Ka 2011, Basupi ba ga Jehofa ba ne ba thusa batho ba feta 5 700 go ithuta go bala le go kwala.

Ghana:

Mo dingwageng di le 25 tse di fetileng, re thusitse batho ba feta 9 000 go ithuta go bala le go kwala.

Zambia:

Fa e sa le go tloga ka 2002, batho ba ka nna 12 000 ba tokafaditse bokgoni jwa bone jwa go bala le go kwala. Agnes wa dingwaga di le 82 a re: “Fa go ne go itsisiwe kwa phuthegong ya rona gore go tla nna le ditlelase tsa go ithuta go bala le go kwala, ke ne ka ikwadisa. Mo thutong ya ntlha ke ne ka ithuta go kwala leina la me!

Peru:

Moithuti mongwe wa dingwaga di le 55 o ne a kwala jaana: “E re ka batsadi ba me ba sa nkisa sekolong, ke ne ke sa akanye gore ke tla kgona go ithuta go bala le go kwala.

Mozambique:

Mo dingwageng di le 15 tse di fetileng batho ba feta 19 000 ba ithutile go bala. Moithuti mongwe yo o bidiwang Felizarda o ne a re: “Ke itumelela gore jaanong ke kgona go bula Baebele le go e balela batho. Go ne go le thata go dira jalo.”

Solomon Islands:

Ofisi ya rona ya lekala e kwala jaana: “Mo nakong e e fetileng batho ba bantsi ba ba nnang kwa mafelong a a kwa thoko ba ne ba sa tsene dikolo. Gape ke basetsana ba le mmalwa fela ba ba neng ba tsena sekolo. Ka jalo, batho ba bagolo ba ne ba solegelwa molemo ke ditlelase tseno tsa go ithuta go bala le go kwala. Ba le bantsi fa ba sena go fetsa mo ditlelaseng tseno ga ba tlhole ba inyatsa.