Fetela kwa tshedimosetsong

JUNE 27, 2017
UNITED KINGDOM

Basupi ba Thusa Batho ba Kago ya Bone e Ileng ya Gailwa ke Molelo Kwa London

Basupi ba Thusa Batho ba Kago ya Bone e Ileng ya Gailwa ke Molelo Kwa London

Basupi ba ga Jehofa ba thusa batho ba ba nnang kwa Grenfell Tower e e kwa Borwa jwa Kensington kwa London. Kago eno ya matlhatlaganyane a le 12 e ile ya gailwa ke molelo mo mosong ka June 14, 2017. Mapodise a re go tlhokafetse batho ba le 79.

Basupi ba le bané ba ile ba ntshiwa mo difoleteng tsa bone, ba babedi ba bone ba ne ba nna mo kagong eo ya Grenfell Tower. Ga go ope wa bone yo o gobetseng mme difolete tsa bone di ile tsa jewa ke molelo. Basupi ba ba nnang gaufi ba ile ba thusa badumedi ka bone le ba malapa a bone ba ba amilweng ke masetlapelo ano. Ba ile ba ba naya dijo, diaparo le madi. Gape Basupi ba ga Jehofa ba dirisa Baebele go gomotsa batho ba kwa North Kensington ba ba amilweng ke masetlapelo ano.

Babegadikgang ba ka Ikgolaganya le:

Kwa Ntlokgolong: David A. Semonian wa Ofisi ya Tshedimosetso mo nomorong ya +1-845-524-3000

Kwa United Kingdom: Andrew Schofield mo nomorong ya +44-20-8906-2211