2 Dikgosi 13:1-25

13  Mo ngwageng wa bomasome a mabedi le boraro wa ga Jehoashe+ morwa Ahasia+ kgosi ya Juda, Jehoahase+ morwa Jehu+ a nna kgosi ya Iseraele kwa Samarea dingwaga di le lesome le bosupa.  Mme a tswelela go dira se se bosula mo matlhong a ga Jehofa+ le go tsamaya a latelela boleo jwa ga Jeroboame+ morwa Nebate, jo a leofisitseng+ Iseraele ka jone. Ga a ka a bo fapoga.  Mme bogale jwa ga Jehofa+ jwa tukela Iseraele, mme a ba tsenya mo seatleng sa ga Hasaele+ kgosi ya Siria le mo seatleng sa ga Bene-hadade+ morwa Hasaele malatsi otlhe a bone.  Fa nako e ntse e tsamaya Jehoahase a nolofatsa+ sefatlhego sa ga Jehofa, mme Jehofa a mo reetsa;+ gonne o ne a bone kgatelelo mo Iseraele,+ ka gonne kgosi ya Siria e ne e ba gateletse.+  Ka gone Jehofa a naya Iseraele mmoloki,+ mme ba tswa kafa tlase ga seatla sa Siria, mme bomorwa Iseraele ba tswelela go nna mo magaeng a bone jaaka pele.+  (Fela ga ba a ka ba tloga mo boleong jwa ntlo ya ga Jeroboame, jo a leofisitseng+ Iseraele ka jone. O ne a tsamaya mo go jone;+ le eleng kota e e boitshepo+ e ne e eme mo Samarea.)  Gonne o ne a sa tlogelela Jehoahase batho bape fa e se fela bapalami ba ba masome a matlhano ba dipitse le dikara di le lesome le banna ba le dikete di le lesome ba ba tsamayang ka dinao,+ ka gonne kgosi ya Siria e ne e ba sentse,+ gore e tle e ba dire jaaka lorole lwa fa go phothiwa.+  Fa e le ditiragalo tse dingwe tsotlhe tsa ga Jehoahase le sotlhe se a se dirileng le thata ya gagwe, a ga di a kwalwa mo bukeng+ ya ditiragalo tsa metlha ya dikgosi tsa Iseraele?  La bofelo Jehoahase a lala le borraagwemogologolwane, mme ba mo fitlha mo Samarea;+ mme Jehoashe+ morwawe a simolola go busa mo boemong jwa gagwe. 10  Mo ngwageng wa bomasome a mararo le bosupa wa ga Jehoashe kgosi ya Juda, Jehoashe+ morwa Jehoahase a nna kgosi ya Iseraele mo Samarea dingwaga di le lesome le borataro. 11  Mme a tswelela go dira se se bosula mo matlhong a ga Jehofa.+ Ga a ka a tloga mo maleong otlhe a ga Jeroboame morwa Nebate, a a leofisitseng+ Iseraele ka one. O ne a tsamaya mo go one. 12  Fa e le ditiragalo tse dingwe tsotlhe tsa ga Jehoashe le sotlhe se a se dirileng le thata ya gagwe le kafa a tlhabaneng ka teng+ le Amasia kgosi ya Juda, a ga di a kwalwa mo bukeng+ ya ditiragalo tsa metlha ya dikgosi tsa Iseraele? 13  La bofelo Jehoashe a lala le borraagwemogologolwane, mme Jeroboame+ a nna mo setulong sa gagwe sa bogosi. Mme Jehoashe a fitlhwa mo Samarea le dikgosi tsa Iseraele.+ 14  Fa e le Elisha+ ene, o ne a bobola ka pobolo e e neng e tlile go mmolaya.+ Ka jalo Jehoashe kgosi ya Iseraele a tla kwa go ene mme a simolola go lelela mo sefatlhegong sa gagwe mme a re: “Rra,+ rra, kara ya Iseraele ya ntwa le bapalami ba gagwe ba dipitse!”+ 15  Mme Elisha a mo raya a re: “Tsaya bora le metswi.” Ka jalo a itseela bora le metswi. 16  Mme a raya kgosi ya Iseraele a re: “Baya seatla sa gago fa boreng.” Ka jalo a baya seatla sa gagwe fa go jone, mme morago ga moo Elisha a baya diatla tsa gagwe mo diatleng+ tsa kgosi. 17  Go tswa foo a re: “Bula fensetere e e kafa botlhaba.” Ka jalo a e bula. La bofelo Elisha a re: “Hula!” Ka jalo a hula. Jaanong a re: “Motswi wa ga Jehofa wa poloko, ee motswi wa poloko+ kgatlhanong le Siria! Mme ruri o tla kgemetha Siria kwa Afeke+ go fitlha o mo fedisa.” 18  A tswelela a re: “Tsaya metswi.” Foo a e tsaya. Go tswa foo a raya kgosi ya Iseraele a re: “Itaya fa fatshe.” Ka jalo a itaya gararo mme a emisa.+ 19  Mme monna wa Modimo+ wa boammaaruri a mo galefela; ka gone a re: “Go ne go tshwanetse go itewa ga tlhano kgotsa garataro! Ka tsela e e ntseng jalo o ne o tla kgemetha Siria go fitlha o e fedisa, mme jaanong o tla kgemetha Siria+ gararo.” 20  Morago ga moo Elisha a swa mme ba mo fitlha.+ Mme go ne go na le ditlhopha tsa dirukutlhi+ tsa Bamoabe+ tse di neng di tla ka metlha mo lefatsheng fa ngwaga o simologa. 21  Mme ga diragala gore fa ba ne ba fitlha motho, ba bona setlhopha sa dirukutlhi. Gone fela foo ba latlhela motho yoo mo lefelong la ga Elisha la go fitlhela mme ba tsamaya. E rile motho yoo a ama marapo a ga Elisha, ka yone nako eo a tshela gape+ mme a ema ka dinao.+ 22  Fa e le Hasaele+ kgosi ya Siria ene, a gatelela+ Iseraele malatsi otlhe a ga Jehoahase. 23  Le fa go ntse jalo, Jehofa a ba amogela+ mme a ba utlwela botlhoko+ a ba a retologela kwa go bone ka ntlha ya kgolagano ya gagwe+ le Aborahame,+ Isake+ le Jakobe;+ o ne a sa batle go ba senya,+ mme o ne a se ka a ba latlhela kgakala le sefatlhego sa gagwe go tla go fitlha jaanong. 24  La bofelo Hasaele kgosi ya Siria a swa, mme Bene-hadade morwawe a simolola go busa mo boemong jwa gagwe. 25  Mme Jehoashe morwa Jehoahase a tsaya gape mo seatleng sa ga Bene-hadade morwa Hasaele metse e a neng a e tsere mo seatleng sa ga Jehoahase rraagwe mo ntweng. Jehoashe a mo itaya a mo latlhela fa fatshe gararo, mme a golola metse ya Iseraele.+

Dintlha Tse di Kwa Tlase