1 Ditiragalo 27:1-34

27  Fa e le bomorwa Iseraele ka palo ya bone, ditlhogo tsa matlo a borre+ le dikgosi+ tsa dikete le tsa makgolo+ le batlhankedi ba bone ba ba neng ba direla+ kgosi mo kgannyeng nngwe le nngwe ya makgamu a ba ba neng ba tsena le ba ba neng ba tswa kgwedi le kgwedi mo dikgweding tsotlhe tsa ngwaga, lekgamu lengwe le lengwe le ne le na le ba le dikete di le masome a mabedi le bonè.  Lekgamu la ntlha la kgwedi ya ntlha le ne le okametswe ke Jashobeame+ morwa Sabediele, mme mo lekgamung la gagwe go ne go na le ba le dikete di le masome a mabedi le bonè.  Bangwe ba bomorwa Perese+ tlhogo ya balaodi botlhe ba ditlhopha tse di direlang e ne e le ba kgwedi ya ntlha.  Mme lekgamu la kgwedi ya bobedi le ne le okametswe ke Dodai+ wa Moahohi+ ka lekgamu la gagwe, mme Mikelothe e ne e le moeteledipele, mme mo lekgamung la gagwe go ne go na le ba le dikete di le masome a mabedi le bonè.  Molaodi wa setlhopha sa boraro se se direlang sa kgwedi ya boraro e ne e le Benaia+ morwa Jehoiada+ moperesiti yo mogolo, mme mo lekgamung la gagwe go ne go na le ba le dikete di le masome a mabedi le bonè.  Benaia+ yono e ne e le monna yo o thata wa ba le masome a mararo+ e bile a okametse ba ba masome a mararo bano; mme lekgamu la gagwe le ne le okametswe ke Amisabade morwawe.  Wa bonè wa kgwedi ya bonè e ne e le Asahele,+ morwarraagwe Joabe,+ le Sebadia morwawe morago ga gagwe, mme mo lekgamung la gagwe go ne go na le ba le dikete di le masome a mabedi le bonè.  Molaodi wa botlhano wa kgwedi ya botlhano e ne e le Shamehuthe+ wa Moiserahia, mme mo lekgamung la gagwe go ne go na le ba le dikete di le masome a mabedi le bonè.  Wa borataro wa kgwedi ya borataro e ne e le Ira+ morwa Ikeshe+ wa Motekoa,+ mme mo lekgamung la gagwe go ne go na le dikete di le masome a mabedi le bonè. 10  Wa bosupa wa kgwedi ya bosupa e ne e le Helese+ wa Mopelone+ wa bomorwa Eferaime, mme mo lekgamung la gagwe go ne go na le ba le dikete di le masome a mabedi le bonè. 11  Wa borobedi wa kgwedi ya borobedi e ne e le Sibekai+ wa Mohusha wa Basera,+ mme mo lekgamung la gagwe go ne go na le ba le dikete di le masome a mabedi le bonè. 12  Wa borobongwe mo kgweding ya borobongwe e ne e le Abiesere+ wa Moanathothe+ wa Babenjamine, mme mo lekgamung la gagwe go ne go na le ba le dikete di le masome a mabedi le bonè. 13  Wa bolesome wa kgwedi ya bolesome e ne e le Maharai+ wa Monetofa wa Basera,+ mme mo lekgamung la gagwe go ne go na le ba le dikete di le masome a mabedi le bonè. 14  Wa bolesome le bongwe wa kgwedi ya bolesome le bongwe e ne e le Benaia+ wa Mopirathone wa bomorwa Eferaime,+ mme mo lekgamung la gagwe go ne go na le ba le dikete di le masome a mabedi le bonè. 15  Wa bolesome le bobedi wa kgwedi ya bolesome le bobedi e ne e le Heledai+ wa Monetofa, wa ga Otheniele, mme