1 Dikgosi 9:1-28

9  Mme ga diragala gore, fela fa Solomone a sena go fetsa go aga ntlo+ ya ga Jehofa le ntlo ya kgosi+ le sengwe le sengwe se se eletsegang se Solomone a neng a itumelela go se dira,+  foo Jehofa a bonala mo go Solomone lekgetlo la bobedi, ka tsela e e tshwanang le e a neng a bonala mo go ene ka yone kwa Gibeone.+  Mme Jehofa a mo raya a re: “Ke utlwile thapelo ya gago+ le kopo ya gago ya kamogelo e o kopileng kamogelo ka yone fa pele ga me. Ke itshepisitse+ ntlo eno e o e agileng ka go baya leina la me+ mo go yone ka bosakhutleng; mme matlho a me+ le pelo ya me ruri di tla itshupa di le mo go yone ka metlha.+  Mme wena, fa o ka tsamaya+ fa pele ga me, fela jaaka Dafide+ rrago a ne a tsamaya, ka bothokgami+ jwa pelo le ka thokgamo+ ka go dira go ya ka sotlhe se ke se go laetseng,+ gape o boloka melao ya me+ le ditshwetso tsa me tsa boatlhodi,+  le nna ke tla tlhomamisa setulo sa bogosi jwa gago mo Iseraele ka bosakhutleng, fela jaaka ke ne ka solofetsa Dafide rrago, ke re, ‘Ga go na le fa e le monna ope wa gago yo o tla kgaolwang gore a se ka a nna mo setulong sa bogosi sa Iseraele.’+  Fa lona le bomorwaalona ruri lo ka boela morago mo go ntshaleng morago+ mme lo sa boloke ditaolo tsa me le melao ya me e ke e beileng fa pele ga lona, mme lo tsamaya lo ya go direla medimo+ e mengwe le go e ikobela,  le nna ke tla kgaola Iseraele mo godimo ga lefatshe le ke le ba neileng;+ le ntlo e ke e itshepiseditseng leina la me ke tla e latlha ke e ntsha fa pele ga me,+ mme Iseraele ruri o tla nna polelo ya seane+ le kgobo mo gare ga ditšhaba tsotlhe.  Mme ntlo eno ka boyone e tla nna mekoa ya marope.+ Mongwe le mongwe yo o fetang fa go yone o tla e rotolela matlho+ a gakgametse a ba a letsa molodi a re, ‘Ke ka lebaka lang Jehofa a dirile lefatshe leno le ntlo eno+ jaana?’  Mme ba tla re, ‘Ka lebaka la gore ba tlogetse Jehofa Modimo wa bone yo o ntshitseng borraabonemogologolwane mo lefatsheng la Egepeto,+ mme ba tshwara medimo+ e mengwe ba e ikobela le go e direla. Ke gone ka moo Jehofa a ba tliseditseng masetlapelo ano+ otlhe.’” 10  Mme ga diragala kwa bokhutlong jwa dingwaga di le masome a mabedi, tse mo go tsone Solomone a agileng matlo a mabedi, ntlo ya ga Jehofa+ le ntlo ya kgosi,+ 11  (Hirame+ kgosi ya Ture ka boene o ne a thusitse Solomone+ ka dikota tsa ditlhare tsa mosedara le dikota tsa ditlhare tsa mofira le gouta e ntsi go ya ka fa a neng a eletsa ka gone,)+ ga diragala gore ka nako eo Kgosi Solomone a neye Hirame metse e le masome a mabedi mo lefatsheng la Galalea.+ 12  Ka jalo Hirame a tswa mo Ture go ya go bona metse e Solomone a neng a e mo neile, mme e ne e sa siama mo matlhong a gagwe.