2 Dikgosi 17:1-41

17  Mo ngwageng wa bolesome le bobedi wa ga Ahase kgosi ya Juda, Hoshea+ morwa Ela a nna kgosi mo Samarea+ a busa Iseraele dingwaga di le robongwe.  Mme a tswelela go dira se se bosula mo matlhong a ga Jehofa, mme fela e seng jaaka dikgosi tsa Iseraele tse di neng di le teng pele ga gagwe.+  Shalemanesere+ kgosi ya Asiria+ e ne ya mo tsogologela, mme Hoshea a nna motlhanka wa gagwe mme a simolola go mo duela sehuba.+  Le fa go ntse jalo, kgosi ya Asiria ya bona leano la boferefere+ la ga Hoshea, ka gore o ne a rometse barongwa kwa go So e bong kgosi ya Egepeto+ mme a se ka a tlisa sehuba kwa kgosing ya Asiria jaaka mo dingwageng tsa pele. Ka jalo kgosi ya Asiria ya mo tswalela ya ba ya mo tlogela a bofilwe mo ntlong ya kgolegelo.+  Mme kgosi ya Asiria ya tsogologela lefatshe lotlhe ya ba ya tlhatlogela kwa Samarea mme ya e dikanyetsa+ dingwaga di le tharo.  Mo ngwageng wa borobongwe wa ga Hoshea, kgosi ya Asiria ya thopa Samarea+ mme ya isa Iseraele botshwarwa+ kwa Asiria mme ya dira gore ba tswelele ba nna mo Hala+ le mo Habore kwa nokeng ya Gosane+ le mo metseng ya Bamede.+  Mme go ne ga diragala jaana ka gonne bomorwa Iseraele ba ne ba leofetse+ Jehofa Modimo wa bone, yo o ba ntshitseng kwa lefatsheng la Egepeto mo seatleng sa ga Faro kgosi ya Egepeto,+ mme ba simolola go boifa medimo e mengwe;+  mme ba nna ba tsamaya mo melaong ya ditšhaba+ tse Jehofa a neng a di lelekile fa pele ga bomorwa Iseraele, le mo melaong ya dikgosi tsa Iseraele, e di neng di e dirile;  mme bomorwa Iseraele ba batla dilo tse di neng di sa siama mo go Jehofa Modimo+ wa bone mme ba nna ba ikagela mafelo a a kwa godimo+ mo metseng yotlhe ya bone, go tswa kwa toreng+ ya balebeledi go fitlha kwa motseng o o sireletsegileng; 10  mme ba nna ba itlhomela dipilara tse di boitshepo+ le dikota tse di boitshepo+ mo thoteng+ nngwe le nngwe e e kwa godimo le kafa tlase ga setlhare sengwe le sengwe se se golang thata;+ 11  mme mo mafelong ao otlhe a a kwa godimo ba tswelela ba kuisa mosi wa setlhabelo jaaka ditšhaba+ tse Jehofa a neng a di isitse botshwarwa ka ntlha ya tsone, gape ba nna ba dira dilo tse di bosula gore ba kgopise+ Jehofa; 12  Mme ba tswelela go direla medingwana e e makgapha,+ e Jehofa a neng a buile le bone ka yone a re: “Lo se ka lwa dira selo seno”;+ 13  mme Jehofa a nna a tlhagisa+ Iseraele+ le Juda+ ka baporofeti botlhe ba gagwe+ le ka mmoni wa diponatshegelo mongwe le mongwe,+ a re: “Boang mo ditseleng+ tsa lona tse di bosula mme lo boloke ditaelo tsa me,+ melao ya me,+ go ya ka molao otlhe+ o ke o laetseng borraalonamogologolwane+ le o ke o lo romeletseng ka batlhanka ba me baporofeti”;+ 14  mme ba se ka ba reetsa mme ba nna ba kgwaralatsa melala ya bone+ jaaka melala ya