Accessibility setting

Pumili ng wika

Pumunta sa pangalawahing menu

Pumunta sa nilalaman

Mga Saksi ni Jehova

Tagalog

Photo Gallery 1—Pilipinas (Pebrero 2014 Hanggang Mayo 2015)

Photo Gallery 1—Pilipinas (Pebrero 2014 Hanggang Mayo 2015)

Ang mga Saksi ni Jehova ay nagtatayo ng mga bagong gusali at nagre-renovate ng dati nang mga pasilidad sa tanggapang pansangay ng Pilipinas sa Quezon City. Dahil iniimprenta na sa sangay sa Japan ang mga literatura para sa Pilipinas, ang dating printery building ay ginawa nang mga opisina para sa mga departamento ng Computer, Local Design/Construction (LDC), Maintenance, Shipping, at Translation. Makikita sa photo gallery ang ilan sa mga ginawa sa dating printery at sa iba pang mga gusali sa pagitan ng Pebrero 2014 at Mayo 2015. Ang proyektong ito ay nakaiskedyul na matapos sa Oktubre 2016.

Drowing ng sangay sa Pilipinas kapag natapos na ito. Kabilang sa mga gusali at istrakturang itinatayo o nire-renovate ay:

  • Building 4 (Residence)

  • Building 5 (Audio/Video, Service Department)

  • Building 6 (Landscaping, Vehicle Repair, Welding)

  • Building 7 (Computer, LDC, Maintenance, Shipping, Translation)

Pebrero 28, 2014—Building 7

Isinusupot ng mga temporaryong manggagawa ang mga bagong fiberglass insulation para hindi ito pasukin ng halumigmig. May suot silang protective equipment para hindi sila mangati.

Abril 2, 2014—Building 7

Tinatapos ng mga manggagawa ang kisame ng recording studio para sa Filipino Sign Language. Ang mga kuwadradong butas sa kisame ang paglalagyan ng mga HVAC diffuser, para dumaloy ang aircon sa buong studio.

Oktubre 21, 2014—Quezon City site

Naghuhukay para sa centralized chilled water system. Ang bagong system na ito ang magpapalamig sa lahat ng gusali sa buong complex.

Disyembre 19, 2014—Walkway na nagdurugtong sa Building 1, 5, at 7

Pagdurugtungin ng bagong walkway na may bubong ang lahat ng pangunahing gusali, kabilang na ang Building 1, na kinaroroonan ng dining room. Malaking tulong ang walkway na ito sa mahigit 300 nagtatrabaho sa Building 7.

Enero 15, 2015—Building 5

Binubuhat ng isang 50-ton crane ang mahahabang piraso ng metal na gamit sa bubong. Mga crane na may iba’t ibang laki ang ginagamit ng mga contractor.

Enero 15, 2015—Building 5A (Circulation pod)

Ang pod na ito, na dalawang palapag at may sukat na 125 metro kuwadrado (1,345 sq ft), ay may dalawang palikuran, isang elevator, at hagdan. Dahil nandito ang mga palikuran at hagdan, hindi nabawasan ang espasyo ng katabi nitong Building 5. Ang elevator ay inilagay rin sa pod, sa halip na sa Building 5, para hindi marinig ang ingay nito kapag may audio o video recording.

Enero 15, 2015—Building 5A (Circulation pod)

Sa ilalim ng tolda, makikitang nagtatali ng bakal ang mga manggagawa. Umaabot nang mga 29 digri Celsius (84°F) ang init ng araw kapag Enero at mga 34 digri Celsius (93°F) naman kapag Abril.

Marso 5, 2015—Building 5

Naglalagay ng mga kahoy na bigà ang mga manggagawa para lalong tumibay ang balangkas ng bubong. Mga 800 piraso ng matitigas na kahoy ang nagamit sa Building 5.

Marso 17, 2015—Building 5

Mano-manong naghahalo ng semento para sa isang maliit na proyekto. Kasama sa mga tumutulong sa pagtatayong ito ang mahigit 100 manggagawa mula sa Australia, Canada, France, Japan, New Zealand, South Korea, Spain, United States, at iba pang bansa.

Marso 25, 2015—Building 5

Naglalatag ng mga yerong pambubong sa Building 5, na dating kinaroroonan ng Translation Department. Ang gusaling ito ay nire-renovate para sa Audio/Video Department at Service Department.

Mayo 13, 2015—Building 5

Gamit ang chop saw, ang manggagawa ay pumuputol ng mga stud na pagkakabitan ng mga dingding ng opisina.

Higit Pang Impormasyon

Ano ang Ginagawa sa mga Tanggapang Pansangay ng Mga Saksi ni Jehova?

Puwede kang mag-tour sa alinman sa mga tanggapang pansangay namin!