1 Ditiragalo 29:1-30

29  Jaanong kgosi Dafide a raya phuthego yotlhe+ a re: “Solomone morwaake, yo Modimo a mo tlhophileng,+ o mmotlana+ e bile ga a nonofa, mme tiro yone e kgolo; gonne kago ya phemelo ga se ya motho,+ mme ke ya ga Jehofa Modimo.  Mme go ya ka maatla+ otlhe a me ke baakanyeditse+ ntlo ya Modimo wa me gouta+ ya tiro ya gouta, le selefera ya tiro ya selefera, le kgotlho ya tiro ya kgotlho, tshipi+ ya tiro ya tshipi, le dikota+ tsa tiro ya dikota; maje a onikise,+ le maje a a tshwanetseng go tlhomiwa ka seretse se se thata, le matlapana a a borethe a a mebalabala, le leje lengwe le lengwe le le tlhokegang, le maje a le mantsi thata a alabasetere.  Mme e re ka ke ipelela+ ntlo ya Modimo wa me, go sa ntse go na le thuo ya me e e kgethegileng,+ gouta le selefera; ke e ntshetsa ntlo ya Modimo wa me mo godimo ga sotlhe se ke se baakanyeditseng ntlo e e boitshepo:+  ditalenta tsa gouta di le dikete tse tharo tsa gouta ya Ofire,+ le ditalenta di le dikete di le supa tsa selefera e e itshekileng, tsa go dila dipota tsa matlo;  tsa gouta tsa tiro ya gouta, le tsa selefera tsa tiro ya selefera le tsa tiro yotlhe ka seatla sa badiri ba ba ditswerere. Mme ke mang yo o ithaopelang go tlatsa seatla sa gagwe ka mpho ya ga Jehofa+ gompieno?”  Mme dikgosana+ tsa matlo a borre+ le dikgosana+ tsa ditso tsa Iseraele le balaodi ba dikete+ le ba makgolo+ le balaodi ba ditiro+ tsa kgosi ba ithaopa.  Ka jalo ba ntshetsa tirelo ya ntlo ya Modimo wa boammaaruri gouta e e jang ditalenta di le dikete tse tlhano le didariki di le dikete di le lesome le selefera e e jang ditalenta di le sekete le kgotlho e e jang ditalenta di le dikete di le lesome le borobedi le tshipi e e jang ditalenta di le dikete di le lekgolo.+  Mme maje le fa e le afe a a neng a fitlhelwa mo bathong bape fela ba ne ba a ntshetsa letlotlo la ntlo ya ga Jehofa mo taolong ya ga Jehiele+ wa Mogereshone.+  Mme batho ba ipela ka ntlha ya go ntsha ga bone meneelo ka go rata, gonne ba ne ba ntshetsa Jehofa meneelo ka go rata ka pelo e e feletseng;+ le e leng kgosi Dafide ka boene o ne a ipela ka boipelo jo bogolo.+ 10  Ka gone Dafide a baka+ Jehofa fa pele ga matlho a phuthego+ yotlhe mme Dafide a re: “E kete o ka bakwa,+ wena Jehofa Modimo wa Iseraele+ rraarona, go tswa bosasimologeng go ya bosakhutleng. 11  Bogolo+ le thata+ le bontle+ le tlotlomalo+ le seriti+ ke tsa gago wena Jehofa; gonne sengwe le sengwe se se kwa magodimong le mo lefatsheng ke sa gago.+ Bogosi+ ke jwa gago, wena Jehofa, Wena yo o itsholetsang jaaka tlhogo ya botlhe.+ 12  Dikhumo+ le kgalalelo+ di teng ka ntlha ya gago, mme o laola+ sengwe le sengwe; mo seatleng sa gago go na le maatla+ le thata,+ e bile mo seatleng sa gago go na le bokgoni jwa go godisa+ le go naya botlhe nonofo.+ 13  Mme jaanong, wena Modimo wa rona, re a go leboga+ e bile re baka+ leina la gago le lentle.+ 14  “Le fa go ntse jalo, nna ke mang+ le batho ba me ke bomang, gore re bo re na le maatla a go ntsha meneelo e e ntseng jaana ka go rata?