Kakɔna kakongɛ anto lo nshi yayaye?

Ngande wasala nyɔi ka Yeso dia tshunda diele onto l’onto ndjakiyanyaka di’osekande monga?

Aha la taamu, anto wayotetemala mpama l’awui wa siansɛ. Ko, onde vɔamɛ koka nkenga tshunda dimɔtshi diele anto wa lɔkɔ ndjakiyanyaka lo dikambo di’asekawɔ? Keema. Ɛlɔ kɛnɛ, andja wambolola la lokaki ndo la lohehe. Koko, Nzambi ekɔ lo nsangoya dui dimɔtshi dia dimɛna efula lo dikambo di’anto.—Adia 2 Petero 3:13.

Ɔtɛkɛta wa Nzambi tɛkɛtaka dia tshunda dimɔtshi dia l’andja w’otondo diayonga lo nshi yayaye diele anto wa lɔkɔ wayokanaka ngandji. Anto wa lɛkɔ wayɔsɛna lo lotui tshitshi ndo ndooko onto layowasalɛ kɔlɔ.—Adia Mika 4:3, 4.

Ngande wayonyɛma lokaki?

Oma k’etatelo, Nzambi akatonge onto laki komonga la lokaki. Koko, lo nsɔna dia pindolɛ Nzambi, pami ka ntondo kɛsɔ akashisha eongelo kande ka kokele. Takahowɔ mbekelo ka monga la lokaki oma le nde. Lo mɛtɛ, Nzambi ayokamba la Yeso dia nkonya anto kokele.—Adia Rɔmɔ 7:21, 24, 25.

Lo yoho yɔtɔnɛ la lolango laki Nzambi, Yeso akavu dia nkimɔ olambo w’etshungwelo ndo akanya shɛngiya y’ohindodi wa pami ka ntondo. (Rɔmɔ 5:19) Ɔnkɔnɛ, diɛsɛ la Yeso, tayonga la nshi yayaye ya diambo ndo tayotshungɔ oma lo mbekelo ka kɔlɔ ka lokaki.—Adia Osambu 37:9-11.