2 Dikgosi 11:1-21

11  Jaanong Athalia+ mmaagwe Ahasia+ a bona gore morwawe o ne a sule. Ka jalo a nanoga mme a senya bana botlhe ba bogosi.+  Le fa go ntse jalo, Jehosheba+ morwadia Kgosi Jehorame, kgaitsadia Ahasia, a tsaya Jehoashe+ morwa Ahasia mme a mo utswa mo go bomorwa kgosi ba ba neng ba tlile go bolawa, ene le mosadi yo a mo tlhokomelang, a mo tsenya mo phaposing e e kwa teng ya dikanamelo, mme ba nna ba mo fitlhetse+ sefatlhego sa ga Athalia, mme a se ka a bolawa.  Mme a nna le ene kwa ntlong ya ga Jehofa a iphitlhile dingwaga di le thataro, fa Athalia a ne a busa lefatshe+ leo.  Mo ngwageng wa bosupa Jehoiada+ a roma gore go tsewe balaodi ba makgolo ba bafemedi ba Bakara+ le ba batabogi+ mme a ba tlisa mo go ene kwa ntlong ya ga Jehofa mme a dira kgolagano+ le bone a bo a ba ikanisa+ kwa ntlong ya ga Jehofa, morago ga moo a ba bontsha morwa kgosi.  Mme a tswelela go ba laela, a re: “Se lo tla se dirang ke se: Ntlha ya lona ya seraro e tla tsena ka sabata mme e lebelele ntlo ya kgosi thata;+  mme ntlha e nngwe ya seraro e tla bo e le kwa Kgorong+ ya Motheo, mme ntlha e nngwe ya seraro e tla bo e le kwa kgorong e e fa morago ga batabogi; mme lo nne lo lebeletse ntlo+ thata ka go refosana.  Mme go na le makgamu a mabedi fa gare ga lona a otlhe a tswang ka sabata, mme a tshwanetse go nna a lebeletse ntlo ya ga Jehofa thata mo boemong jwa kgosi.  Mme lo dikanyetse kgosi gotlhe fela, mongwe le mongwe ka dibetsa tsa gagwe mo seatleng; mme ope fela yo o tsenang mo meleng o tla bolawa. Mme lo tswelele lo na le kgosi fa e tswa le fa e tsena.”  Mme balaodi ba makgolo+ ba dira kafa go sotlhe se Jehoiada moperesiti a neng a se laetse. Ka jalo mongwe le mongwe wa bone a tsaya banna ba gagwe ba ba neng ba tsena ka sabata, mmogo le ba ba neng ba tswa ka sabata,+ mme ba tsena kwa go Jehoiada moperesiti. 10  Jaanong moperesiti a naya balaodi ba makgolo marumo le dithebe tse di kgolokwe tse e neng e le tsa ga Kgosi Dafide, tse di neng di le mo ntlong ya ga Jehofa.+ 11  Mme mongwe le mongwe wa batabogi+ a nna a eme dibetsa tsa gagwe di le mo seatleng, go tswa letlhakoreng la moja la ntlo go fitlha kwa letlhakoreng la molema la ntlo, fa thoko ga sebeso+ le fa thoko ga ntlo, gotlhe fela gaufi le kgosi. 12  Go tswa foo a ntsha morwa+ kgosi mme a mo rwesa serwalo sa segosi+ le Tshupo;+ mme jalo ba mo dira kgosi+ ba bo ba mo tlotsa.+ Mme ba simolola go opa diatla+ tsa bone ba re: “A kgosi e tshele!”+ 13  E rile Athalia a utlwa modumo wa batho ba siana, a akofa a tla kwa bathong kwa ntlong ya ga Jehofa.+ 14  Foo a bona, mme kgosi e ne e eme fa pilareng+ kafa tlwaelong, mme balaodi le diterompeta+ di le fa kgosing, mme batho botlhe ba lefatshe ba ipela+ ba letsa diterompeta. Ka yone nako eo Athalia+ a gagoganya diaparo tsa gagwe mme a simolola go lela: “Leano la boferefere! Leano la boferefere!”+ 15  Mme Jehoiada moperesiti a laela balaodi ba makgolo, ba ba tlhomilweng ba mophato wa sesole,+ a ba raya a re: “Mo ntsheng mo meleng, mme le fa e le ope yo o tlang fa morago ga gagwe a a bolawe ka tšhaka!”+ Gonne moperesiti o ne a rile: “A a se ka a bolaelwa mo ntlong ya ga Jehofa.” 16  Ka jalo ba mmaya diatla mme a tla ka tsela ya kgoro ya dipitse+ ya ntlo ya kgosi,+ mme a bolaelwa koo.+ 17  Go tswa foo Jehoiada a dira kgolagano+ fa gare ga ga Jehofa+ le kgosi+ le batho, gore ba itshupe e le batho ba ga Jehofa; gape le fa gare ga kgosi le batho.+ 18  Morago ga moo batho botlhe ba lefatshe ba tla mo ntlong ya ga Baale mme ba rutla dibeso+ tsa gagwe; le ditshwantsho tsa gagwe ba di senya thata,+ mme Matane+ moperesiti wa ga Baale ba mmolaela fa pele ga dibeso.+ Mme moperesiti a tlhoma balebedi gore ba okamele ntlo ya ga Jehofa.+ 19  Mo godimo ga moo, a tsaya balaodi ba makgolo le bafemedi ba Bakara+ le batabogi+ le batho botlhe ba lefatshe, gore ba folose kgosi mo ntlong ya ga Jehofa; mme ba tla ka iketlo ka tsela ya kgoro+ ya batabogi ba ya kwa ntlong ya kgosi; mme a simolola go nna mo setulong sa bogosi+ sa dikgosi. 20  Mme batho botlhe ba lefatshe ba tswelela go ipela;+ le motse o ne o se na matshwenyego, mme Athalia ene ba ne ba mmolaile ka tšhaka kwa ntlong ya kgosi.+ 21  Jehoashe+ o ne a na le dingwaga di le supa fa a simolola go busa.+

Dintlha Tse di Kwa Tlase