borraabonemogologolwane ba ba neng ba sa supa tumelo+ mo go Jehofa Modimo wa bone; 15  mme ba tswelela ba gana melao ya gagwe le kgolagano ya gagwe+ e a neng a e dirile le borraabonemogologolwane le dikgakololo tsa gagwe+ tse a neng a ba tlhagisitse ka tsone, mme ba latelela medingwana ya lefela+ mme ba nna ba e leng ba lefela+ bone ka bobone ka go etsa ditšhaba tse di neng di ba dikologile, tse Jehofa a neng a ba laetse gore ba se ka ba dira jaaka tsone;+ 16  Mme ba nna ba tlogela ditaelo tsotlhe+ tsa ga Jehofa Modimo wa bone ba itirela difikantswe tse di thetsweng,+ dinamane tse pedi,+ le go dira kota e e boitshepo,+ mme ba simolola go ikobela masomosomo otlhe a magodimo+ le go direla Baale;+ 17  mme ba dira gore bomorwaabone le bomorwadiabone ba ralale molelo+ le go dira boitseanape+ le go batla ditshupo,+ mme ba nna ba ithekisetsa+ go dira se se bosula mo matlhong a ga Jehofa, go mo kgopisa;+ 18  Ka jalo Jehofa a tuka bogale thata kgatlhanong+ le Iseraele, mme a ba tlosa mo ponong ya gagwe.+ Ga a ka a tlogela bape fa e se lotso lwa Juda fela.+ 19  Le eleng Juda ka boyone ga e a ka ya boloka ditaelo tsa ga Jehofa Modimo wa bone,+ mme ba ne ba tsamaya mo melaong ya Iseraele+ e ba neng ba e dirile. 20  Ka gone Jehofa o ne a gana losika+ lotlhe lwa Iseraele mme a nna a ba bogisa le go ba tsenya mo seatleng sa bathopi, go fitlha a ba latlhile a ba ntshitse fa pele ga gagwe.+ 21  Gonne o ne a gagolaka Iseraele a mo ntsha mo ntlong ya ga Dafide, mme ba dira Jeroboame+ morwa Nebate kgosi; mme Jeroboame a faposa Iseraele mo go saleng Jehofa morago, mme a ba leofisa ka boleo jo bogolo.+ 22  Mme bomorwa Iseraele ba tsamaya mo maleong otlhe a ga Jeroboame a a neng a a dirile.+ Ba ne ba se ka ba tloga mo go one, 23  go fitlha Jehofa a tlositse Iseraele mo ponong ya gagwe,+ fela jaaka a ne a buile ka batlhanka ba gagwe botlhe baporofeti.+ Ka jalo Iseraele a tswa mo lefatsheng la gagwe a ya botshwarwa kwa Asiria go fitlha mo letsatsing leno.+ 24  Morago ga moo kgosi ya Asiria ya tlisa batho go tswa Babelona+ le Kutha le Afa+ le Hamathe+ le Sefarefaime+ mme ya ba nnisa mo metseng ya Samarea+ mo boemong jwa bomorwa Iseraele; mme ba simolola go rua Samarea le go nna mo metseng ya gagwe. 25  Mme ga diragala kwa tshimologong ya go nna ga bone koo gore ba se ka ba boifa+ Jehofa. Ka jalo Jehofa a ba romelela ditau,+ mme tsa ba bolaya. 