Fetela kwa tshedimosetsong

APRIL 6, 2017
AUSTRALIA

Setsuatsue se se Bidiwang Debbie se Senya Kwa Australia

Setsuatsue se se Bidiwang Debbie se Senya Kwa Australia

Ka Labobedi, March 28, 2017, Setsuatsue se se bidiwang Debbie se ile sa itaya karolo e e kwa bokone jwa Queensland e e bapileng le lewatle mmogo le ditlhaketlhake tse di gaufi le Queensland. Setsuatsue seo se se maatla se ile sa roba ditlhare, sa diga dikago le go thubaganya mekoro. Gape se ile sa baka merwalela mo metseng le mo ditoropong tse di kwa borwa jwa Queensland le kwa bokone jwa New South Wales mme metse e le mentsi e ne ya sala e se na motlakase.

Go ile ga begwa gore ga go na Mosupi ope yo o gobetseng thata kgotsa yo o tlhokafetseng. Mme gone, matlo a Basupi ba le bantsi a ile a senyega. Gape Diholo tse pedi tsa Bogosi (kgotsa mafelo a kobamelo) di ile tsa senyega.

Ofisi ya lekala la Basupi ba ga Jehofa kwa Australia e ile ya tlhoma dikomiti tse pedi tsa namolo gore di thuse ka dijenereitara, dijo le metsi kwa mafelong a a wetsweng ke masetlapelo. Basupi ba ga Jehofa ba bangwe ba gomotsa badumedi mmogo le bone ka Baebele.

Setlhopha se se Laolang sa Basupi ba ga Jehofa se se kwa ntlokgolong ya lefatshe lotlhe se thusa mo tirong ya namolo ka go dirisa meneelo e e ntshiwang go tshegetsa tiro ya go rera mo lefatsheng lotlhe.

Babegadikgang ba ka Ikgolaganya le:

Kwa ntlokgolong: David A. Semonian, wa Ofisi ya Tshedimosetso no nomorong ya +1-845-524-3000

Kwa Australasia: Rodney Spinks, mo nomorong ya +61-2-9829-5600