Fetela kwa tshedimosetsong

APRIL 19, 2017
RUSSIA

Letsatsi la Botlhano la Tsheko: Kgotlatshekelo e Sekaseka Dikgetsi Tsa Dingwaga di le Lesome Tse di Fetileng

Letsatsi la Botlhano la Tsheko: Kgotlatshekelo e Sekaseka Dikgetsi Tsa Dingwaga di le Lesome Tse di Fetileng

NEW YORK—Ka Laboraro, April 19, 2017, batho ba ka nna 300 (ba bangwe ba bone ba tlileng ka ura ya bobedi ka matsha) ba ne ba kgobokane kwa Kgotlatshekelong ya Makgaolakgang go tla go utlwa kgetsi e mo go yone Lefapha la Tshiamiso le kopang gore Ofisi ya Lekala la Basupi ba ga Jehofa e tswalwe. Kgotlatshekelo e ne ya sekaseka dibolumo di le 43 tse di bontshang bosupi jwa tsela e puso ya Russia e ntseng e dirisana ka yone le Basupi ba ga Jehofa mo dingwageng tse di lesome tse di fetileng.

Dibolumo tse 43 tse Kgotlatshekelo e neng ya di sekaseka.

Babueledi ba Lefapha la Tshiamiso ba ile ba palelwa ke go bontsha moatlhodi gore ke molao ofe o ba o latelang go batla go tswala Ofisi ya Lekala la Basupi ba ga Jehofa kgotsa o o ba bontshang gore Ofisi le Mekgatlho e Basupi ba e dirisang e kotsi mo setšhabeng. Mongwe wa babueledi ba Ofisi ya Lekala e bong Yury Toporov o ne a tlhalosa gore dingwe tsa dibolumo tseo di tla bontsha makwalo le dikgele tse puso e ileng ya di naya Ofisi ya lekala go ba lebogela tiro ya bone ya go thusa setšhaba. Gape kgotlatshekelo e ile ya bolelelwa kafa mekgatlho e Basupi ba e dirisang e thusitseng setšhaba ka gone. Mo godimo ga moo, dibolumo tseo di ne di bontsha bosupi jwa gore Lefapha la Tshiamiso le ile la batlisisa mekgatlho eo fa e sa le ka 2008 mme ga di a fitlhela bosupi bope jo bo tshegetsang ditatofatso tsa gore mekgatlho eo e kotsi mo setšhabeng. Babueledi ba Lefapha la Tshiamiso ba ile ba dumalana le ntlha eo.

Go tloga ka fa molemeng go ya ka fa mojeng: Babueledi ba Ofisi ya Lekala la Basupi ba ga Jehofa la kwa Russia, Anton Omelchenko, Maksim Novakov, Victor Zhenkov, le Yury Toporov. Kwa morago, go tswa ka fa molemeng go ya ka fa mojeng: Maloko a komiti e e okametseng Ofisi ya Lekala la Russia, Vasiliy Kalin le Sergey Cherepanov.

Kgetsi eno e tla tswelela gape ka April 20, 2017, ka ura ya bobedi thapama.

Babegadikgang ba ka Ikgolaganya le:

Kwa ntlokgolong: David A. Semonian, wa Ofisi ya Tshedimosetso mo nomorong ya +1-845-524-3000

Kwa Russia: Yaroslav Sivulskiy mo nomorong ya +7-911-087-8009