Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

ANG BANTAYAN AGOSTO 2015

Sagot sa mga Tanong sa Bibliya

Sagot sa mga Tanong sa Bibliya

Ganito na lamang ba ang buhay?

Iniisip mo ba kung minsan na napakaikli ng buhay?

Naisip mo na ba kung ang buhay ay basta lang paglalaro, pagtatrabaho, pag-aasawa, pagpapamilya, at pagtanda? (Job 14:1, 2) Ipinakikita ng Bibliya na pinag-iisipan ito kahit ng matatalinong tao.—Basahin ang Eclesiastes 2:11.

May kabuluhan ba ang buhay? Una, itanong natin, Paano nagsimula ang buhay? Matapos isaalang-alang ang kahanga-hangang disenyo ng ating utak at katawan, marami ang kumbinsido na ginawa tayo ng isang matalinong Maylalang. (Basahin ang Awit 139:14.) Kung gayon, tiyak na may dahilan kung bakit niya tayo nilalang! Kung aalamin natin ito, mas magiging makabuluhan ang ating buhay.

Bakit nilalang ang tao?

Pinagpala ng Diyos ang unang mag-asawa at binigyan sila ng kapana-panabik na atas. Layunin niya na punuin nila ang lupa, gawin itong isang paraiso, at mabuhay magpakailanman.—Basahin ang Genesis 1:28, 31.

Naantala ang layunin ng Diyos nang magrebelde ang mga tao sa kaniyang pamamahala. Pero hindi tayo itinakwil ng Diyos, at hindi rin niya binago ang kaniyang layunin para sa atin at sa lupa. Tinitiyak sa atin ng Bibliya na gumawa siya ng paraan para iligtas ang mga taong tapat at matupad ang layunin niya para sa lupa! Kaya gusto ng Diyos na maranasan mo ang buhay ayon sa nilayon niya! (Basahin ang Awit 37:29.) Alamin mula sa Bibliya kung paano ka personal na makikinabang sa layunin ng Diyos.

 

Higit Pang Impormasyon

Ano ang Layunin ng Diyos Para sa Lupa?

Matutupad ba ang layunin ng Diyos na magkaroon ng isang paraisong lupa? Kung oo, kailan?

Ano ang Layunin ng Buhay?

Pinag-iisipan mo ba, ‘Ano ang layunin ng buhay?’ Alamin ang sagot ng Bibliya sa tanong na iyan.