1 Ditiragalo 4:1-43

4  Bomorwa Juda e ne e le Perese,+ Heserone+ le Karami+ le Hure+ le Shobale.+  Fa e le Reaia+ morwa Shobale ene, o ne a nna rraagwe Jahathe; Jahathe ene a nna rraagwe Ahumai le Lahade. Ano e ne e le malapa a Basore.+  Mme bano e ne e le barwa ba ga rraagwe Etame:+ Jesereele+ le Ishima le Idebashe, (mme leina la ga kgaitsadiabone e ne e le Haseleleponi,)  le Penuele rraagwe Gedore+ le Esere rraagwe Husha. Bano e ne e le bomorwa Hure+ leitibolo la ga Eferatha, rraagwe Bethelehema.+  Mme Ashure+ rraagwe Tekoa+ a nna le basadi ba babedi, Hela le Naara.  Fa nako e ntse e tsamaya Naara a mo tsholela Ahusame le Hefere le Temeni le Haahashetari. Bano e ne e le bomorwa Naara.  Mme bomorwa Hela e ne e le Serethe, Isehare le Ethanane.  Fa e le Kose ene, o ne a nna rraagwe Anube le Sobeba le malapa a ga Aharehele morwa Harume.  Mme Jabese+ a tlotlega thata+ go gaisa bomorwarraagwe; mme mmaagwe ke ene a neng a mo raya leina a re Jabese, a re: “Ke mmelege ka ditlhabi.”+ 10  Mme Jabese a simolola go bitsa Modimo+ wa Iseraele, a re: “Ruri fa o ka ntshegofatsa+ o bo o oketsa karolo ya me ya naga+ le seatla sa gago+ sa itshupa se na le nna, mme ruri o mpoloka mo masetlapelong,+ gore a se ka a nkutlwisa botlhoko,+—” Ka jalo Modimo a diragatsa se a neng a se kopile.+ 11  Fa e le Kelube morwarraagwe Shuha ene, o ne a nna rraagwe Mehire, yo e neng e le rraagwe Eshetone. 12  Eshetone ene a nna rraagwe Bethe-rafa le Pasea le Tehina rraagwe Ire-nahashe. Bano e ne e le banna ba Reka. 13  Mme bomorwa Kenase+ e ne e le Otheniele+ le Seraia, mme bomorwa Otheniele, Hathathe. 14  Fa e le Meonothai ene, o ne a nna rraagwe Ofera. Fa e le Seraia ene, o ne a nna rraagwe Joabe rraagwe Ge-harashime; gonne ba ne ba nna badiri ba ba ditswerere.+ 15  Mme bomorwa Kalebe+ morwa Jefune+ e ne e le Iru, Ela le Naame; mme bomorwa Ela, Kenase. 16  Mme bomorwa Jehalelele e ne e le Siife le Sifa, Tiria le Asarele. 17  Mme bomorwa Esera e ne e le Jethere le Merede le Efere le Jalone; mme a ithwala Miriame le Shammai le Isheba rraagwe Eshetemoa.+ 18  Fa e le mosadi wa gagwe wa Mojuda ene, o ne a belega Jerede rraagwe Gedore le Hebere rraagwe Soko le Jekuthiele rraagwe Sanoa. Mme bano e ne e le bomorwa Bithia morwadia Faro, yo Merede a neng a mo tsaya. 19  Mme bomorwa mosadi wa ga Hodia, kgaitsadia Nahame, e ne e le rraagwe Keila+ wa Mogareme le Eshetemoa wa Momaakathe. 20  Mme bomorwa Shimone e ne e le Amenone le Rina, Bene-hanane le Tilone. Mme bomorwa Ishi e ne e le Sohethe le Bene-sohethe. 21  Bomorwa Shela+ morwa Juda e ne e le Ere rraagwe Leka le Laada rraagwe Mareshahe le malapa a ntlo ya ba ba dirang ka letsela+ le le boleta ba ntlo ya ga Ashebea; 22  le Jokime le banna ba Koseba le Joashe le Sarafe, ba e neng ya nna beng ba basadi+ ba Bamoabe, le Jashubi-leheme. Mme mafoko ao ke a ngwao+ ya bogologolo. 