1 Ditiragalo 15:1-29

15  Mme a tswelela a ikagela matlo+ mo Motseng wa ga Dafide; mme a baakanyetsa letlole la Modimo wa boammaaruri lefelo+ a ba a le tlhomela mogope.  Ya nna gone Dafide a reng: “Ope a se ka a sikara letlole la Modimo wa boammaaruri fa e se Balefi fela, gonne ke bone ba Jehofa a ba tlhophileng gore ba sikare letlole la ga Jehofa+ le go mo direla+ ka bosakhutleng.”  Foo Dafide a phutha Iseraele yotlhe kwa Jerusalema+ gore a tlise letlole+ la ga Jehofa kwa lefelong la lone le a neng a le le baakanyeditse.  Dafide a phutha bomorwa Arone+ le Balefi;  ba bomorwa Kohathe, Uriele+ molaodi le bomorwarraagwe, ba le lekgolo le masome a mabedi;  ba bomorwa Merari,+ Asaia+ molaodi le bomorwarraagwe, ba le makgolo a le mabedi le masome a mabedi;  ba bomorwa Gereshome,+ Joele+ molaodi le bomorwarraagwe, lekgolo le masome a le mararo;  ba bomorwa Elisafane,+ Shemaia+ molaodi wa bomorwarraagwe, makgolo a le mabedi;  ba bomorwa Heberone, Eliele molaodi le bomorwarraagwe, masome a le robedi; 10  ba bomorwa Usiele,+ Aminadabe molaodi le bomorwarraagwe, lekgolo le lesome le bobedi. 11  Mo godimo ga moo, Dafide a bitsa Baperesiti Sadoke+ le Abiathare,+ le Balefi Uriele,+ Asaia+ le Joele, + Shemaia+ le Eliele+ le Aminadabe, 12  mme a tswelela a ba raya a re: “Ke lona ditlhogo+ tsa borre ba Balefi. Iitshepiseng,+ lona le bomorwarraalona, mme lo tlise letlole la ga Jehofa Modimo wa Iseraele kwa lefelong le ke le le baakanyeditseng. 13  Ka gonne ga lo a ka lwa dira jalo+ mo lekgetlong la ntlha, Jehofa Modimo wa rona o ne a re galefela,+ gonne ga re a ka ra mmatla kafa mokgweng.”+ 14  Ka jalo baperesiti le Balefi ba iitshepisa+ gore ba tlise letlole la ga Jehofa Modimo wa Iseraele. 15  Foo bomorwa Balefi ba simolola go sikara+ letlole la Modimo wa boammaaruri mo magetleng a bone dithobane di le mo go bone,+ fela jaaka Moshe a ne a laetse ka lefoko la ga Jehofa. 16  Jaanong Dafide a bolelela balaodi ba Balefi gore ba emise bomorwarraabone e bong baopedi+ ka diletswa tsa pina,+ diletswa tsa megala+ le diharepa+ le disemebala,+ ba leletse kwa godimo go dira gore modumo wa go ipela o tlhatloge. 17  Ka jalo Balefi ba emisa Hemane+ morwa Joele mme, wa bomorwarraagwe, Asafe+ morwa Berekia; mme, wa bomorwa Merari bomorwarraabone, Ethane+ morwa Kushaia; 18  le bomorwarraabone ba lekgamu+ la bobedi ba na le bone, Sekarea,+ Bene le Jaasiele le Shemiramothe le Jehiele le Uni, Eliabe le Benaia le Maaseia le Matithia le Elifelehu le Mikeneia, le Obede-edome+ le Jeiele balebedi ba dikgoro, 19  le baopedi e bong Hemane,+ Asafe+ le Ethane, ka disemebala tsa kgotlho gore ba di leletse kwa godimo;+ 20  le Sekarea le Asiele+ le Shemiramothe le Jehiele le Uni le Eliabe le Maaseia le Benaia ka diletswa tsa megala di dirilwe gore di ntshe molodi wa Alamothe,+ 21  le Matithia+ le Elifelehu le Mikeneia le Obede-edome le Jeiele le Asasia ka diharepa+ di dirilwe gore di ntshe molodi wa Sheminithe,+ gore ba direle jaaka bakaedi; 22  le Kenania+ molaodi wa Balefi mo go sikareng, a naya ditaelo ka go sikara, gonne e ne e le setswerere;+ 23  le Berekia le Elekana balebedi ba dikgoro+ ba Letlole; 24  le Shebania le Joshafate le Nethanele le Amasai le Sekarea le Benaia le Eliesere baperesiti ba leletsa diterompeta+ kwa godimo fa pele ga letlole la Modimo wa boammaaruri, le Obede-edome le Jehia balebedi ba dikgoro ba Letlole. 25  Mme Dafide+ le banna ba bagolwane ba Iseraele+ le balaodi+ ba dikete ya nna bone ba ba tsamayang gore ba ntshe letlole la kgolagano ya ga Jehofa mo ntlong ya ga Obede-edome+ ka go ipela.+ 26  Mme ga diragala fa Modimo wa boammaaruri a ne a thusa+ Balefi fa ba ne ba sikere letlole la kgolagano ya ga Jehofa gore ba ntshe dipowana di le supa le diphelefu di le supa setlhabelo.+ 27  Mme Dafide o ne a apere seaparo se se se nang mabogo sa letsela le le boleta, mmogo le Balefi botlhe ba ba sikereng Letlole le baopedi le Kenania+ molaodi wa go sikara ga baopedi;+ mme mo go Dafide go ne go na le khiba+ ya leloba. 28  Mme Baiseraele botlhe ba ne ba tlisa letlole la kgolagano ya ga Jehofa ka go goa+ ga boipelo le ka go lela ga lonaka+ le ka diterompeta+ le ka disemebala,+ ba leletsa diletswa tsa megala le diharepa+ kwa godimo. 29  Ga diragala gore, fa letlole la kgolagano+ ya ga Jehofa le fitlha kwa Motseng wa ga Dafide, Mikale,+ morwadia Saulo, a leba kwa tlase ka fensetere mme a bona Kgosi Dafide a tlolaka a keteka;+ mme a simolola go mo nyatsa+ mo pelong ya gagwe.

Dintlha Tse di Kwa Tlase