1 Samuele 10:1-27

10  Go tswa foo Samuele a tsaya kurwana+ ya leokwane a le tshela mo tlhogong ya gagwe a mo atla+ a bo a re: “A ga se ka gonne Jehofa a go tloditse go nna moeteledipele+ wa boswa jwa gagwe?+  Fa o tswa mo go nna gompieno ruri o tla fitlhela banna ba babedi gaufi le lebitla la ga Ragele+ mo karolong ya naga ya ga Benjamine kwa Selesa, mme ba tla go raya ba re, ‘Diesele tse di namagadi tse o ileng go di batla di bonwe, mme jaanong rrago o tlogetse kgang ya diesele tse di namagadi+ mme o tlhobaela kaga lona, a re: “Ke tla dirang ka morwaake?”’+  Mme o fetele kwa pele go tswa foo o fitlhe fa setlhareng se segolo sa Tabore, mme banna ba bararo ba ba tlhatlogelang kwa Modimong wa boammaaruri kwa Bethele+ ba tla kopana le wena koo, mongwe a tshotse dipotsane tse tharo+ mme yo mongwe a tshotse dinkgwe tse di kgolokwe tsa senkgwe di le tharo,+ mme yo mongwe a tshotse nkgo e kgolo ya beine.+  Mme ruri ba tla botsa ka botsogo jwa gago+ ba bo ba go naya dinkgwe di le pedi, mme o di amogele mo seatleng sa bone.  Mme morago ga foo ke gone o tla tlang kwa thoteng ya Modimo wa boammaaruri,+ kwa go nang le setlhopha se se sireletsang sa masole+ a Bafilisitia. Mme go tla diragala gore ka nako ya fa o ya teng kwa motseng, ruri o tla kopana le setlhopha sa baporofeti+ ba fologa kwa lefelong le le kwa godimo,+ mme kwa pele ga bone go na le seletswa sa megala+ le moropana+ le folutu+ le harepa,+ ba ntse ba bua jaaka baporofeti.  Mme moya+ wa ga Jehofa ruri o tla dira mo go wena, mme o tla bua jaaka moporofeti+ mmogo le bone mme o fetolwe go nna motho o sele.  Mme go tla diragala gore fa ditshupo+ tseno di tla mo go wena, o itirele se seatla sa gago se bonang go kgonega go se dira,+ ka gonne Modimo wa boammaaruri o na le wena.+  Mme o ye kwa pele ga me kwa Gilegala;+ mme, bona! ke ya kwa go wena go isa ditlhabelo tse di fisiwang, go isa ditlhabelo tsa kabalano.+ O nne o lete malatsi a le supa+ go fitlha ke tla kwa go wena, mme ruri ke tla go itsise se o tshwanetseng go se dira.”  Mme ga diragala gore fela fa a retolola legetla la gagwe gore a tswe mo go Samuele, Modimo a simolola go fetola pelo ya gagwe go nna e sele;+ mme ditshupo tseno+ tsotlhe tsa diragala mo letsatsing leo. 10  Ka jalo ba tswa foo ba ya kwa thoteng, mme bona, ga bo go na le setlhopha sa baporofeti se tlile go mo kgatlhantsha; gone fela foo moya wa Modimo wa dira mo go ene,+ mme a simolola go bua jaaka moporofeti+ mo gare ga bone. 11  Mme ga diragala gore fa botlhe ba ba neng ba mo itse pele ba mmona, bona! o ne a porofeta le baporofeti. Ka gone batho ba raana ba re: “Ke eng seno se se diragaletseng morwa Kishe? A Saulo le ene ke mongwe wa baporofeti?”+ 12  Foo monna wa koo a araba a re: “Mme rraabone ke mang?” Ke gone ka moo seno e neng ya nna polelo ya seane+ e e reng: “A Saulo le ene ke mongwe wa baporofeti?” 13  La bofelo o ne a fetsa go bua jaaka moporofeti mme a tla mo lefelong le le kwa godimo. 14  Moragonyana morwarraagwe rraagwe Saulo a raya ene le motlhokomedi wa gagwe a re: “Lo ne lo ile kae?” Foo a re: “Re ne re ile go batla diesele tse di namagadi,+ mme re ne ra nna ra ya go leba, mme di ne di seyo. Ka jalo ra tla mo go Samuele.” 15  Foo morwarraagwe rraagwe Saulo a re: “A ko o mpolelele tsweetswee, Samuele o ne a lo raya a reng?” 16  Mme Saulo a raya morwarraagwe rraagwe a re: “O ne a re bolelela ka tsela e e utlwalang sentle gore diesele tse di namagadi di bonwe.” Mme kgang ya bogosi e Samuele a neng a buile ka yone, a se ka a e mmolelela.+ 17  Mme Samuele a phuthela batho mmogo kwa go Jehofa kwa Misepa+ 18  a ba a raya bomorwa Iseraele a re: “Jehofa Modimo wa Iseraele o buile jaana,+ ‘Ke nna ke neng ka ntsha Iseraele kwa Egepeto+ ka ba ka lo golola mo seatleng sa Egepeto le mo seatleng sa magosi otlhe a a neng a lo gatelela.+ 19  Mme lona—gompieno lo ganne Modimo wa lona+ yo e neng e le mmoloki wa lona mo masuleng otlhe a lona le mo matshwenyegong a lona, mme lo ne lwa re: “Nnyaa, mme o tshwanetse wa re tlhomela kgosi.” Jaanong emang fa pele ga ga Jehofa ka ditso tsa lona+ le ka dikete tsa lona.’” 20  Ka jalo Samuele a dira gore ditso tsotlhe tsa Iseraele di atamele,+ mme ga tlhophiwa+ lotso lwa Benjamine. 21  Go tswa foo a dira gore lotso lwa Benjamine lo atamele ka malapa a lone, mme ga tlhophiwa+ lelapa la Bamateri. La bofelo ga tlhophiwa+ Saulo morwa Kishe. Mme ba mmatla, mme a se ka a fitlhelwa gope. 22  Ka jalo ba botsa+ Jehofa gape: “A monna yo o setse a tlile fano?” Foo Jehofa a re: “Ke yo, o iphitlhile+ mo gare ga dithoto.” 23  Ka jalo ba siana ba mo ntsha teng. E rile a ema mo gare ga batho, a bo a le moleele go feta batho ba bangwe botlhe go tloga mo magetleng go ya kwa godimo.+ 24  Foo Samuele a raya batho botlhe a re: “A lo bone ene yo Jehofa a mo tlhophileng,+ gore ga go na ope yo o tshwanang le ene mo bathong botlhe?” Mme batho botlhe ba simolola go goa ba re: “A kgosi e tshele!”+ 25  Foo Samuele a bua le batho kaga tshwanelo e e lebaneng ya bogosi+ mme a e kwala mo bukeng a bo a e baya fa pele ga ga Jehofa. Foo Samuele a tsamaisa batho botlhe, mongwe le mongwe go ya kwa ntlong ya gagwe. 26  Mme Saulo ene, o ne a ya kwa legaeng la gagwe kwa Gibea,+ mme banna ba ba diganka ba Modimo a neng a amile pelo ya bone ba tsamaya le ene.+ 27  Mme banna ba ba se nang molemo wa sepe+ bone, ba re: “Yo o tla re boloka jang?”+ Ka jalo ba mo nyatsa,+ mme ba se ka ba mo tlisetsa mpho epe.+ Mme a tswelela jaaka mongwe yo o se nang puo.+

Dintlha Tse di Kwa Tlase