+ 13  Ka jalo a re: “Ke metse ya mofuta mang eno e o e nneileng, morwarre?” Mme ya bidiwa Lefatshe la Kabule go tla go fitlha mo letsatsing leno. 14  Fa go sa ntse go ntse jalo Hirame a romelela kgosi ditalenta di le lekgolo le masome a mabedi tsa gouta.+ 15  Jaanong eno ke pego ya ba ba neng ba patelediwa go tsenela tiro e e boima+ ba Kgosi Solomone a neng a ba tlhopha go aga ntlo ya ga Jehofa+ le ntlo ya gagwe le Thota+ le lobota+ lwa Jerusalema le Hasore+ le Megido+ le Gesere.+ 16  (Faro kgosi ya Egepeto o ne a tlile mme a gapa Gesere a e fisa ka molelo, mme o ne a bolaile Bakanana+ ba ba neng ba nna mo motseng. Ka jalo a e naya morwadie,+ mosadi wa ga Solomone, e le mpho ya go kgaogana le ene.) 17  Mme Solomone a tswelela go aga Gesere le Bethe-horona+ o o kwa Tlase, 18  le Baalathe+ le Tamare mo nageng, mo lefatsheng, 19  le metse yotlhe ya bobolokelo+ e e neng ya nna ya ga Solomone le metse+ ya dikara le metse ya bapalami ba dipitse, le dilo tse di eletsegang tsa ga Solomone+ tse a neng a eleditse go di aga mo Jerusalema le mo Lebanona le mo lefatsheng lotlhe le a neng a le laola. 20  Fa e le batho botlhe ba ba neng ba setse mo go Baamore,+ Bahite,+ Baperise,+ Bahife+ le Bajebuse,+ ba ba neng ba se karolo ya bomorwa Iseraele,+ 21  bomorwaabone ba ba neng ba setse mo lefatsheng ba bomorwa Iseraele ba neng ba sa kgona go ba neelela tshenyego,+ Solomone o ne a nna a ba tlhopha gore ba dire tiro e e boima ya botlhanka go tla go fitlha mo letsatsing leno.+ 22  Mme go ne go se na bomorwa Iseraele bape ba Solomone a neng a ba dira batlhanka;+ gonne e ne e le batlhabani le batlhanka ba gagwe le dikgosana tsa gagwe le bathusi ba badiredibagolo ba masole a gagwe le balaodi ba bakgweetsi ba gagwe ba dikara le ba bapalami ba gagwe ba dipitse.+ 23  Bano e ne e le balaodi ba bathusi ba ba neng ba okametse tiro ya ga Solomone, ba le makgolo a matlhano le masome a matlhano, balebedi ba batho ba ba neng ba tshwaregile mo tirong.+ 24  Le fa go ntse jalo, morwadia Faro+ ka boene a tswa mo Motseng wa ga Dafide+ a ya kwa ntlong ya gagwe e a neng a e mo agetse. Ke ka yone nako eo a neng a aga Thota.+ 25  Mme Solomone a isa ditlhabelo tse di fisiwang le ditlhabelo tsa kabalano gararo+ ka ngwaga mo sebesong se a neng a se agetse Jehofa,+ mme go ne go kuisiwa musi wa setlhabelo mo sebesong,+ se se neng se le fa pele ga ga Jehofa; mme a fetsa ntlo.+ 26  Mme go ne go na le lesomo la dikepe tse Kgosi Solomone a neng a di dirile kwa Esione-gebere,+ o o fa Elothe,+ mo losing lwa Lewatle le Lehibidu mo lefatsheng la Edoma.+ 27  Mme Hirame a nna a romela batlhanka ba gagwe+ ka lesomo la dikepe, banna ba lewatle, ba ba nang le kitso ya lewatle, mmogo le batlhanka ba ga Solomone. 28  Ba ya kwa Ofire+ mme ba tsaya ditalenta tsa gouta+ di le makgolo a manè le masome a mabedi teng ba bo ba di tlisa kwa go Kgosi Solomone.

Dintlha Tse di Kwa Tlase