1 Ditiragalo 20:1-8

20  Mme ga diragala gore ka nako ya fa ngwaga o simolola,+ ka nako ya fa dikgosi di betsega,+ gore Joabe a etelele mophato wa ntwa wa masole+ pele mme a senya lefatshe la bomorwa Amona a ba a tla go dikanyetsa Raba,+ fa Dafide a ne a nna kwa Jerusalema; mme Joabe a kgemetha+ Raba a e digela fa fatshe.  Mme Dafide a rola Malekame serwalo sa tlhogo,+ mme a fitlhela e le sa bokete jwa talenta ya gouta, mo go sone go na le maje a a tlhokegang; mme sa nna mo tlhogong ya ga Dafide. Mme thopo ya motse e a neng a e ntsha e ne e le ntsi thata.+  Mme a ntsha batho ba ba neng ba le mo go one, mme a ba boloka ba dira+ ka maje a a shagang le ka didirisiwa tse di bogale tsa tshipi le ka dilepe;+ mme eo ke tsela e Dafide a neng a dira metse yotlhe ya bomorwa Amona ka yone. Labofelo Dafide le batho botlhe ba boela kwa Jerusalema.  Mme ga diragala morago ga seno gore ntwa e tsoge kwa Gesere+ le Bafilisitia.+ Ke gone Sibekai+ wa Mohusha a neng a tlhaba Sipai wa ba ba tsetsweng ke Barefaime,+ mo ba neng ba fenngwa.  Mme ga lowa gape le Bafilisitia; mme Elehanane+ morwa Jaire a tlhaba Lami morwarraagwe Goliathe+ wa Mogathe, yo lore lwa lerumo la gagwe lo neng lo ntse jaaka mosipuri wa balogi.+  Mme ga nna le ntwa gape kwa Gathe,+ fa go ne go na le monna mongwe wa bogolo jo bo boitshegang+ yo menwana ya gagwe le menwana ya dinao mengwe le mengwe e neng e le merataro, e le masome a mabedi le bonè;+ le ene o ne a tsholetswe Barefaime.+  Mme a nna a kgoba+ Iseraele. La bofelo Jonathane morwa Shimea+ morwarraagwe Dafide a mo tlhaba.  Bano ke ba ba neng ba tsholetswe Barefaime+ kwa Gathe;+ mme ba wa+ ka seatla sa ga Dafide le ka seatla sa batlhanka ba gagwe.

Dintlha Tse di Kwa Tlase