1 Petere 4:1-19

4  Jalo e re ka Keresete a ne a boga mo nameng,+ le lona itlhomeleng ka yone tshekamelo+ eo ya mogopolo; ka gonne motho yo o bogileng mo nameng o baketse maleo,+  e le gore a tshele nako e e setseng ya gagwe mo nameng,+ a sa tlhole a tshelela dikeletso tsa batho, fa e se thato ya Modimo.+  Gonne nako+ e e fetileng e lekane gore lo bo lo dirile thato ya ditšhaba+ fa lo ne lo tswelela mo ditirong tsa boitshwaro jo bo repileng,+ dikeletso tse di fekeetsang, go nwa beine+ mo go feteletseng, mediro ya ditlhapelo, mekete ya go nwa, le kobamelo e e seng kafa molaong ya medingwana.+  Ka gonne lo sa tswelele lo siana le bone mo tseleng eno go ya kwa lekadibeng leno le le kwa tlase la botlhapelwa,+ ba akabetse e bile ba tswelela ba bua ka lona+ ka go lo kgoba.  Mme batho bano ba tla ikarabelela mo go yo o iketleeleditseng+ go atlhola batshedi le baswi.+  Tota e bile, dikgang tse di molemo di ne tsa bolelelwa le bone baswi+ ka boikaelelo jono, gore ba tle ba atlholwe malebana le nama go ya ka pono ya batho+ mme ba tshele malebana le moya+ go ya ka pono ya Modimo.  Mme bokhutlo jwa dilo tsotlhe bo atametse.+ Jalo, nnang lo itekanetse sentle mo mogopolong+ lo bo lo nne lo thantse malebana le dithapelo.+  Mo godimo ga dilo tsotlhe, ratanang+ ka lorato lo logolo, ka gonne lorato lo bipa maleo a le mantsi.+  Bontshanang moya wa go tshola baeng lo sa ngongorege.+ 10  Go ya ka selekanyo se mongwe le mongwe a amogetseng mpho ka sone, e diriseng mo go direlaneng jaaka balebedi ba ba molemo ba bopelonomi jo bo sa re tshwanelang jwa Modimo jo bo bontshiwang ka ditsela tse di farologaneng.+ 11  Fa mongwe a bua, a a bue jaaka e ka bo e le ditaelo+ tse di boitshepo tsa Modimo; fa mongwe a direla,+ a a direle a ikaegile ka nonofo e Modimo a e nayang;+ gore mo dilong tsotlhe Modimo a galalediwe+ ka Jesu Keresete. Kgalalelo+ le thata ke tsa gagwe ka bosaengkae le go ya go ile. Amen. 12  Baratwa, lo se ka lwa akabadiwa ke go sha mo go mo gare ga lona, mo go lo diragalelang e le teko,+ jaaka e kete lo diragalelwa ke selo se se sa tlwaelegang. 13  Phapaanong le seo, tswelelang pele lo ipela+ e re ka jaana lo kopanela mo dipogong tsa ga Keresete,+ gore lo ipele lo bo lo ipele mo gogolo gape mo go senolweng+ ga kgalalelo ya gagwe. 14  Fa lo kgobelwa leina la ga Keresete,+ lo itumetse,+ ka gonne moya wa kgalalelo, one moya wa Modimo, o ntse mo go lona.+ 15  Le fa go ntse jalo, a ope wa lona a se ka a boga+ ka go bo e le mmolai kgotsa legodu kgotsa modirabosula kgotsa e le yo o itshunyang nko+ mo dikgannyeng tsa batho ba bangwe. 16  Mme fa a boga+ e le Mokeresete, a a se ka a ikutlwa a tlhabiwa ke ditlhong,+ mme a a nne a galaletse Modimo mo leineng leno. 17  Gonne ke nako e e tlhomilweng gore katlholo e simolole ka ntlo ya Modimo.+ Jaanong fa e simolola pele ka rona,+ bokhutlo e tla nna eng jwa ba ba sa utlweng dikgang tse di molemo tsa Modimo?+ 18  “Mme fa motho yo o siameng a bolokwa ka bothata,+ moikepi le moleofi ba tla bonala+ kae?” 19  Jalo he, le ba ba bogang tumalanong le thato ya Modimo a ba nne ba neele Mmopi yo o ikanyegang meya ya bone fa ba ntse ba dira molemo.+

Dintlha Tse di Kwa Tlase