1 Ditiragalo 18:1-17

18  Mme ga diragala morago ga moo gore Dafide a kgemethe Bafilisitia+ a ba fenye a bo a tsaya Gathe+ le metse e e kafa tlase ga gagwe mo seatleng sa Bafilisitia.  Morago ga moo a kgemetha Moabe,+ mme Bamoabe ba nna batlhanka ba ga Dafide ba ba tlisang sehuba.+  Dafide a kgemetha Hadadesere+ kgosi ya Soba+ kwa Hamathe+ fa a ne a le mo tseleng a ya go tlhoma taolo ya gagwe kwa nokeng ya Euferatese.+  Mo godimo ga moo, Dafide a thopa dikara di le sekete mo go ene le bapalami ba dipitse ba le dikete di le supa le banna ba le dikete di le masome a mabedi ba ba tsamayang ka dinao.+ Foo Dafide a kgaola mesifa+ ya maoto ya dipitse tsotlhe tsa dikara,+ mme a sadisa dipitse tsa dikara di le lekgolo.  E rile Siria wa Damaseko a tla go thusa Hadadesere kgosi ya Soba,+ Dafide a kgemetha banna ba le dikete di le masome a mabedi le bobedi ba Basiria.  Morago ga moo Dafide a baya ditlhopha tsa masole a a sireletsang kwa Siria wa Damaseko,+ mme Basiria ba nna batlhanka ba ga Dafide ba ba tlisang sehuba.+ Mme Jehofa a nna a naya Dafide poloko gongwe le gongwe kwa a neng a ya teng.+  Mo godimo ga moo, Dafide a tsaya dithebe+ tsa gouta tse di kgolokwe tse di neng di le mo batlhankeng ba ga Hadadesere a di tlisa mo Jerusalema.+  Mme Dafide a tsaya kgotlho e ntsi thata go tswa kwa Tibehathe+ le Kune, metse ya ga Hadadesere. Solomone a dira lewatle+ la kgotlho ka yone le dipilara+ le dilwana tsa kgotlho.+  E rile Tou kgosi ya Hamathe+ a utlwa gore Dafide o ne a kgemethile mophato otlhe wa sesole wa ga Hadadesere+ kgosi ya Soba, 10  a akofa a roma Hadorame+ morwawe kwa go Kgosi Dafide go ya go mmotsa matsogo le go mo akgola ka gonne a ne a lole le Hadadesere mo a neng a mo tlhaba, (gonne Hadadesere o ne a thapiseditswe ntwa kgatlhanong le Tou,) mme mefuta yotlhe ya dilwana tsa gouta le selefera+ le kgotlho di ne di na le ene. 11  Tseno le tsone Kgosi Dafide a di itshepisetsa+ Jehofa mmogo le selefera le gouta e a neng a e tsere mo ditšhabeng tsotlhe,+ go tswa Edoma le go tswa Moabe+ le go tswa kwa go bomorwa Amona+ le go tswa kwa Bafilisitieng+ le go tswa kwa Amaleke.+ 12  Fa e le Abishai+ morwa Seruia,+ o ne a kgemetha Baedoma mo Mokgatšheng wa Letswai,+ ba le dikete di le lesome le borobedi. 13  Ka jalo a tlhoma ditlhopha tsa masole tse di sireletsang kwa Edoma, mme Baedoma botlhe ba nna batlhanka ba ga Dafide.+ Mme Jehofa a nna a boloka Dafide gongwe le gongwe kwa a neng a ya gone.+ 14  Mme Dafide a tswelela go busa mo Iseraele yotlhe,+ mme o ne a direla batho ba gagwe+ botlhe tshwetso ya boatlhodi le tshiamo a sa kgaotse. 15  Mme Joabe morwa Seruia o ne a okametse masole,+ mme Jehoshafate+ morwa Ahilude e ne e le mokwadi. 16  Mme Sadoke+ morwa Ahitube le Ahimeleke+ morwa Abiathare e ne e le baperesiti, mme Shafesha+ e ne e le mokwaledi. 17  Mme Benaia+ morwa Jehoiada+ o ne a okametse Bakeretha+ le Bapelethe;+ mme bomorwa Dafide ba nna mo maemong a ntlha kafa letlhakoreng la kgosi.+

Dintlha Tse di Kwa Tlase