Fetela kwa tshedimosetsong

Baithuti ba Etela Ofisi ya Lekala ya Basupi ba ga Jehofa Kwa Mexico

Baithuti ba Etela Ofisi ya Lekala ya Basupi ba ga Jehofa Kwa Mexico

Lokwalopaka lwa yunibesithi, e leng Gaceta lwa re baithuti ba ba neng ba etetse ofisi le bogatisetso jwa Basupi ba ga Jehofa kwa Mexico ba ne ba re loeto lwa bone lo ba thusise gore ba “se tlhole ba tlhaola batho.”

Baithuti bano ba ne ba re:

  • “Re kgatlhilwe ke tsela e e molemo e ba itshwarang ka yone . . . ba dirisana ka tlotlo, ba maitseo, ba tshwarana ka go lekana e bile lefelo la bone le phepa.”

  • “Tsela e ba iketleeleditseng go dira ba le seoposengwe ka yone ke sekao se re ka se latelang.”

  • “Botlhe ba ne ba tlhomile mogopolo mo ditirong tsa bone mme ba nyenya.”

  • “Ruri re ratile tsela e lefelo leno la bogatisetso le rulagantsweng ka yone.”

Baithuti bano ke ba kwa National School of Library and Archival Sciences kwa Mexico City.

Basupi ba ga Jehofa ba bontsha batho diofisi le mafelo a bone a bogatisetso mahala mo dinageng di ka nna 100. Motho yo o ka ratang go tlisa baithuti go tla go bona dikago tsa rona a ka bona tshedimosetso malebana le dinako le lefelo mo KA GA RONA > DIOFISI & MAETO. Re laletsa mongwe le mongwe le malapa go tla go re etela.