+ Gonne sengwe le sengwe se tswa kwa go wena,+ mme re go neile se se tswang mo seatleng sa gago. 15  Gonne re baagi ba baeng fa pele ga gago le bathibeledi+ fela jaaka borraaronamogologolwane botlhe. Malatsi a rona a ntse jaaka moriti mo lefatsheng+ mme ga go na tsholofelo. 16  Ao tlhe Jehofa Modimo wa rona, letlotlo leno lotlhe le re le baakantseng gore re go agele ntlo ya leina la gago le le boitshepo, le tswa mo seatleng sa gago, mme lotlhe ke la gago.+ 17  E bile ke itse sentle, wena Modimo wa me, gore o motlhatlhobi wa pelo,+ le gore o ipelela+ tshiamo. Fa e le nna, ka go thokgama ga pelo ya me ke ntshitse dilo tseno tsotlhe moneelo ka go rata, mme jaanong batho ba gago ba ba fano ke ne ka ipelela go ba bona ba go ntshetsa meneelo ka go rata. 18  Ao tlhe Jehofa Modimo wa ga Aborahame, Isake le Iseraele borraaronamogologolwane,+ a ko o boloke seno ka bosakhutleng e le tshekamelo ya dikakanyo tsa pelo ya batho ba gago,+ mme o kaele pelo ya bone kwa go wena.+ 19  Mme o neye Solomone morwaake pelo+ e e feletseng gore a boloke ditaelo tsa gago,+ ditshupo tsa gago+ le melao ya gago,+ le gore a dire sengwe le sengwe, le gore a age kago ya phemelo+ e ke e baakanyeditseng.”+ 20  Mme Dafide a raya phuthego+ yotlhe a re: “Bakang+ Jehofa Modimo wa lona jaanong.” Mme phuthego yotlhe ya baka Jehofa Modimo wa borraabonemogologolwane mme ya ikoba+ ya obama+ fa pele ga ga Jehofa le kgosi. 21  Mme ba tswelela go ntshetsa Jehofa ditlhabelo+ le go isetsa Jehofa ditshupelo tse di fisiwang+ mo letsatsing le le latelang letsatsi leo, dipowana di le sekete, diphelefu di le sekete, dikwanyana tse ditonanyana di le sekete le ditshupelo tsa tsone tsa senō,+ le ditlhabelo tse dintsi tsa Iseraele yotlhe.+ 22  Mme ba tswelela ba ja e bile ba nwa fa pele ga ga Jehofa mo letsatsing leo ka boipelo jo bogolo;+ mme ba dira Solomone morwa Dafide kgosi+ lekgetlo la bobedi le go mo tloletsa Jehofa go nna moeteledipele+ le Sadoke+ go nna moperesiti. 23  Solomone a simolola go nna mo setulong sa bogosi+ sa ga Jehofa jaaka kgosi mo boemong jwa ga Dafide rraagwe le go bo atlegisa,+ mme Baiseraele botlhe ba ne ba mo utlwa. 24  Fa e le dikgosana+ tsotlhe le banna ba ba thata+ le bomorwa Kgosi Dafide+ botlhe, ba ikobela kgosi Solomone. 25  Mme Jehofa a tswelela go dira gore Solomone a nne mogolo+ go gaisa fa pele ga matlho a Iseraele yotlhe le go mmaya seriti sa segosi jaaka se se iseng se ke se nne mo kgosing epe pele ga gagwe mo Iseraele.+ 26  Fa e le Dafide morwa Jese ene, o ne a busa mo Iseraele yotlhe;+ 27  mme malatsi a a busitseng ka one mo Iseraele e ne e le dingwaga di le masome a manè.+ O ne a busa dingwaga di le supa+ mo Heberone, mme a busa dingwaga di le masome a mararo le boraro+ mo Jerusalema. 28  Kgabagare a swa a tsofetse thata,+ a kgotsofetse ka malatsi, dikhumo+ le kgalalelo;+ mme Solomone morwawe a simolola go busa mo boemong jwa gagwe.+ 29  Fa e le ditiragalo tsa ga kgosi Dafide, tsa ntlha le tsa bofelo, di kwadilwe mo mafokong a ga Samuele wa mmoni+ le mo mafokong a ga moporofeti Nathane+ le mo mafokong a ga Gada+ e bong mmoni wa diponatshegelo, 30  mmogo le bogosi jotlhe jwa gagwe le thata ya gagwe le metlha+ e e neng ya mo feta le e e neng ya feta Iseraele le magosi otlhe a mafatshe.+

Dintlha Tse di Kwa Tlase