2 Bakorintha 6:1-18

6  Ka re dira mmogo le ene,+ gape re lo rapela gore lo se ka lwa amogela bopelonomi jo bo sa re tshwanelang jwa Modimo mme lwa fosa boikaelelo jwa jone.+  Gonne a re: “Mo nakong e e amogelesegang ke ne ka go utlwa, e bile ke ne ka go thusa mo letsatsing la poloko.”+ Bona! Jaanong ke nako e e amogelesegang segolobogolo.+ Bona! Jaanong ke letsatsi la poloko.+  Ka tsela epe ga re neye lebaka lepe la go kgopisa,+ gore bodiredi jwa rona bo se ka jwa bonwa molato;+  mme ka tsela nngwe le nngwe re itshupa+ re le badiredi ba Modimo, ka go itshokela dilo di le dintsi, ka dipitlagano, ka go tlhoka, ka mathata,+  ka go itewa, ka dikgolegelo,+ ka dikhuduego, ka ditiro tsa bonatla, ka go sa robale masigo, ka dinako tsa go tlhoka dijo,+  ka boitsheko, ka kitso, ka go nna pelotelele,+ ka bopelonomi,+ ka moya o o boitshepo, ka lorato lo lo se nang boitimokanyo,+  ka puo e e boammaaruri, ka maatla a Modimo;+ ka dibetsa+ tsa tshiamo mo seatleng sa moja le mo go sa molema,  ka kgalalelo le tlontlologo, ka pego e e bosula le pego e e molemo; jaaka batsietsi+ mme le fa go ntse jalo re na le boammaaruri,  jaaka ba ba sa itsiweng mme le fa go ntse jalo re lemogiwa,+ jaaka ba ba swang mme le fa go ntse jalo, bona! re a tshela,+ jaaka ba ba otlhailweng+ mme le fa go ntse jalo re sa neelwe mo losong,+ 10  jaaka ba ba hutsafetseng mme ka metlha re ipela, jaaka ba ba humanegileng mme re humisa ba le bantsi, jaaka ba ba se nang sepe mme le fa go ntse jalo re na le dilo tsotlhe.+ 11  Molomo wa rona o buletswe lona, Bakorintha, pelo ya rona+ e pitlologile. 12  Ga lo a pitlagana mo lo se nang sebaka mo go rona,+ mme lo pitlagane mo lo se nang sebaka mo loratong lwa lona lwa bopelonomi.+ 13  Jalo, e le go duela ka tsela e e tshwanang—ke bua jaaka ke bua le bana+—le lona, pitlologang. 14  Lo se ka lwa pataganela jokwe le ba ba sa dumeleng+ e le mo go sa lekalekaneng. Gonne tshiamo le go tlhoka molao di na le bolekane bofe?+ Kgotsa lesedi le na le kabalano efe le lefifi?+ 15  Mo godimo ga moo, go na le kutlwano efe mo gare ga ga Keresete le Beliale?+ Kgotsa motho yo o ikanyegang o na le karolo efe+ le yo o sa dumeleng? 16  Gape tempele ya Modimo e na le tumalano efe le medingwana?+ Gonne re tempele+ ya Modimo yo o tshelang; fela jaaka Modimo a ne a re: “Ke tla aga mo gare ga bone+ ke bo ke tsamaya mo gare ga bone, mme ke tla nna Modimo wa bone, le bone ba tla nna batho ba me.”+ 17  “‘Jalo tswang mo gare ga bone, lo bo lo itomolole,’ go bua Jehofa, ‘mme lo tlogele go ama selo se se seng phepa’”;+ “‘mme ke tla lo amogela.’”+ 18  “‘Ke tla nna rraalona,+ mme lona lo tla nna bomorwaake le bomorwadiake,’+ go bua Jehofa Mothatayotlhe.”+

Dintlha Tse di Kwa Tlase