1 Ditiragalo 22:1-19

22  Foo Dafide a re: “Eno ke ntlo+ ya ga Jehofa Modimo wa boammaaruri, mme seno ke sebeso+ sa tshupelo e e fisiwang ya Iseraele.”  Jaanong Dafide a re go phuthiwe baagi ba baeng+ ba ba neng ba le mo lefatsheng la Iseraele, mme a ba tlhoma jaaka babetli+ ba maje gore ba betle maje+ a a matlhakore a le manè a a lekalekanang gore go agiwe ntlo ya Modimo wa boammaaruri.  Mme Dafide a baakanya tshipi e ntsi thata gore go dirwe dimapo tsa ditswalo tsa dikgoro le ditshwaraganyi, le kgotlho e e bontsi jo bo ka se kang jwa lekanngwa bokete,+  le dikota tsa mosedara+ tse di se nang palo; gonne Basidona+ le Bature+ ba ne ba tlisa dikota tsa mosedara di le dintsi thata kwa go Dafide.  Ka jalo Dafide a re: “Solomone morwaake o mmotlana e bile o bokoa,+ mme ntlo e e tshwanetseng ya agelwa Jehofa e tshwanetse go nna kgolo ga gaisa+ mme e farologane le mafatshe otlhe ka bontle.+ Jaanong, mma ke mmaakanyetse.” Ka jalo Dafide a baakanya dilo di le dintsi pele ga loso lwa gagwe.+  Mo godimo ga moo, a bitsa Solomone morwawe gore a mo laolele go agela Jehofa Modimo wa Iseraele ntlo.  Dafide a raya Solomone morwawe a re: “Fa e le nna, pelo+ ya me e ne ya rata thata go agela leina+ la ga Jehofa Modimo wa me ntlo.  Mme lefoko la ga Jehofa le ne la tla kgatlhanong le nna, le re, ‘O tsholotse+ madi a mantsi thata, e bile o lole dintwa tse dikgolo.+ Ga o kitla o agela leina la me ntlo,+ gonne o tsholotse madi a mantsi thata mo lefatsheng fa pele ga me.  Bona! O tla tsholelwa ngwana wa mosimane.+ Ene ka boene o tla itshupa e le monna wa boikhutso, mme ke tla mo naya boikhutso mo babeng botlhe ba gagwe mo tikologong yotlhe;+ gonne leina la gagwe e tla nna Solomone,+ ke tla naya Iseraele kagiso+ le tidimalo mo metlheng ya gagwe. 10  Ke ene yo o tla agelang leina+ la me ntlo, mme ene o tla nna morwaake,+ mme nna ke tla nna rraagwe.+ Ke tla tlhomamisa setulo sa gagwe sa bogosi+ thata mo Iseraele ka bosakhutleng.’ 11  “Jaanong morwaaka, e kete Jehofa a ka nna le wena, mme o atlege o age ntlo ya ga Jehofa Modimo wa gago, fela jaaka a buile kaga gago.+ 12  Fela e kete Jehofa a ka go naya botlhale le tlhaloganyo,+ e kete a ka go naya taolo malebana le Iseraele le go boloka molao wa ga Jehofa Modimo wa gago.+ 13  Ka tsela eo o tla atlega+ fa o tlhokomela go diragatsa melao+ le ditshwetso tsa boatlhodi+ tse Jehofa a neng a di laela+ Moshe malebana le Iseraele. Nna pelokgale o nonofe.+ O se ka wa boifa+ le fa e le go tshoga.+ 14  Bona, mo pogisegong+ ya me ke baakanyeditse ntlo ya ga Jehofa ditalenta tsa gouta+ di le dikete di le lekgolo le ditalenta tsa selefera di le milione, mme kgotlho+ le tshipi+ ga go na tsela ya go di lekanya bokete ka gonne di dintsi thata; ke baakantse dikota le maje, mme tsone o tla di oketsa. 15  Go na le badiri ba tiro ba bantsi thata ba ba nang le wena, babetli ba maje le ba ba dirang ka maje+ le logong le mongwe le mongwe yo o setswerere mo tirong ya mofuta mongwe le mongwe.+ 16  Gouta, selefera le kgotlho le tshipi ga go na tsela ya go di bala.+ Nanoga mme o dire,+ mme e kete Jehofa a ka nna le wena.”+ 17  Dafide a laela dikgosana tsotlhe tsa Iseraele gore di thuse Solomone morwawe, a re: 18  “A Jehofa Modimo wa lona ga a na le lona,+ mme a ga a lo naya boikhutso mo tikologong yotlhe?+ Gonne o tsentse banni ba lefatshe leno mo seatleng sa me, mme lefatshe le fentswe fa pele ga ga Jehofa+ le fa pele ga batho ba gagwe. 19  Jaanong tlhomang pelo ya lona le moya+ wa lona gore lo botse mo go Jehofa Modimo wa lona,+ mme lo nanoge lo age lefelo le le boitshepo+ la ga Jehofa Modimo wa boammaaruri,+ gore lo tlise letlole+ la kgolagano ya ga Jehofa le dilwana tse di boitshepo tsa Modimo wa boammaaruri mo ntlong e e agetsweng leina+ la ga Jehofa.”

Dintlha Tse di Kwa Tlase