1 Ditiragalo 28:1-21

28  Mme Dafide a phuthela kwa Jerusalema dikgosana+ tsotlhe tsa Iseraele, dikgosana+ tsa ditso le dikgosana+ tsa makgamu a ba ba direlang kgosi le balaodi ba dikete+ le balaodi ba makgolo+ le balaodi ba dithoto+ tsotlhe le diruiwa+ tsa kgosi le tsa bomorwaayone,+ mmogo le badiredi ba ntlo ya kgosi+ le banna ba ba thata,+ le monna mongwe le mongwe yo o seganka yo o thata.  Foo kgosi Dafide a ema ka dinao mme a re: “Nkutlwang, bomorwarra le batho ba me. Fa e le nna, pelo+ ya me e ne ya rata thata go agela letlole la kgolagano ya ga Jehofa ntlo ya bonno le gore e nne jaaka sebeo sa dinao+ sa Modimo wa rona, mme ke ne ke dirile dipaakanyo tsa go aga.+  Mme Modimo wa boammaaruri o ne a nthaya a re, ‘Ga o kitla o agela leina la me ntlo;+ gonne o monna wa dintwa, e bile o tsholotse madi.’+  Ka jalo Jehofa Modimo wa Iseraele o ne a ntlhopha mo ntlong yotlhe ya ga rre+ gore ke nne kgosi+ ya Iseraele ka bosakhutleng; gonne o ne a tlhophile Juda go nna moeteledipele,+ mme mo ntlong ya Juda a tlhopha ntlo ya ga rre,+ mme mo gare ga bomorwarre,+ ke nna yo a neng a mo amogela,+ gore a ntire kgosi mo Iseraele yotlhe;  mme mo go bomorwaake botlhe (gonne barwa ba Jehofa a ba nneileng ba bantsi)+ a tlhopha Solomone+ morwaake gore a nne mo setulong sa bogosi+ sa ga Jehofa mo Iseraele.  “Mo godimo ga moo, a nthaya a re, ‘Solomone morwao ke ene yo o tla agang ntlo+ ya me le malwapa a me; gonne ke mo tlhophile go nna morwaake,+ mme nna ka bonna ke tla nna rraagwe.+  Ke tla tlhomamisa bogosi+ jwa gagwe thata ka bosakhutleng fa a ka dira tshwetso e e nonofileng ya go diragatsa ditaelo+ tsa me le ditshwetso tsa me tsa boatlhodi,+ jaaka mo letsatsing leno.’  Mme jaanong, fa pele ga matlho a Iseraele yotlhe, phuthego+ ya ga Jehofa, le mo ditsebeng tsa Modimo wa rona,+ tlhokomelang lo bo lo batle ditaelo tsotlhe tsa ga Jehofa Modimo wa lona, gore lo tle lo rue lefatshe le le molemo+ le gore lo le fetisetse mo go bomorwaalona go nna boswa morago ga lona ka bosakhutleng.  “Mme wena Solomone morwaaka, itse+ Modimo wa ga rrago mme o mo direle+ ka pelo e e feletseng+ le ka moya o o itumetseng;+ gonne Jehofa o hukutsa+ dipelo tsotlhe, e bile o lemoga+ tshekamelo nngwe le nngwe ya dikakanyo. Fa o mmatla, o tla dira gore o mmone;+ mme fa o mo tlogela,+ o tla go latlha ka bosaengkae.+ 10  Bona jaanong, gonne Jehofa ka boene o go tlhophile gore o age ntlo gore e nne lefelo le le boitshepo. Nna pelokgale mme o dire.”+ 11  Mme Dafide a naya Solomone morwawe polane ya kago+ ya mathudi+ le ya matlo a yone le ya diphaposi tsa yone tsa polokelo+ le ya matlwana a yone a a kwa borulelong+ le diphaposi tsa yone tse di kwa teng tse di lefifi le ntlo ya sekhurumelo sa thuanyo;+ 12  le polane ya kago ya sengwe le sengwe e a neng a e newa ka tlhotlheletso,+ ya malwapa+ a ntlo ya ga Jehofa le ya diphaposi tsotlhe tsa bojelo+ mo tikologong yotlhe, ya matlotlo a ntlo ya Modimo wa boammaaruri le ya matlotlo a dilo tse di dirilweng boitshepo;+ 13  le ya makgamu+ a baperesiti le a Balefi le ya tiro yotlhe ya tirelo ya ntlo ya ga Jehofa le ya dilwana tsotlhe tsa tirelo ya ntlo ya ga Jehofa; 14  ya gouta ka bokete jwa yone, gouta ya dilwana tsotlhe tsa ditirelo tse di farologaneng, ya dilwana tsotlhe tsa selefera ka bokete jwa yone, ya dilwana+ tsotlhe tsa ditirelo tse di farologaneng; 15  le bokete jwa ditlhomo tsa dipone tsa gouta le dipone+ tsa tsone tsa gouta, ka bokete jwa ditlhomo tse di farologaneng tsa dipone le dipone tsa tsone, le ya ditlhomo tsa dipone tsa selefera ka bokete jwa setlhomo sa lobone le dipone tsa sone kafa tirelong ya ditlhomo tse di farologaneng tsa dipone; 16  le gouta ka bokete jwa yone ya ditafole tsa senkgwe se se tlhatlagantsweng+ ya ditafole tse di farologaneng, le selefera ya ditafole tsa selefera; 17  le diforoko le megopo+ le dinkgo tsa gouta e e itshekileng, le ya megopo+ e mennye ya gouta ka bokete jwa yone ya megopo e mennye e e farologaneng, le ya megopo e mennye ya selefera ka bokete jwa yone ya megopo e mennye e e farologaneng; 18  mme sebeso+ sa maswalo gouta e e itshekileng ka bokete jwa yone le ya setshwano sa kara,+ e leng, ditšheruba+ tsa gouta gore di tsharolole diphuka tsa tsone di bipe letlole la kgolagano ya ga Jehofa. 19  “O ne a nnaya temogo ya selo sotlhe se kwadilwe+ se tswa mo seatleng sa ga Jehofa, le ya ditiro tsotlhe tsa polane ya kago.”+ 20  Mme Dafide a tswelela a raya Solomone morwawe a re: “O nne pelokgale+ o nonofe mme o dire. O se ka wa boifa+ le fa e le go tshoga,+ gonne Jehofa Modimo, Modimo wa me, o na le wena.+ Ga a kitla a go latlha+ le fa e le go go tlogela go fitlha tiro yotlhe ya tirelo ya ntlo ya ga Jehofa e weditswe. 21  Mme ano ke makgamu a baperesiti+ le Balefi+ a tirelo yotlhe ya ntlo ya Modimo wa boammaaruri; e bile mongwe le mongwe yo o ratang+ yo o setswerere mo tirelong yotlhe o na le wena mo tirong yotlhe,+ le dikgosana+ le batho botlhe, gore ba diragatse mafoko otlhe a gago.”

Dintlha Tse di Kwa Tlase