23  E ne e le babopi+ ba letsopa le banni ba Netaime le Gedera. Ba ne ba nna koo+ le kgosi mo tirong ya yone. 24  Bomorwa Simeone e ne e le Nemuele+ le Jamine,+ Jaribe, Sera, Shaule,+ 25  Shalume morwawe, Mibesame morwawe, Mishema morwawe. 26  Mme bomorwa Mishema e ne e le Hamuele morwawe, Sakure morwawe, Shimei morwawe. 27  Mme Shimei o ne a na le barwa ba le lesome le borataro le barwadi ba le barataro; mme bomorwarraagwe ba ne ba se ka ba nna le barwa ba le bantsi, e bile go ne go se na lepe la malapa a bone le le neng le na le barwa ba le bantsi jaaka bomorwa Juda. + 28  Mme ba tswelela go nna kwa Beere-sheba+ le Molada+ le Hasare-shuale+ 29  le kwa Bileha+ le kwa Eseme+ le kwa Tolade+ 30  le kwa Bethuele+ le kwa Horema+ le kwa Sikelage+ 31  le kwa Bethe-marekabothe le kwa Hasare-susime+ le kwa Bethe-biri le kwa Shaaraime.+ Eno e ne e le metse ya bone go fitlha Dafide a busa. 32  Mme metsana ya bone e ne e le Etame le Aine, Rimone le Tokene le Ashane,+ metse e le metlhano. 33  Mme metsana yotlhe ya bone e e neng e dikologile metse eno yotlhe e ne e fitlha kwa Baale.+ Ano e ne e le mafelo a bone a bonno le go kwadisiwa ga bone kafa losikeng. 34  Le Meshobabe le Jameleke le Josha morwa Amasia, 35  le Joele le Jehu morwa Joshibia morwa Seraia morwa Asiele, 36  le Elioenai le Jaakoba le Jeshohaia le Asaia le Adiele le Jesimiele le Benaia, 37  le Sisa morwa Shifi morwa Alone morwa Jedaia morwa Shimeri morwa Shemaia. 38  Bano ba ba neng ba tsena ka maina e ne e le dikgosana mo gare ga malapa+ a bone, mme ba ntlo ya borraabonemogologolwane ka boyone ba oketsega ba nna bantsintsi. 39  Mme ba ya kwa tseleng ya botseno ya Gedore, go fitlha fela kwa botlhaba jwa mokgatšha, go ya go batlela matsomane a bone mafulo. 40  Kgabagare ba bona mafulo+ a a nonneng a a siameng, e bile lefatshe le ne le atlhame thata le se na matshwenyego+ ape mme le iketlile; gonne ba ba neng ba nna mo go lone mo metlheng ya pele e ne e le ba ga Hame.+ 41  Mme bano ba ba kwadilweng ka maina a bone ba tsena mo metlheng ya ga Hesekia+ kgosi ya Juda mme ba kgemetha+ megope ya Bahame le Bameunime ba ba neng ba fitlhelwa koo, mo ba neng ba ba neelela tshenyego+ go fitlha mo letsatsing leno; mme ba simolola go nna mo lefelong la bone, ka gonne matsomane a bone a ne a na le mafulo+ koo. 42  Mme mo go bone go ne go na le bangwe ba bomorwa Simeone ba ba neng ba ya kwa Thabeng ya Seire,+ banna ba le makgolo a le matlhano, ba na le Pelatia le Nearia le Refaia le Usiele bomorwa Ishi kwa tlhogong ya bone. 43  Mme ba kgemetha masalela a Amaleke+ a a neng a falotse, mme ba tswelela go nna koo go fitlha mo letsatsing leno.

Dintlha Tse di Kwa Tlase