2 Bakorintha 12:1-21

12  Ke tshwanetse go ipelafatsa. Ga go tswele mosola; mme ke tla fetela kwa diponatshegelong tse e seng tsa tlholego+ le ditshenolo tsa Morena.  Ke itse motho yo o seoposengwe le Keresete yo, dingwaga tse di lesome le bonè tse di fetileng—e ka ne a le mo mmeleng ga ke itse, kgotsa a se mo mmeleng ga ke itse; Modimo o a itse—a neng a phamolelwa+ a ntse jalo kwa legodimong la boraro.  Ee, ke itse motho yo o ntseng jalo—e ka ne a le mo mmeleng kgotsa kwantle ga mmele,+ ga ke itse, Modimo o a itse—  gore o ne a phamolelwa kwa paradaiseng+ a ba a utlwa mafoko a a sa buegeng a go seng kafa molaong gore motho a a bue.  Ke tla ipelafatsa ka motho yo o ntseng jalo, mme ga ke na go ipelafatsa ka nna, fa e se ka makoa a me.+  Gonne fa go ka direga gore ruri ke batle go ipelafatsa,+ e tla bo e se go sa dire dilo ka tekatekano, gonne ke tla bua boammaaruri. Mme ke a ithiba, gore go se nne ope yo o nnayang tlotlo e e fetang se a mponang ke le sone kgotsa se a se utlwang mo go nna,  fela ka ntlha ya ditshenolo tse di feteletseng. Jalo, gore ke se ka ka ikutlwa ke godisitswe go feta selekanyo,+ ke ne ka tsenngwa mutlwa mo nameng,+ moengele wa ga Satane, gore a nne a mphantse, gore ke se ka ka godisiwa go feta selekanyo.  Ke ne ka rapela Morena gararo+ ka seno gore o tloge fa go nna;  mme le fa go ntse jalo tota o ne a nthaya a re: “Bopelonomi jwa me jo bo sa go tshwanelang+ bo go lekane; gonne maatla a me a a bo a tletse mo bokoeng.”+ Jalo, ke ka mpa ka ipelafatsa ka makoa a me ka go itumela thata,+ gore maatla a ga Keresete a tle a nnele ruri mo go nna jaaka mogope. 10  Jalo ke itumedisiwa ke makoa, ke ditlhapatso, ke go tlhoka, ke dipogiso le mathata, ka ntlha ya ga Keresete. Gonne fa ke le bokoa, ke gone ke leng maatla.+ 11  Jaanong ke yo o seng tekatekano. Lo ne lwa mpatelela+ go nna jalo, gonne ke tshwanetse ka bo ke ne ka buelelwa ke lona. Gonne ga go na sepe se ke neng ka itshupa mo go sone ke le wa maemo+ a a kwa tlase mo baaposetoloing ba lona ba ba molemo go feta selekanyo, le fa ke se sepe.+ 12  Eleruri, ditshupo tsa moaposetoloi+ di ne tsa bonadiwa mo gare ga lona ka boitshoko+ jotlhe, le ka ditshupo le dikgakgamatso le ditiro tse di maatla.+ 13  Gonne ke ka tsela efe lo neng lwa nna babotlana go gaisa diphuthego tse dingwe tsotlhe, fa e se gore nna ka bonna ke ne ka se ka ka nna mokgweleo mo go lona?+ Intshwareleng phoso eno ka bopelonomi. 14  Bonang! Leno ke lekgetlo la boraro+ le ke iketleeditseng go tla kwa go lona ka lone, mme le fa go ntse jalo ga ke na go nna mokgweleo. Gonne ga ke batle dilo tsa lona,+ mme ke batla lona; gonne bana+ ga ba a tshwanela go beela batsadi ba bone, mme batsadi ke bone ba tshwanetseng go beela bana ba bone.+ 15  Mme nna ke tla dirisa sotlhe se ke nang le sone ka go itumela thata ke ba ke dirisediwa meya ya lona+ ka botlalo. Fa e le gore ke lo rata thata, a ke tshwanetse go ratwa ka tsela e potlana? 16  Mme le fa gone go ne go ntse jalo, ke ne ka se ka ka lo imetsa.+ Le fa go ntse jalo, lwa re, ke ne ke le “bomenemene” e bile ke ne ka lo tshwara “ka boferefere.”+ 17  Fa e le ka ope wa ba ke neng ka ba romela kwa go lona, ga ke a ka ka bapala sepe mo go lona ka tsela e e sa tshwanelang ka ene, a ga go jalo? 18  Ke ne ka rotloetsa Tito ka ba ka romela mokaulengwe le ene. Tito ga a ka a bapala sepe mo go lona ka tsela e e sa tshwanelang, a ga go jalo?+ Re ne ra tsamaya ka moya o le mongwe fela,+ a ga go jalo? Mo dikgatong di le dingwe fela, a ga go jalo? 19  A lo ntse lo akanya ka lobaka lono lotlhe gore re ntse re iphemela mo go lona? Re bua fa pele ga Modimo ka ga Keresete. Mme, baratwa, dilo tsotlhe ke tsa go lo aga.+ 20  Gonne ke boifa gore ka tsela nngwe, fa ke goroga,+ nka nna ka lo fitlhela lo se jaaka nka eletsa mme mo go lona ke se jaaka lo ka eletsa, go na le moo, go nne le kgogakgogano ka tsela nngwe, lefufa,+ dikgalefo, manganga, go jana direthe, go sebana, maikgogomoso, tlhakatlhakano.+ 21  Gongwe, fa ke tla gape, Modimo wa me a ka nna a nkokobetsa mo gare ga lona, e bile ke ka nna ka hutsafalela ba bantsi bao pele ba neng ba leofa+ mme ba sa ikwatlhaela boitshekologo jwa bone le kgokafalo+ le boitshwaro jo bo repileng+ tse ba ileng ba di dira.

Dintlha Tse di Kwa Tlase