Accessibility setting

Pumili ng wika

Pumunta sa pangalawahing menu

Pumunta sa nilalaman

Mga Saksi ni Jehova

Tagalog

Mga Bibliyang Gawa sa Japan

Dahil marami ang humihiling ng mga Bibliyang hardcover at deluxe, naglagay ang mga Saksi ni Jehova ng bagong bindery sa kanilang palimbagan sa Ebina, Japan.

Noong una, nag-aalala sila dahil naging limitado ang suplay ng kuryente sa Japan, na resulta ng lindol at tsunami noong Marso 11, 2011.

Gayunman, itinuloy ang proyekto noong Setyembre 2011. Pagkaraan ng kulang-kulang tatlong buwan, lumabas mula sa bagong bindery ang unang mga kopya ng Bagong Sanlibutang Salin sa wikang Chinese.

Ang fully automated na bindery line ay may habang 400 metro. Habang dumaraan sa bindery line ang mga papel na may imprenta, ang mga ito ay pinagdidikit-dikit, nilalagyan ng pabalat, dinadaganan, pinagpapatung-patong, at saka inilalagay sa mga karton na binabalot at ikinakarga sa mga paleta.

Tagumpay ang Pagtutulungan

Kinailangan ang mahusay na pagpaplano at koordinasyon para magtagumpay ang proyekto. Halimbawa, ang makina ng bindery ay kailangang maingat na balutin, ilagay sa mga crate, ikarga sa 34 na container van, at ibiyahe mula Europa patungong Japan.

Sampung miyembro ng tanggapang pansangay ng mga Saksi ni Jehova sa Estados Unidos ang nagpunta sa Japan para tumulong. Ang ilan ay nanatili nang anim na buwan para turuan ang mga tauhan sa Japan kung paano patatakbuhin at mamantinihin ang makina.

Nakuha ng bagong bindery ang atensiyon ng industriya ng bindery, printing, at publishing sa Japan. Noong Marso 19, 2012, mahigit isang daan katao mula sa mga industriyang iyon ang dumalaw para makita ang bindery at talagang humanga sila.

Nang pauwi na sila, bawat isa ay binigyan ng kopya ng Bagong Sanlibutang Salin na gawa sa bagong bindery.

Bukod sa sangay sa Japan, ang aming mga sangay sa Estados Unidos at Brazil ay gumagawa rin ng mga Bibliyang hardcover para sa mga Saksi ni Jehova sa buong mundo.

‘Maninibago sa Susunod na Trabaho’

Naging masaya ang samahan ng mga Saksi at ng iba pa mula sa ibang kompanya habang nagtatrabaho. Isang trabahador na di-Saksi ang nagsabi: “Para ko na kayong pamilya.

Sa huling araw ng proyekto, isa pang di-Saksi ang nagsabi: “Maninibago ako nang husto sa susunod kong trabaho kasi hindi na sa Watchtower!

 

Higit Pang Impormasyon

Pambuong-Daigdig na Pag-iimprenta—Tumutulong sa mga Tao na Matuto Tungkol sa Diyos

Sa buong daigdig, ang mga Saksi ni Jehova ay may 15 pasilidad na nag-iimprenta ng salig-bibliyang mga publikasyon sa mga 700 wika.