mo lekgamung la gagwe go ne go na le ba le dikete di le masome a mabedi le bonè. 16  Mo ditsong tsa Iseraele,+ moeteledipele wa lwa Barubene e ne e le Eliesere morwa Sikeri; wa lwa Basimeone, e ne e le Shefatia morwa Maaka; 17  wa ga Lefi, Hashabia morwa Kemuele; wa ga Arone, Sadoke;+ 18  wa ga Juda, Elihu,+ mongwe wa bomorwarraagwe Dafide;+ wa ga Isakare, Omeri morwa Mikaele; 19  wa ga Sebulone, Ishemaia morwa Obadia; wa ga Nafetali, Jerimothe morwa Asariele; 20  wa bomorwa Eferaime, Hoshea morwa Asasia; wa sephatlo sa lotso lwa ga Manase, Joele morwa Pedaia; 21  wa sephatlo sa lotso lwa ga Manase kwa Gileade, Ido morwa Sekarea; wa ga Benjamine, Jaasiele morwa Abenere;+ 22  wa ga Dana, Asarele morwa Jerohame. Tseno e ne e le dikgosana+ tsa ditso tsa Iseraele. 23  Mme Dafide o ne a se ka a tsaya palo ya ba ba simololang ka dingwaga di le masome a mabedi go ya kwa tlase, ka gonne Jehofa o ne a solofeditse go ntsifatsa Iseraele jaaka dinaledi tsa magodimo.+ 24  Joabe+ morwa Seruia ka boene o ne a simolotse go bala, mme a se ka a fetsa;+ mme Iseraele ya galefelwa+ ka ntlha ya seno, mme palo ya se ka ya tla mo pegong ya ditiragalo tsa metlha ya ga Kgosi Dafide. 25  Mme yo o neng a okametse matlotlo a kgosi+ e ne e le Asamafetha morwa Adiele. Yo o neng a okametse matlotlo a a kwa nageng,+ mo metseng+ le mo metsaneng le mo ditoreng e ne e le Jonathane morwa Usia. 26  Yo o neng a okametse badiri ba tiro kwa nageng,+ ba ba neng ba lema mmu, e ne e le Eseri morwa Kelube. 27  Yo o neng a okametse masimo a mofine+ e ne e le Shimei wa Morama; mme yo o neng a okametse se se neng se le mo masimong a mofine a a tlamelang ka beine e ne e le Sabedi wa Moshifime. 28  Yo o neng a okametse dikgwa tsa motlhware le ditlhare tsa mosikamore+ tse di neng di le kwa Shefela+ e ne e le Baale-hanane wa Mogedere; mme Joashe o ne a okametse mabolokelo a leokwane.+ 29  Yo o neng a okametse metlhape e e neng e fula kwa Sharona+ e ne e le Shiterai wa Mosharona; mme yo o neng a okametse metlhape mo mabaleng a a kwa tlase e ne e le Shafate morwa Adelai. 30  Yo o neng a okametse dikamela+ e ne e le Obile wa Moishemaele;+ mme yo o neng a okametse diesele tse di namagadi e ne e le Jehedeia wa Momeronothe. 31  Yo o neng a okametse matsomane e ne e le Jasise wa Mohagere. Botlhe bano e ne e le balaodi ba dithoto tse e neng e le tsa ga Kgosi Dafide. 32  Mme Jonathane,+ ngwana wa ga morwarraagwe Dafide, e ne e le mogakolodi, monna wa tlhaloganyo,+ gape e le mokwaledi; mme Jehiele morwa Hakemoni+ o ne a na le bomorwa kgosi.+ 33  Mme Ahitofele+ e ne e le mogakolodi+ wa kgosi; mme Hushai+ wa Moareka+ e ne e le molekane wa kgosi.+ 34  Mme morago ga ga Ahitofele go ne go na le Jehoiada morwa Benaia+ le Abiathare;+ mme Joabe+ e ne e le molaodi wa masole a kgosi.

Dintlha Tse di Kwa Tlase