2 Bathesalonika 2:1-17

2  Le fa go ntse jalo, bakaulengwe, mabapi le go nna gone+ ga Morena wa rona Jesu Keresete le go phuthelwa mmogo ga rona kwa go ene,+ re a lo kopa  gore lo se ka lwa tshikhinngwa ka bofefo mo go akanyeng ga lona le fa e le go tsosiwa maikutlo ka mafoko+ a a tlhotlheleditsweng kgotsa ka molaetsa+ o o buiwang ka molomo kgotsa ka lekwalo+ jaaka e kete le tswa mo go rona, kaga gore letsatsi+ la ga Jehofa le gorogile.  A ope a se ka a lo faposa ka mokgwa ope, ka gonne ga le na go tla fa botlhanogi+ bo sa tle pele le monna yo o se nang molao+ a senolwa,+ morwa tshenyego.+  O ikemiseditse go ganetsa+ e bile o ikgodisetsa mongwe le mongwe yo o bidiwang “modimo” kgotsa selo se se newang poifo ya bomodimo, mo e leng gore o nna mo tempeleng ya Modimo, a ipontsha phatlalatsa fa a le modimo.+  A ga lo gakologelwe gore, fa ke ne ke sa ntse ke na le lona, ke ne ke tle ke lo bolelele+ dilo tseno?  Mme jaanong lo itse selo+ se se dirang jaaka thibelo,+ ka boikaelelo jwa gore a senolwe mo nakong+ ya gagwe e e tshwanetseng.  Ke boammaaruri, bosaitsiweng jwa go tlhoka molao gono bo setse bo dira;+ mme ke fela go fitlha yo o dirang jaaka thibelo gone jaanong jaana a tswa mo tseleng.+  Go tswa foo, eleruri, yo o se nang molao o tla senolwa, yo Morena Jesu o tla mo tlosang ka moya wa molomo+ wa gagwe a ba a mo nyeletsa ka go bonatshega+ ga go nna gone+ ga gagwe.  Mme go nna gone ga yo o se nang molao go kafa go direng+ ga ga Satane ka tiro nngwe le nngwe e e maatla le ditshupo tsa maaka le dikgakgamatso+ 10  le ka tsietso+ nngwe le nngwe e e sa siamang mo go ba ba nyelelang,+ e le tefetso ka gonne ba ne ba se ka ba amogela lorato+ lwa boammaaruri gore ba bolokwe.+ 11  Jalo ke gone ka moo Modimo a letlang gore go dira ga tlolo go ye kwa go bone, gore ba tle ba dumele maaka+ ano, 12  gore botlhe ba atlholwe ka gonne ba ne ba se ka ba dumela boammaaruri+ mme ba natefelelwa ke tshiamololo.+ 13  Le fa go ntse jalo, re patelesega go leboga Modimo ka metlha ka lona, bakaulengwe ba lo ratwang ke Jehofa, ka gonne Modimo o ne a lo tlhophela+ poloko go tswa kwa tshimologong ka go lo itshepisa+ ka moya+ le ka tumelo ya lona mo boammaaruring.+ 14  O lo bileditse yone phelelo eno ka dikgang tse di molemo tse re di bolelang,+ ka boikaelelo jwa go bapala kgalalelo ya Morena wa rona Jesu Keresete.+ 15  Jalo he, bakaulengwe, emang lo nitame+ mme lo nne lo tshwareletse mo dingwaong+ tse lo neng lwa di rutwa, e ka tswa e ne e le ka molaetsa o o buiwang ka molomo kgotsa ka lekwalo la rona. 16  Mo godimo ga moo, e kete Morena wa rona Jesu Keresete ka boene le Modimo Rraarona, yo o neng a re rata+ a ba a naya kgomotso e e sa khutleng le tsholofelo+ e e molemo ka bopelonomi jo bo sa re tshwanelang, 17  a ka gomotsa dipelo tsa lona a ba a lo nitamisa mo tirong nngwe le nngwe le mo lefokong lengwe le lengwe le le molemo.+

Dintlha Tse di Kwa Tlase