Fetela kwa tshedimosetsong

JUNE 7, 2017
SRI LANKA

Sri Lanka e Tlhasetswe ke Merwalela

Sri Lanka e Tlhasetswe ke Merwalela

Basupi ba ga Jehofa ba thusa badumedi mmogo le bone le batho ba bangwe ba ba ileng ba welwa ke masetlapelo, fa dipula tsa merwalela le seretse di senya karolo e e kwa borwa le bophirima jwa Sri Lanka. Seno se ile sa bakwa ke dipula tse di simolotseng go na ka May 26. Go begwa gore batho ba feta 200 ba ile ba tlhokafala mme ba feta 77 000 ba ile ba latlhegelwa ke magae a bone.

Ofisi ya Basupi ba ga Jehofa ya kwa Sri Lanka e ile ya tlhoma dikomiti di le pedi tsa namolo go thusa Basupi ba feta 100 ba ba ileng ba amiwa ke merwalela. Basupi bao ba ile ba newa dijo le lefelo le ba ka nnang mo go lone. Ga go na Mosupi ope yo o tlhokafetseng.

Setlhopha se se Laolang sa Basupi ba ga Jehofa se rulaganya tiro ya namolo go tswa kwa ntlokgolong ya Basupi e e kwa New York se dirisa meneelo e e ntshiwang go tshegetsa tiro ya go ruta batho Baebele.

Babegadikgang ba ka Ikgolaganya le:

Kwa Ntlokgolong: David A. Semonian wa Ofisi ya Tshedimosetso mo nomorong ya +1-845-524-3000

Kwa Sri Lanka: Nidhu David mo nomorong ya +94-11-2930-444