Accessibility setting

Pumili ng wika

Pumunta sa pangalawahing menu

Pumunta sa talaan ng mga nilalaman

Pumunta sa nilalaman

Mga Saksi ni Jehova

Tagalog

ANG BANTAYAN HULYO 2013

 TAMPOK NA PAKSA: DAPAT KA BANG MAGTIWALA SA RELIHIYON?

Bakit Mo Dapat Suriin ang Relihiyon?

Bakit Mo Dapat Suriin ang Relihiyon?

Ipagpalagay nang kailangan mong magpaopera dahil sa isang nakamamatay na sakit. Tiyak na gusto mong may lubos kang tiwala sa iyong siruhano, yamang ang buhay mo ay nasa kamay niya. Hindi ba isang katalinuhan na alamin ang kaniyang mga karanasan sa pag-oopera?

Sa katulad na paraan, makabubuting maingat na suriin ang relihiyon. Kung kabilang ka sa isang relihiyosong organisasyon, sa diwa, ang iyong kaugnayan sa Diyos ay nasa kamay nito. Kasama rito ang iyong pag-asang maligtas.

Si Jesus ay nagbigay ng pamantayan para tulungan tayong makatuwirang suriin ang mga relihiyon. Sinabi niya: “Ang bawat punungkahoy ay nakikilala sa sarili nitong bunga.” (Lucas 6:44) Halimbawa, kapag sinusuri mo ang isang partikular na relihiyon o sekta, ano ang mga bunga nito? Ang mga lider ba nito ay mas interesado sa pera kaysa sa mga miyembro nila? Sinusunod ba ng mga miyembro nila ang mga simulain sa Bibliya pagdating sa digmaan at moralidad? Higit sa lahat, may relihiyon bang karapat-dapat sa iyong pagtitiwala? Pakisuyong suriin ang sumusunod na mga artikulo.

“Ang bawat punungkahoy ay nakikilala sa sarili nitong bunga.”Lucas 6:44