1 Ditiragalo 5:1-26

5  Le bomorwa Rubene+ leitibolo la ga Iseraele—gonne e ne e le leitibolo;+ mme tshwanelo ya gagwe ya go nna leitibolo e ne ya newa bomorwa Josefa+ morwa Iseraele ka ntlha ya go itshepolola borobalo jwa ga rraagwe,+ mo a neng a sa tshwanela go kwadisiwa kafa losikeng a kwadisediwa tshwanelo ya gagwe ya go nna leitibolo.  Gonne Juda+ ka boene o ne a le kwa godimo ga bomorwarraagwe, mme yo o neng a tshwanetse go nna moeteledipele o ne a tswa mo go ene;+ mme tshwanelo ya go nna leitibolo e ne e le ya ga Josefa+  bomorwa Rubene leitibolo la ga Iseraele e ne e le Hanoke+ le Palu,+ Heserone le Karami.+  Bomorwa Joele e ne e le Shemaia morwawe, Gogo morwawe, Shimei morwawe,  Mika morwawe, Reaia morwawe, Baale morwawe,  Beera morwawe, yo Tilegathe-pilenesere+ kgosi ya Asiria a neng a mo isa botshwarwa, ene e le kgosana ya Barubene.  Mme bomorwarraagwe ka malapa a bone mo go kwadisiweng ga bone kafa losikeng+ ka masika a bone e ne e le Jeiele tlhogo ya bone, le Sekaria,  le Bela morwa Asase morwa Shema morwa Joele+—o ne a nna kwa Aroere+le go fitlha kwa Nebo+ le Baale-meone.+  Le e leng kwa botlhaba o ne a nna go fitlha kwa motho a tsenang naga kwa nokeng ya Euferatese+ gone, gonne diruiwa tsa bone di ne di ntsifetse mo lefatsheng la Gileade.+ 10  Mme mo metlheng ya ga Saulo ba ne ba lwa le Bahagere,+ ba ba neng ba wa ka seatla sa bone; mme ba nna mo megopeng ya bone mo nageng yotlhe kwa botlhaba jwa Gileade. 11  Fa e le bomorwa Gada+ fa pele ga bone, ba ne ba nna mo lefatsheng la Bashana+ go fitlha kwa Saleka.+ 12  Joele e ne e le tlhogo, mme wa bobedi e le Shafame, le Janai le Shafate kwa Bashana. 13  Mme bomorwarraabone ba ntlo ya borraabonemogologolwane e ne e le Mikaele le Meshulame le Sheba le Jorai le Jakane le Sia le Ebere, ba le supa. 14  Bano e ne e le bomorwa Abihaile morwa Huri, morwa Jaroa, morwa Gileade, morwa Mikaele, morwa Jeshishai, morwa Jado, morwa Buse; 15  Ahi morwa Abediele, morwa Guni, tlhogo ya ntlo ya borraabonemogologolwane. 16  Mme ba tswelela go nna kwa Gileade,+ kwa Bashana+ le mo metseng+ e e kafa tlase ga gagwe le mo mafulong otlhe a Sharona go fitlha kwa a felelang gone. 17  Botlhe ba ne ba kwadisitswe kafa losikeng mo metlheng ya ga Jothame+ kgosi ya Juda le mo metlheng ya ga Jeroboame+ kgosi ya Iseraele. 18  Fa e le bomorwa Rubene le Bagada le sephatlo sa lotso lwa ga Manase bone; ba bao ba neng ba le pelokgale,+ banna ba ba tsholang thebe le tšhaka le ba ba obang bora e bile ba thapiseditswe ntwa, ba ne ba le dikete di le masome a manè le bonè makgolo a le supa le masome a le marataro ba ba yang sesoleng.+ 19  Mme ba simolola go lwa le Bahagere,+ le Jeture+ le Nafishe+ le Nodabe. 20  Mme ba thusiwa kgatlhanong le bone, mo e leng gore Bahagere le botlhe ba ba neng ba na le bone ba ne ba tsenngwa mo seatleng sa bone, gonne ba ne ba ikuela kwa Modimong gore a ba thuse+ mo ntweng, mme a dumela go rapelesega gore ba sologelwe molemo ka gonne ba ne ba mo ikantse.+ 21  Mme ba isa diruiwa+ tsa bone botshwarwa, dikamela tsa bone di le dikete di le masome a matlhano, le dinku di le dikete di le makgolo a mabedi le masome a matlhano, diesele di le dikete di le pedi, le meya ya batho e le dikete di le lekgolo.+ 22  Gonne go ne go na le ba le bantsi ba ba neng ba ole ba bolailwe, ka gonne ntwa+ e ne e le ya Modimo wa boammaaruri. Mme ba tswelela go nna mo lefelong la bone go fitlha mo nakong ya botshwarwa.+ 23  Fa e le bomorwa sephatlo sa lotso lwa ga Manase+ bone, ba ne ba nna mo lefatsheng go tswa Bashana+ go ya Baale-heremone+ le Senire+ le Thaba ya Heremone.+ Bone ka bobone ba ne ba nna bantsi. 24  Mme bano e ne e le ditlhogo tsa ntlo ya borraabonemogologolwane: Efere le Ishi le Eliele le Asariele le Jeremia le Hodafia le Jahadiele, banna ba e neng e le diganka, banna ba ba thata, banna ba ba tumileng, ditlhogo tsa ntlo ya borraabonemogologolwane. 25  Mme ba simolola go direla Modimo wa borraabonemogologolwane ka go tlhoka boikanyegi mme ba akafala+ le medimo+ ya ditšhaba tsa lefatshe, tse Modimo a neng a di nyeleditse fa pele ga bone. 26  Ka gone Modimo wa Iseraele a fudua moya+ wa ga Pule+ kgosi ya Asiria+ le moya wa ga Tilegathe-pilenesere+ kgosi ya Asiria, mo e leng gore o ne a isa Barubene le Bagada botshwarwa+ le ba sephatlo sa lotso lwa ga Manase a ba tlisa mo Hala+ le Habore le Hara le noka ya Gosane gore ba nne koo go fitlha mo letsatsing leno.

Dintlha Tse di Kwa Tlase