1 Bathesalonika 4:1-18

4  La bofelo, bakaulengwe, re lo lopa le go lo rotloetsa ka Morena Jesu, fela jaaka lo ne lwa amogela tao e e tswang mo go rona ya kafa lo tshwanetseng lwa tsamaya+ ka gone le go itumedisa Modimo, fela jaaka tota e bile lo tsamaya, gore lo nne lo dire jalo ka botlalo+ segolo.  Gonne lo itse ditaelo+ tse re neng ra di lo naya ka Morena Jesu.  Gonne seno ke se Modimo o se ratang, go itshepisiwa ga lona,+ gore lo ithibe mo kgokafalong;+  gore mongwe le mongwe wa lona a itse kafa a ka tsholang sejana+ sa gagwe ka gone se le boitshepo+ e bile se tlotlega,  e seng mo go eletseng+ tlhakanelodikobo ka bopelotshetlha mo go ntseng jaaka mo ditšhaba+ tse di sa itseng Modimo+ le tsone di nang le gone;  gore motho a se ka a feleletsa a gobaditse e bile a tseneletse mo ditshwanelong tsa mokaulengwe wa gagwe mo kgannyeng eno,+ ka gonne Jehofa ke ene yo o diragatsang kotlhao ka dilo+ tseno tsotlhe, fela jaaka re ne ra lo bolelela go sa le pele ra ba ra lo naya bosupi+ ka botlalo.  Gonne Modimo o ne a re bitsa, e seng gore a letlelele boitshekologo, mme e ne e le gore re itshepisiwe.+  Jalo he, motho yo o bontshang go itlhokomolosa+ ga a itlhokomolose motho, mme o itlhokomolosa Modimo,+ yo o tsenyang moya+ wa gagwe o o boitshepo mo go lona.  Le fa go ntse jalo, ka ga lorato lwa bokaulengwe,+ ga lo tlhoke gore re bo re lo kwalela, gonne lona ka bolona lo rutwa ke Modimo+ gore lo ratane;+ 10  mme, tota e bile, lo go dira mo bakaulengweng botlhe mo Makedonia yotlhe. Mme re a lo rotloetsa, bakaulengwe, gore lo tswelele lo go dira ka botlalo thata, 11  le gore lo go dire boikaelelo jwa lona go tshela ka tidimalo+ le go tlhokomela dikgang tsa lona+ le go dira ka diatla+ tsa lona, fela jaaka re ne ra lo laela; 12  gore lo tsamaye ka mokgwa o montle+ malebana le batho ba ba kwa ntle+ mme lo sa tlhoke selo sepe.+ 13  Mo godimo ga moo, bakaulengwe, ga re batle gore lo nne lo se na kitso ka ga ba ba robalang+ mo losong; gore lo se ka lwa hutsafala fela jaaka ba bangwe botlhe ba ba se nang tsholofelo+ le bone ba hutsafala. 14  Gonne fa e le gore tumelo ya rona ke gore Jesu o ne a swa a ba a tsoga gape,+ jalo, le ba ba robetseng mo losong ka Jesu, Modimo o tla ba tlisa mmogo le ene.+ 15  Gonne seno ke se re se lo bolelelang ka lefoko la ga Jehofa,+ gore rona batshedi ba re tshelang go fitlha kwa go nneng gone ga Morena+ ga re na go etelela pele ba ba robetseng mo losong ka gope; 16  ka gonne Morena ka boene o tla fologa kwa legodimong+ ka mokgosi wa taelo, ka lentswe la moengele yo mogolo+ le ka terompeta+ ya Modimo, mme ba ba suleng ba le seoposengwe le Keresete ba tla tsoga pele.+ 17  Morago ga moo rona batshedi ba re tshelang, mmogo le bone,+ re tla phamolelwa+ kwa marung+ go kgatlhantsha+ Morena mo moyeng; mme ka gone re tla nna le Morena+ ka metlha. 18  Ka gone, nnang lo gomotsane ka mafoko ano.

Dintlha Tse di Kwa Tlase