26  Ka jalo ba romela lefoko kwa kgosing ya Asiria, ba re: “Ditšhaba tse o di isitseng botshwarwa wa di nnisa mo metseng ya Samarea ga di itse bodumedi jwa Modimo wa lefatshe leo, ka jalo o nna a ba romelela ditau;+ mme bona! di a ba bolaya, e re ka go se na ba ba itseng bodumedi jwa Modimo wa lefatshe leo.” 27  Foo kgosi ya Asiria ya laela, ya re: “Isang mongwe wa baperesiti+ teng yo lo mo isitseng botshwarwa go tswa teng, gore a tle a tsamaye a ye go nna teng a ba rute bodumedi jwa Modimo wa lefatshe leo.” 28  Ka jalo mongwe wa baperesiti ba ba neng ba ba isitse botshwarwa go tswa kwa Samarea a tla a nna mo Bethele,+ mme a nna morutisi wa bone gore ba tshwanetse go boifa Jehofa+ jang. 29  Le fa go ntse jalo, setšhaba sengwe le sengwe se se farologaneng se ne sa itirela modimo wa sone,+ o morago ga moo ba neng ba o baya mo ntlong ya mafelo a a kwa godimo a Basamarea ba neng ba a dirile, setšhaba sengwe le sengwe se se farologaneng, mo metseng ya bone e ba neng ba nna mo go yone. 30  Mme banna ba Babelona bone ba dira Sukotha-benothe, mme banna ba Kuthe+ bone ba dira Neregale, mme banna ba Hemathe bone, ba dira Ashima. 31  Fa e le Baafa+ bone, ba ne ba dira Nibehase le Taratake; mme Basefarefaime+ ba ne ba fisetsa+ Aderameleke le Anameleke medimo ya Sefarefaime bomorwaabone mo molelong. 32  Mme ba boifa Jehofa ba bo ba itirela go tswa mo bathong ka kakaretso baperesiti+ ba mafelo a a kwa godimo, mme ba nna badiredi ba bone mo ntlong ya mafelo a a kwa godimo. 33  Ba ne ba nna ba ba boifang+ Jehofa, mme ba ne ba itshupa ba le baobamedi+ ba medimo ya bone, go ya ka bodumedi jwa ditšhaba tse ba neng ba ba isa botshwarwa+ go tswa mo go tsone. 34  Go fitlha mo letsatsing leno ba dira go ya ka madumedi a bone a pele.+ Go ne go se na ba ba boifang Jehofa+ le ba ba dirang go ya ka melao ya gagwe le ditshwetso tsa gagwe tsa boatlhodi+ le taelo+ le molawana+ o Jehofa a neng a o laetse bomorwa Jakobe,+ yo leina la gagwe a neng a le dira Iseraele;+ 35  fa Jehofa a ne a dira kgolagano+ le bone a ba laela, a re: “Lo se ka lwa boifa medimo e mengwe,+ mme lo se ka lwa e ikobela le fa e le go e direla le fa e le go e ntshetsa setlhabelo.+ 36  Mme Jehofa, yo o lo ntshitseng kwa lefatsheng la Egepeto ka maatla a magolo le ka lebogo le le otlologileng,+ ke Ene yo lo tshwanetseng go mmoifa,+ lo ikobele ene,+ lo ntshetse ene setlhabelo.+ 37  Mme melawana+ le ditshwetso tsa boatlhodi+ le molao le taolo tse a di lo kwaletseng,+ lo tlhokomele gore lo di dira ka metlha;+ mme lo se ka lwa boifa medimo e mengwe. 38  Mme kgolagano e ke e dirileng le lona, lo se ka lwa e lebala;+ mme lo se ka lwa boifa medimo e mengwe.+ 39  Mme ke Jehofa+ Modimo wa lona yo lo tshwanetseng go mmoifa, ka e le ene yo o tla lo gololang mo seatleng sa baba botlhe ba lona.”+ 40  Ga ba a ka ba utlwa, mme ba ne ba dira+ go ya ka bodumedi jwa bone jwa pele. 41  Ditšhaba tseno di ne di boifa Jehofa,+ mme di ne di direla ditshwantsho tsa tsone tse di betlilweng. Fa e le barwa ba tsone le bomorwa bana ba tsone, ba dira fela jaaka borraabonemogologolwane ba dirile go fitlha mo letsatsing leno.

Dintlha Tse di Kwa Tlase