Fetela kwa tshedimosetsong

DECEMBER 29, 2017
PHILIPPINES

Philippines e Tlhaselwa ke Ditsuatsue Tse Pedi

Philippines e Tlhaselwa ke Ditsuatsue Tse Pedi

Kwa Philippines, fa kgwedi ya December e tloga e fela, go ne ga nna le ditsuatsue tse pedi tse di bidiwang Kai-tak (kgotsa Urduja) le Tembin (kgotsa Vinta), tse di neng tsa dira gore go nne le merwalela le diretse. Batho ba le diketekete ba ne ba tshwanelwa ke go tlogela magae a bone.

Ditsuatsue tseno di ne tsa senya Diholo Tsa Bogosi tse pedi le magae a marataro a Basupi ba ga Jehofa mme malapa a le 281 a ne a tshwanelwa ke go fuduga. Ka maswabi kwa Lanao del Norte, kgaitsadi mongwe yo o nang le dingwaga di le 24 o ile a nwela mo metsing a a neng a bakilwe ke merwalela.

Basupi ba bangwe ba ba nnang mo lefelong leo ba thusitse ka dilo tse di neng di tlhokega. Baemedi go tswa kwa ofising ya lekala la Philippines, ba ipaakanyetsa go etela lefelo leno le le amilweng ke masetlapelo go kgothatsa bakaulengwe le bokgaitsadi ba koo le go bona gore ke dilo dife tse ba di tlhokang.

Re lela le botlhe ba ba amilweng ke masetlapelo ano le ba ba latlhegetsweng ke dithoto le ba ba ba ratang. Re tlhomamisegile gore Jehofa o tla tswelela a ba gomotsa le go ba thusa ka dilo tse ba di tlhokang a dirisa moya o o boitshepo le phuthego ya gagwe.—Pesalema 9:9; Isaia 51:12.

Babegadikgang ba ka ikgolaganya le:

Kwa ntlokgolo: David A. Semonian, Office of Public Information, +1-845-524-3000

Kwa Philippines: Dean Jacek, +63-2-224-4444