1 Samuele 5:1-12

5  Mme Bafilisitia, ba ne ba tsaya letlole+ la Modimo wa boammaaruri mme ba le tlisa go tswa kwa Ebenesere go ya kwa Ashedoda.+  Mme Bafilisitia ba tsaya letlole la Modimo wa boammaaruri ba le tlisa mo teng ga ntlo ya ga Dagone mme ba le emisa fa thoko ga ga Dagone.+  Mme Baashedoda ba tsoga go sa le phakela letsatsi le le latelang, mme Dagone a bo a wetse fa fatshe ka sefatlhego fa pele ga letlole la ga Jehofa.+ Ka jalo ba tsaya Dagone ba mmusetsa mo lefelong la gagwe.+  E rile ba tsoga go sa le phakela letsatsi le le latelang, Dagone a bo a wetse fa fatshe ka sefatlhego fa pele ga letlole la ga Jehofa, tlhogo ya ga Dagone le magofi a diatla tsa gagwe ka bobedi a kgaotswe, a le fa serepoding.+ Go ne go setse karolo e e leng tlhapi fela mo go ene.  Ke gone ka moo baperesiti ba ga Dagone le botlhe ba ba tsenang mo ntlong ya ga Dagone ba sa gateng serepodi sa ga Dagone kwa Ashedoda go tla go fitlha mo letsatsing leno.  Mme seatla sa ga Jehofa+ sa nna boima mo Baashedodeng, mme a simolola go baka letshogo le go ba itaya ka thurugo ya ditshika tsa marago,+ e leng, Ashedoda le dikarolo tsa yone tsa naga.  Mme banna ba Ashedoda ba bona gore go ne go ntse jalo, mme ba re: “A letlole la Modimo wa Iseraele le se ka la nna le rona, ka gonne seatla sa gagwe se ntse se le thata mo go rona le mo go Dagone modimo wa rona.”+  Ka gone ba roma mme ba phuthela barena botlhe ba kgolagano ba Bafilisitia kwa go bone mme ba re: “Re tla dira eng ka letlole la Modimo wa Iseraele?” La bofelo ba re: “A letlole la Modimo wa Iseraele le isiwe ntlheng ya Gathe.”+ Ka jalo ba isa letlole la Modimo wa Iseraele koo.  Mme ga diragala gore fa ba sena go le isa koo, seatla sa ga Jehofa+ sa nna mo motseng ka tlhakatlhakano e kgolo thata, mme a simolola go itaya batho ba motse, go simolola ka yo mmotlana go ya go yo mogolo, mme ba simolola go ruruga ditshika tsa marago.+ 10  Ka gone ba romela letlole la Modimo wa boammaaruri kwa Ekerone.+ Mme ga diragala gore fela fa letlole la Modimo wa boammaaruri le sena go tla mo Ekerone, Baekerone ba simolola go goa, ba re: “Ba tlisitse letlole la Modimo wa Iseraele mo go nna gore ba mpolaye nna le batho ba me!”+ 11  Ka gone ba roma mme ba phutha barena botlhe ba kgolagano ba Bafilisitia mme ba re: “Tsamaisang letlole la Modimo wa Iseraele gore le boele kwa lefelong la lone le tle le se ka la mpolaya nna le batho ba me.” Gonne go ne go diragetse tlhakatlhakano e e bolayang mo motseng otlhe;+ seatla sa Modimo wa boammaaruri se ne se nnile boima thata koo,+ 12  mme batho ba ba sa kang ba swa ba ne ba iteilwe ka thurugo ya ditshika tsa marago.+ Mme go goa+ ga motse o kopa thuso go ne ga nna ga tlhatlogela kwa magodimong.

Dintlha Tse di Kwa Tlase