Accessibility setting

Pumili ng wika

Pumunta sa pangalawahing menu

Pumunta sa nilalaman

Mga Saksi ni Jehova

Tagalog

Masama Bang Magsugal?

Masama Bang Magsugal?

Ang sagot ng Bibliya

Bagaman hindi detalyadong tinatalakay sa Bibliya ang pagsusugal, mauunawaan natin mula sa mga simulain ng Bibliya na masama ito sa paningin ng Diyos.Efeso 5:17. *

  • Ang pagsusugal ay udyok ng kasakiman, na kinapopootan ng Diyos. (1 Corinto 6:9, 10; Efeso 5:3, 5) Gusto ng mga nagsusugal na matalo ang kalaban para magkapera, pero sinasaway ng Bibliya ang mga mapag-imbot, o naghahangad na makuha ang pag-aari ng iba.Exodo 20:17; Roma 7:7; 13:9, 10.

  • Ang pagsusugal, kahit para sa maliit na halaga, ay pumupukaw ng nakamamatay na pag-ibig sa salapi.1 Timoteo 6:9, 10.

  • Ang mga nagsusugal ay madalas na umaasa sa mga pamahiin o suwerte. Pero sa pananaw ng Diyos, ang gayong paniniwala ay isang uri ng pagsamba sa mga idolo, na salungat sa pagsamba sa Diyos.Isaias 65:11.

  • Sa halip na itaguyod ang pagnanasang magkapera nang hindi pinaghirapan, hinihimok tayo ng Bibliya na magtrabaho nang masikap. (Eclesiastes 2:24; Efeso 4:28) Ang mga sumusunod sa payo ng Bibliya ay ‘kakain ng pagkain na kanila mismong pinagpagalan,’ o pinaghirapan.—2 Tesalonica 3:10, 12.

  • Maaaring pukawin ng pagsusugal ang nakapipinsalang espiritu ng pagpapaligsahan, na di-sinasang-ayunan ng Bibliya.Galacia 5:26.

^ par. 3 Ang pagsusugal ay espesipikong binanggit sa Bibliya may kaugnayan lang sa mga sundalong Romano na nagpalabunutan, o “nagsugal,” para sa kasuotan ni Jesus.Mateo 27:35; Juan 19:23, 24; Contemporary English Version; Good News Translation.

Higit Pang Impormasyon

Kung Paano Makokontrol ang Iyong Paggastos

Tingnan ang anim na mungkahi para maiwasan ang sobrang pamimili.

Paano Nakakatulong sa Atin ang mga Kautusan ng Diyos?

Sinabi ni Jesus kung bakit kailangan natin ng patnubay at kung ano ang dalawang pinakamahalagang utos ayon sa Bibliya.