba buile ba reng, mme ba tlile mo go wena+ ba tswa kae?” Ka jalo Hesekia a re: “Ba ne ba tswa kwa lefatsheng le le kgakala, kwa Babelona.” 15  Mme a tswelela a re: “Ba boneng mo ntlong ya gago?” Foo Hesekia a re: “Ba bone sengwe le sengwe se se mo ntlong ya me. Go ne go se na sepe se ke sa se ba bontshang mo matlotlong a me.”+ 16  Jaanong Isaia a raya Hesekia a re: “Utlwa lefoko la ga Jehofa,+ 17  ‘“Bona! Metlha e etla, mme sengwe le sengwe se se mo ntlong ya gago+ le se borragomogologolwane ba se bolokileng go tla go fitlha mo letsatsing leno se tla isiwa Babelona.+ Ga go na sepe se se tla tlogelwang,”+ go buile Jehofa. 18  “Mme bangwe ba bomorwao ba ba tla tswang mo go wena ba o tla nnang rraabone ba tla tsewa+ mme ba nne badiredi+ ba ntlo ya kgosi mo ntlong ya segosi ya kgosi ya Babelona.”’”+ 19  Foo Hesekia a raya Isaia a re: “Lefoko la ga Jehofa le o le buileng le molemo.”+ Mme a tswelela a re: “A ga go a nna jalo, fa e le gore kagiso le boammaaruri+ di tla tswelela mo metlheng ya me?”+ 20  Fa e le ditiragalo tse dingwe tsotlhe tsa ga Hesekia le thata ya gagwe yotlhe le kafa a dirileng mogobe+ le mosele+ ka teng mme a tlisa metsi mo motseng, a ga di a kwalwa mo bukeng+ ya ditiragalo tsa metlha ya dikgosi tsa Juda? 21  La bofelo Hesekia a lala le borraagwemogologolwane;+ mme Manase+ morwawe a simolola go busa mo boemong jwa gagwe.

Dintlha Tse di Kwa Tlase