1 Bathesalonika 1:1-10

1  Paulo le Silefano+ le Timotheo+ re kwalela phuthego ya Bathesalonika e e seoposengwe+ le Modimo Rara le Morena Jesu Keresete: E kete lo ka nna le bopelonomi jo bo sa re tshwanelang le kagiso.+  Ka metlha re leboga Modimo fa re lo umaka lotlhe mo dithapelong tsa rona+,  gonne re gopola tiro ya lona ya go nna le tumelo,+ re sa kgaotse, le tiro ya lona ya bonatla ya lorato le boitshoko jwa lona ka ntlha ya tsholofelo+ ya lona mo Moreneng wa rona Jesu Keresete fa pele ga Modimo wa rona le Rara.  Gonne, bakaulengwe ba ba ratwang ke Modimo, re itse go lo tlhopha ga gagwe,+  ka gonne dikgang tse di molemo tse re di rerang ga di a ka tsa tla mo go lona ka puo e le yosi mme gape di tlile ka maatla+ le ka moya o o boitshepo le go tlhatswega pelo mo go nonofileng,+ fela jaaka lo itse gore re ne ra nna batho ba mofuta ofe mo go lona ka ntlha ya lona;+  mme lo ne lwa nna baetsi+ ba rona le ba Morena,+ ka lo ne lwa amogela lefoko lo le mo pitlaganong+ e kgolo ka boipelo jwa moya o o boitshepo,+  mo e leng gore lo ne lwa simolola go nna sekao mo badumeding botlhe mo Makedonia le mo Akaia.  Boammaaruri ke gore, ga se fela gore lefoko la ga Jehofa+ le utlwetse ka lona mo Makedonia le Akaia, mme mo lefelong lengwe le lengwe tumelo ya lona+ mo Modimong e anametse kgakala,+ mo e leng gore ga re tlhoke go bua sepe.  Gonne bone ka bobone ba nna ba bega kaga tsela e la ntlha re neng ra tsena mo gare ga lona ka yone le kafa lo neng lwa retologela kwa Modimong ka gone lo tswa mo medingwaneng+ ya lona gore lo nne batlhanka ba Modimo yo o tshelang+ le wa boammaaruri,+ 10  le go letela+ Morwawe go tswa magodimong,+ yo o neng a mo tsosa mo baswing,+ e bong Jesu, yo o re gololang mo tšhakgalong e e tlang.+

Dintlha Tse di Kwa Tlase